San Juan 4:23 - Q'eqchi Bible

²³ Ab'anan chalk re xq'ehil (ak xk'ulunk ajwi') naq eb' li tz'aqal aj loq'oninel te'xloq'oni ru li Yuwa'b'ej sa' musiq'ej ut rik'in li yaal, xb'aan naq jo'ka'in naraj li Yuwa'b'ej naq taaloq'oniiq ru.

Li Santil hu

²³ Ta̱cuulak xkꞌehil, ut anakcuan ajcuiꞌ, nak eb li teꞌxlokꞌoni li Acuabej Dios chi tzꞌakal, teꞌxba̱nu chi anchal xchꞌo̱leb ut chi ya̱l xban nak li Acuabej Dios naraj nak teꞌxlokꞌoni chi tzꞌakal re ru.

San Juan 4:23 ပူးပေါင်းရင်းမြစ်များ

Filipenses 3:3

Eb' li tz'aqal xk'ulumeb' li sirkunsisyon a'ano laa'o, li naqaloq'oni ru li Yos jo' naraj li xMusiq', naqanima qib' sa' xk'ab'a' li Kristo Jesus ut ink'a' k'ojk'o li qach'ool ka'ajwi' rik'in li naqab'aanu qajunes.

San Juan 5:25

Relik chi yaal ninye eere: twulaq xq'ehil (ak xk'ulunk ajwi') naq eb' li kamenaq te'rab'i xyaab' xkux li Ralal li Yos, ut eb' li te'ab'inq re te'wanq xyu'am.

Gálatas 4:6

Ut relik chi yaal naq alal k'ajolb'ejex chik, xb'aan naq li Yos kixtaqla chaq sa' qach'ool li xMusiq' li Ralal, li nayehok chi kaw: “Abbá, at inYuwa'!”.

Romanos 8:26

Jo'wi' anchal li Musiq'ej nakoloxtenq'a sa' xmajelal li qana'leb', xb'aan naq ink'a' naqanaw chan tz'aqal ru tootijoq. Ab'an a' ajwi' li Musiq'ej natz'aamank chiqix rik'in jiq'ok ch'ool li ink'a' naru xyeeb'al yal rik'in aatin.

San Juan 12:23

Li Jesus kixsumeheb' ut kixye: —Xwulak xhonal naq taanimaaq xloq'al li K'ajolb'ej.

Efesios 6:18

Junelik chextijoq, chextz'aamanq. Chi kok'aq xsa' chex'elajinq sa' li Musiq'ej. Yalomaq eeq'e chi yo'lek sa' komonil, yooqex chi tijok chirixeb' chixjunil laj santil paab'anel

San Juan 4:21

Li Jesus kixye re: —At ixq, paab' li ninye: Taawulaq xq'ehil naq chi moko sa' xb'een li tzuul a'in chi moko Jerusalén teeloq'oni ru li Yuwa'b'ej.

San Juan 1:17

Xb'aan naq li Chaq'rab' k'eeb'il chaq qe sa' xk'ab'a' laj Moisés, a'ut li usilal ut li yaal xk'ulunk sa' xk'ab'a' li Jesus li Kriist.

Isaías 29:13

Li Qaawa' kixye we chi jo'ka'in: “Li tenamit a'in yal chi aatin neke'nach'ok wik'in ut nikine'roxloq'i yal rik'in xtz'uumal reheb'; a'ut li xch'ooleb' najt wank wik'in. Maak'a' aj e naq neke'xloq'oni wu, xb'aan naq li k'aru neke'xk'ut chiruheb' li tenamit a'an yal xtaqlahomeb' li winq.

Isaías 58:2

Neke'xye naq rajlal kutan nikine'xsik' ut nawulak chiruheb' xnawb'al li wajom, jo' jun tenamit nab'aanunk re li us ut ink'a' naxtz'eq chirix xch'ool li xtaqlahom li xYos. Neke'xpatz' we li chaq'rab' jwal chaab'il ut nawulak chiruheb' wank chink'atq.

Isaías 43:21

Toja' naq li tenamit li kinkawresi cho'q we te'xb'icha linloq'al.

Romanos 8:15

Ut laa'ex moko xemaatani ta junaq musiq'ej nak'ehok eere chi moosil re naq wanqex wi' chik sa' leexiw; xemaatani b'an li Musiq'ej nak'ehok eere chi alalb'ej k'ajolb'ejil, a' li nokooruuk wi' chi xyeeb'al chi kaw: “Abbá”, naraj naxye: “At inYuwa'”.

Josué 24:14

“Jo'kan utan chexiwa ru li Qaawa' ut chexk'anjelaq chiru chi chaab'il ut chi tiik ru leech'ool. Chekanab'eb' li yos li ke'xloq'oni leexe'toonil yuwa' chire li nima' Éwfrates ut aran Ejiipt, ut chexk'anjelaq chiru li Qaawa'.

