San Juan 5:19 - Q'eqchi Bible

¹⁹ Kixye ut li Jesus reheb': “Relik chi yaal ninye eere: li K'ajolb'ej maak'a' naru tixb'aanu xjunes rib'; ka'ajwi' li naril chi xb'aanunkil li Yuwa'b'ej, a'an li naxb'aanu li K'ajolb'ej. Li naxb'aanu li Yuwa'b'ej, a'an ajwi' naxb'aanu li K'ajolb'ej.

Li Santil hu

¹⁹ Joꞌcan nak li Jesús quixye reheb: —Relic chi ya̱l tinye e̱re, La̱in li Cꞌajolbej. Ma̱cꞌaꞌ naru tinba̱nu injunes. Li cꞌaꞌru naxcꞌut chicuu lin Yucuaꞌ, aꞌan li ninba̱nu. Chixjunil li naxba̱nu lin Yucuaꞌ, aꞌan li ninba̱nu la̱in.

San Juan 5:19 ပူးပေါင်းရင်းမြစ်များ

San Juan 12:49

“Xb'aan naq moko xin'aatinak ta injunes wib', a' b'an li Yuwa'b'ej li kitaqlank chaq we xinxchaq'rab'i k'aru tinye ut k'a' chi aj ix tin'aatinaq;

San Juan 8:28

Jo'kan naq li Jesus kixye reheb': —Akaq xetaqsi li K'ajolb'ej, toja' naq teenaw naq Laa'inin ut maak'a' ninb'aanu injunes wib', ninye b'an li k'aru kixk'ut chiwu li Yuwa'b'ej.

San Juan 14:10

Ma ink'a' nakapaab' naq laa'in wankin rik'in li Yuwa'b'ej ut li Yuwa'b'ej wank wik'in? Eb' li aatin li ninye eere, moko injunes ta wib' naq ninye; a' li Yuwa'b'ej li wank wik'in, a'an li nab'aanunk re li k'anjel.

San Juan 10:18

Maa'ani namaq'ok chiwu linyu'am, laa'in b'an nink'ehok re, xb'aan naq jo'kan x'alaak sa' inch'ool. Wank inwankil chi xq'axtesinkil linyu'am ut wank inwankil chi xk'ulb'al wi' chik. A'an a'in lintaqlankil xink'ul rik'in linYuwa'”.

Romanos 8:11

Ut wi wank eerik'in li xMusiq' li Yos li kiwaklesink re chi yo'yo li Jesus sa' xyanqeb' li kamenaq, a' ajwi' li kiwaklesink re li Kriist chi yo'yo taak'ehoq xyu'am leech'och'el leesululel sa' xk'ab'a' li xMusiq' wank eerik'in.

San Juan 9:4

Naq toj kutan, tento tqab'aanu li k'anjel naraj li kitaqlank chaq we. Chalk re li q'oqyink ut maa'ani chik truuq taak'anjelaq.

San Lucas 21:15

xb'aan naq laa'in tink'e eeraatin ut xnimal ru eena'leb' li ink'a' te'ruuq xwech'b'al rix chi moko xsumenkil chixjunileb' li xik' neke'ilok eere.

San Juan 5:21

“Jo' naq li Yuwa'b'ej naxwaklesiheb' chi yo'yo li kamenaq ut naxk'e xyu'ameb', jo'kan ajwi' li K'ajolb'ej naxk'e xyu'am li ani taaraj.

2 Corintios 5:10

Xb'aan naq chiqajunilo tento toxqak'ut qib' sa' xraqleb'aal aatin li Kriist re naq li junjunq tixk'ul xq'ajkamunkil, a' yaal chanru li xb'aanuhom, ma us malaj ink'a' us xb'aanu naq xwank sa' ruuchich'och'.

Jeremías 17:10

Laa'in, li Qaawa', nintz'il rix li ch'oolej ut ninnaw toj sa' xchamal li aanmej; ninq'ajkamu li junjunq a' yaal chanru li xyehom ut li xb'aanuhom”.

Génesis 1:26

Toja' naq kixye li Yos: “Qayoob'tesihaq li poyanam jo' qajalam u, jo' qilob'aal laa'o, re taataqlanq sa' xb'eeneb' li kar sa' palaw, sa' xb'eeneb' li xul neke'rupupik chiru choxa ut li wankeb' sa' k'iche', sa' xb'eeneb' li ketomq ut sa' xb'eeneb' chixjunileb' li xul neke'xjukuki rib' chiru ch'och'”.

San Juan 3:3

Kichaq'ok li Jesus ut kixye re: —Relik chi yaal ninye aawe: maa'ani truuq chi rilb'al li xnimajwal awab'ejihom li Yos wi ink'a' ta taayo'laaq wi' chik.

Proverbios 2:6

Xb'aan naq a' li Qaawa' nak'ehok re li chaab'il k'a'uxl; rik'in A'an nachalk li nawok ut li na'leb'ak.

Salmos 138:3

Naq xintz'aama chawu intenq'ankil, xawab'i intij ut q'axal xak'e xkawub' li waanm.

Salmos 50:6

Ut li choxa naxye naq li Yos a'an laj raqol aatin, ut a'an junelik tiik xch'ool.

Génesis 1:1

Sa' xtiklajik chaq li Yos kixyoob'tesi li choxach'och'.

Apocalipsis 2:23

Tinq'axtesiheb' li ralal xk'ajol chi kamk. Chi jo'kan chixjunileb' li Iklees te'xnaw naq laa'in li nintz'ili li xch'ooleb' ut li xk'a'uxeb'. Tink'e eere chejunjunqal jo' chanru leeb'aanuhom.

