San Juan 4:3 - Q'eqchi Bible

³ Naq li Jesus kixnaw a'an, ki'elk Judea ut koho wi' chik Galilea.

Li Santil hu

³ Nak quixnau li cꞌaꞌru yo̱queb chixyebal laj fariseo, li Jesús qui-el Judea ut co̱ cuiꞌchic Galilea.

San Juan 4:3 ပူးပေါင်းရင်းမြစ်များ

San Mateo 10:23

Naq te'raj eerahob'tesinkil sa' li tenamit a'in, elelinqex ut ayuqex sa' jalan chik; ut wi aran te'raj ajwi' xb'aanunkil eere chi jo'kan, ayuqex sa' jalan chik. Relik chi yaal ninye eere: maji'aq teechoy xb'eeninkileb' li tenamit sa' xsutam Israel naq tol'elq li K'ajolb'ej.

San Juan 11:54

Jo'kan naq li Jesus ink'a' chik nab'eek chi kutankil sa' xyanqeb' laj Judiiy, ki'elk b'an aran ut koho sa' li na'ajej nach' rik'in li chaqich'och', sa' li tenamit Efraín xk'ab'a', ut aran kikanaak rochb'eeneb' li xtzolom.

San Juan 10:40

Koho wi' chik junpak'al li nima' Jordán, sa' li na'ajej kikub'sink wi' ha' laj Jwan sa' xtiklajik, ut kikanaak aran.

San Juan 3:22

Chirix chik a'in koho li Jesus sa' xch'och'eb' laj Judá, ut aran kikanaak rochb'eeneb' li xtzolom, yo chi kub'sink ha'.

San Juan 2:11

A'in kixb'aanu li Jesus cho'q xtiklajik eb' li eetalil, aran Kanahán, sa' xteepal Galilea: kixk'ut li xnimal xloq'al ut eb' li xtzolom ke'xpaab' A'an.

San Juan 1:43

Sa' li kutan jun chik kiraj li Jesus xik Galilea. Koxtaw laj Felipe ut kixye re: —Taaqehin.

San Marcos 3:7

Li Jesus ki'elk aran ut koho wan wi' li palaw, rochb'eeneb' li xtzolom, ut jwal naab'aleb' aj Galilea ke'taaqenk re. Naab'aleb' ajwi' aj Judea,

San Juan 3:32

na'aatinak chirix li rilom ut rab'ihom, ab'an maa'ani nak'ulub'ank re li raatin.

San Lucas 17:11

Naq yo chi xik Jerusalén, li Jesus kinume'k sa' xyanq Samaria rik'in Galilea.

San Juan 4:47

Kirab'i resil naq li Jesus ki'elk chaq Judea ut wank chik Galilea, koho rik'in ut kirelaji ru re taakub'eeq Kafarnaúm chi xk'irtasinkil li ralal xb'aan naq kamk re.

San Juan 7:1

Chirix chik a'in li Jesus ki'ok chi b'eek Galilea, ut ink'a' naru taab'eeq Judea xb'aan naq eb' laj Judiiy yookeb' chi xsik'b'al chan raj ru te'xkamsi.