1 Pedro 2:9

A'ut laa'ex sik'b'il eeru cho'q loq'laj iyaj, laa'ex aj tij sa' xk'anjel li nimajwal Rey, santil tenamitex; laa'ex jun tenamit b'oqb'il chi ok sa' li reechanihom li Yos re naq teepuktesi li xninqal ru xb'aanuhom Li kib'oqok chaq eere chi xkanab'ankil li aak'ab' re ok sa' li xchaq'alil ru saqenk.

Salmos 51:6

Xinmaakob'k chawu, ka'ajwi' chawu xinmaakob'k; xinb'aanu li ink'a' nawulak chawu. Jo'kan naq tz'aqal yaal li aatin xaraq sa' inb'een, tiik aach'ool chi xyeeb'al naq wank inmaak.

Salmos 17:1

Xtij laj David. At Qaawa', chawab'i taxaq li nintz'aama sa' tiikilal, chak'e reetal xyaab' linkux ut chasume lintij, xb'aan naq maak'a' b'alaq'il chi xtz'uumal we.

1 Samuel 12:24

Chexiwa ru li Qaawa' ut k'ehomaq eech'ool chi k'anjelak chiru chi yaal, xb'aan naq ak eerilom li sachb'ach'oolej li xb'aanu sa' eeyanq.

San Juan 16:32

K'ehomaq reetal, chalk re xhonal (ak xk'ulunk ajwi') naq teecha'cha'i eerib', ak xb'e xb'e li junjunq tixk'am, ut tineekanab' injunes. Ab'an moko injunes ta, xb'aan naq wank wik'in li Yuwa'b'ej.

Jeremías 4:2

wi taaye aajurament sa' xk'ab'a' li Qaawa' rik'in li yaal, li tiikilal ut tiikil ch'oolej, sa' xk'ab'a' a'an osob'tesinb'ilaqeb' chixjunil li tenamit ut te'nimaaq xloq'al chi junelik”.

Jeremías 3:10

Chirix chixjunil a'an, laj Judá, laj b'alaq', ink'a' ajwi' kisutq'iik chaq wik'in chi anchal xch'ool, junes rik'in b'an b'alaq'il”, chan li Qaawa'.

Proverbios 15:8

Li Qaawa' xik' naril li xmayejeb' li ink'a' useb' xch'ool; ab'an naxk'ul chi anchal xch'ool li xtijeb' li chaab'ileb' xyu'am.

1 Crónicas 29:17

Laa'in ninnaw, at inYos, naq laa'at nakatz'ili xch'ool chixjunileb' ut nawulak chawu li tiikilal. Jo'kan naq rik'in xtiikilal inna'leb' x'alaak sa' inch'ool xyeechi'inkil aawe chixjunil a'in. Ut anaqwan xink'e reetal rik'in xsahil inch'ool naq laatenamit, li ch'utch'uukeb' arin, xe'xk'e aawe li xmayejeb'.

Romanos 1:9

Naxnaw li Yos, li ninloq'oni chi anchal li waanm rik'in xpuktesinkil li xChaab'il Esil li Ralal, naq ink'a' ninkanab' eepatz'b'al sa' lintij.

Salmos 147:11

naxraheb' b'an li neke'paab'ank re, eb' li k'ojk'ookeb' xch'ool rik'in li xrahom.

Ezequiel 22:30

Laa'in xinsik' junaq winq sa' xyanqeb' re raj tixwaklesi wi' chik li xtz'akul li tenamit ut taa'okenq raj chi aatinak wik'in re naq ink'a' tinsach li xna'ajeb', ab'anan maajun xintaw.

Cantares 2:14

“At inmukuy, li nakamuq aawib' sa'eb' li saqoonak, sa'eb' li na'ajej ch'a'aj xtawb'al, k'ut chiwu laawilob'aal, kanab'in rab'inkil xyaab' laakux, xb'aan naq jwal sa rab'inkil xyaab' laakux ut k'ajo' xch'ina'usal laawu.

Salmos 32:2

Us xaq re li maak'a' b'alaq'ik rik'in ut maak'a' xmaak chiru li Qaawa'.

Isaías 10:20

Sa' li kutan a'an eb' laj Israel li te'kole'q, eb' li ralal xk'ajol laj Jakob li te'kanaaq ink'a' chik te'xkawub'resi xch'ool chirixeb' li xe'rahob'tesink reheb', chi anchaleb' b'an chik xch'ool te'xtz'aama xtenq'ankileb' chiru li Qaawa', li xSant laj Israel.

San Juan 5:28

“Misachk eech'ool rik'in a'in, xb'aan naq twulaq xq'ehil naq chixjunileb' li wanqeb' sa' muqleb'aal kamenaq te'rab'i xyaab' xkux

San Juan 16:2

Tex'isiiq sa'eb' li ch'utleb'aal kab'l. Ut taawulaq ajwi' xhonal naq yalaq ani taakamsinq eere tixk'oxla naq yo chi xloq'oninkil ru li Yos.