1 Pedro 3:18

Xb'aan naq li Kriist, jun wa ajwi' kikamk re xtojb'al rix li maak, li tiik xch'ool chirixeb' li ink'a' tiikeb' xch'ool, re qak'amb'al rik'in li Yos. Li Kriist kikamsiik sa' li xjunxaqalil, ab'an kiyoob'tesiik sa' musiq'ejil yu'am.

Colosenses 1:16

xb'aan naq sa' xk'ab'a' a'an kiyoob'tesiik chixjunil li k'a' re ru li wank sa' choxa jo'wi' sa' ruuchich'och', li na'ilmank ut li ink'a' na'ilmank ru, li wankeb' xnimal xk'anjel ut xwankil, li neke'taqlank ut neke'awab'ejink: chixjunil kiyoob'tesiik sa' xk'ab'a' a'an ut cho'q re a'an.

Filipenses 4:13

Chixjunil ninkuy xnumsinkil sa' xk'ab'a' Li nak'ehok xkawub' inch'ool.

Filipenses 3:21

A'an taajaltesinq ru li qach'och'el qasululel chi nimaq xloq'al, re naq tkanaaq chi junajwa jo' li xjunxaqalil, sa' xk'ab'a' li xnimal xwankil li naruhank wi' xk'eeb'al chixjunil rub'el roq.

Efesios 3:16

re naq tixk'e eere, jo' chanru li xnimal xloq'al, naq kawaq eech'ool ut k'uub'kuuq leeraanm xb'aan li xMusiq'.

Efesios 2:5

ut xk'e qayu'am qochb'een li Kriist naq toj kamenaqo chaq xb'aan li qamaak. A'an jun eemaatan naq kolb'ilex.

2 Corintios 4:14

Naqanaw naq li Yos li kiwaklesink re chi yo'yo li Qaawa' Jesus, tooxwaklesi ajwi' laa'o qochb'een li Jesus ut toxooxaqab' chiru qochb'eenaqex laa'ex.

1 Corintios 15:12

Jo'kan utan, wi napuktesimank resil naq li Kriist kiwakliik wi' chik chi yo'yo sa' xyanqeb' li kamenaq, k'a' put naq toj wan wankeb' sa' eeyanq li yookeb' chi xyeeb'al naq maak'a' xwaklijikeb' chi yo'yo eb' li kamenaq?

Romanos 6:4

Sa' xk'ab'a' li kub'iha' qechmuqik li Kriist sa' li xkamik, re naq kama' li Kriist kiwaklesiik wi' chik chi yo'yo sa' xyanqeb' li kamenaq xb'aan xnimal xwankil li Yuwa'b'ej, jo'kan ajwi' laa'o choowanq sa' ak' yu'am.

Hechos 2:24

A'ut li Yos kiwaklesink re chi yo'yo naq kirisi xrahil li kamk sa' xb'een, xb'aan naq moko naru ta xkanaak rub'el xwankil li kamk.

San Juan 2:19

Li Jesus kixsumeheb' ut kixye: —Juk'umaq li rochoch li Yos a'in ut chiru oxib' kutan tinwaklesi wi' chik.

Isaías 44:24

Jo'ka'in kixye li Qaawa' laj Kolol aawe, li kisiyank chaq aawe naq toj maji' nakatyo'laak: “Laa'in li Qaawa', laa'in kinyoob'tesink re chixjunil, injunes kinhel ru li choxa ut kink'ojob' li ruuchich'och' sa' xna'aj.

Éxodo 4:11

Ab'an li Qaawa' kixsume: “Ani xk'ehok li ehej re li winq? Ani aj b'an wank li mem ut li tz'ap xik, li na'ilok ut li mutz'? Ma ink'a' tab'i' inb'aan laa'in li Qaawa'?

1 Ts 4:14

Ma ink'a' tab'i' naqapaab' naq li Jesus kikamk ut kiwakliik wi' chik chi yo'yo? Jo'kan naq li Yos tixk'ameb' rik'in li Jesus eb' li xe'kamk sa' xk'ab'a' A'an.

Isaías 45:24

ut te'xye naq ka'ajwi' rik'in li Qaawa' wank li tiikilal ut li wankilal». K'ajo'aq xxutaaneb' naq te'sutq'iiq chaq wik'in jo'k'ihaleb' li xik' neke'ilok we.

Colosenses 1:11

Chikawub'resiiq chi tz'aqal leech'ool xb'aan li xwankil li xloq'al li Yos, re naq teekuy chixjunil li ch'a'ajkilal chi ink'a' taach'inanq leech'ool;

Salmos 27:14

K'ojk'ooq aawaanm rik'in li Qaawa', kawaq aach'ool ut chatkuyuq; k'ojk'ooq aawaanm rik'in li Qaawa' chi junelik!

San Mateo 26:39

Kijilok chik kach'in ut kit'ane'k chi hupu, yo chi tijok: “At inYuwa', wi truuq, chinume'q li sek' a'in sa' inb'een; ab'an moko jo' ta li nawaj laa'in, jo'aq b'an li nakawaj laa'at”, chan.

San Juan 6:38

Xb'aan naq xinkub'e chaq sa' choxa moko re ta xb'aanunkil li wajom laa'in, re b'an xb'aanunkil li rajom li kitaqlank chaq we.

San Juan 12:50

ut laa'in ninnaw naq li xchaq'rab', a'an junelik yu'am. Jo'kan naq li k'aru ninye, ninye jo' chanru xye chaq we li Yuwa'b'ej”.