San Juan 4:21 - Q'eqchi Bible

²¹ Li Jesus kixye re: —At ixq, paab' li ninye: Taawulaq xq'ehil naq chi moko sa' xb'een li tzuul a'in chi moko Jerusalén teeloq'oni ru li Yuwa'b'ej.

Li Santil hu

²¹ Quixye li Jesús re: —At ixk, pa̱b li cꞌaꞌru tinye a̱cue. Ta̱cuulak xkꞌehil nak moco tento ta chic texxic saꞌ li tzu̱l li cuan arin, chi moco Jerusalén re textijok chiru li Dios Acuabej.

San Juan 4:21 ပူးပေါင်းရင်းမြစ်များ

1 Timoteo 2:8

Nawaj naq eb' li winq che'tijoq yalaq b'ar ut che'xtaqsihaq li ruq'eb' sa' choxa chi saqaq ru, chi maak'a'aq josq'il ut wech'ij ib'.

Malaquías 1:11

“Sa' chixjunileb' li tenamit chalen sa' releb'l saq'e toj sa' rokeb'l jwal nim link'ab'a' ut yalaq b'ar nayeechi'imank k'ajpom ut mayej li ink'a' muxb'il ru, sa' ink'ab'a'. Xb'aan naq eb' li jalan tenamit neke'xk'e inloq'al -chan li Nimajwal Yos-.

Efesios 2:18

Xb'aan naq sa' xk'ab'a' li Kriist laa'o li wiib' chi tenamit wank li qokeb'aal rik'in li Yuwa'b'ej, sa' junaj chi Musiq'ej.

San Juan 4:23

Ab'anan chalk re xq'ehil (ak xk'ulunk ajwi') naq eb' li tz'aqal aj loq'oninel te'xloq'oni ru li Yuwa'b'ej sa' musiq'ej ut rik'in li yaal, xb'aan naq jo'ka'in naraj li Yuwa'b'ej naq taaloq'oniiq ru.

San Mateo 18:20

Xb'aan naq b'ar wankeb' wiib' oxib' ch'utch'uukeb' sa' ink'ab'a', aran wankin sa' xyiheb'”.

Efesios 3:14

Jo'kan naq ninwiq'ib' wib' chiru li Yuwa'b'ej,

San Juan 16:32

K'ehomaq reetal, chalk re xhonal (ak xk'ulunk ajwi') naq teecha'cha'i eerib', ak xb'e xb'e li junjunq tixk'am, ut tineekanab' injunes. Ab'an moko injunes ta, xb'aan naq wank wik'in li Yuwa'b'ej.

San Juan 16:2

Tex'isiiq sa'eb' li ch'utleb'aal kab'l. Ut taawulaq ajwi' xhonal naq yalaq ani taakamsinq eere tixk'oxla naq yo chi xloq'oninkil ru li Yos.

San Juan 5:28

“Misachk eech'ool rik'in a'in, xb'aan naq twulaq xq'ehil naq chixjunileb' li wanqeb' sa' muqleb'aal kamenaq te'rab'i xyaab' xkux

Ezequiel 14:3

“At kaamel winq, eb' li winq a'in xe'xq'axtesi rib' chi xloq'oninkileb' li jalanil yos, ut k'ojk'o xch'ooleb' chirix li nak'amok reheb' chi maakob'k. Ma tinkanab' wib' naq tinpatz'e'q chirix li k'aru te'xb'aanu?

1 Pedro 1:17

“QaYuwa'” nekeye re li Yos li naraqok aatin sa' xb'een li junjunq jo' chanru li xb'aanuhom chi ink'a' tiitooq ru. Jo'kan utan, chexiwaaq ru li Yos jo' najtil leenumik sa' li ruuchich'och' a'in.

Hechos 6:14

Xb'aan naq xqab'i chi xyeeb'al naq li Jesus, a' laj Nazaret neke'xye, tixjuk' li na'ajej a'in ut tixjal ru li xe'toonil na'leb' kooxchaq'rab'i wi' laj Moisés, chankeb'.

San Juan 14:6

Kixye li Jesus re: —Laa'in li b'e, li yaal ut li yu'am. Maa'ani naxik rik'in li Yuwa'b'ej, wi ink'a' ta sa' ink'ab'a'.

San Juan 5:25

Relik chi yaal ninye eere: twulaq xq'ehil (ak xk'ulunk ajwi') naq eb' li kamenaq te'rab'i xyaab' xkux li Ralal li Yos, ut eb' li te'ab'inq re te'wanq xyu'am.

San Lucas 21:24

Te'kamsiiq rik'in q'esnal ch'iich', te'k'ame'q chi preexil sa'atqeb' li tenamit, ut Jerusalén taayeq'imanq xb'aaneb' li maawa'eb' aj Judiiy toj reetal taatz'aqloq ru li xq'ehil eb' a'an.

San Mateo 28:19

Ayuqex b'i', ut k'ehomaqeb' cho'q intzolom chixjunileb' li tenamit. Teekub'siheb' xha' sa' xk'ab'a' li Yuwa'b'ej, li K'ajolb'ej ut li Santil Musiq'ej,

Ezequiel 20:3

“At kaamel winq, aatinaheb' li xcheekelaleb' laj Israel ut ye reheb': «Jo'ka'in xye li Qaawa': Ma xexchalk chi patz'ok wik'in? Sa' xk'ab'a' linloq'al ninye li waatin naq ink'a' tinkanab' wib' re texpatz'oq wik'in».

Isaías 66:1

Jo'ka'in kixye li Qaawa': “Li choxa a'an link'ojarib'aal, ut li ruuchich'och' a'an li xxaqleb'aal li woq. K'aru chi ochochil teeyiib' laa'ex cho'q we, malaj k'a' chi na'ajejil teek'e cho'q inhilob'aal?

Apocalipsis 21:22

Ab'anan ink'a' kiwil li rochoch li Yos sa' li tenamit, xb'aan naq li Qaawa', li Nimajwal Yos, jo' ajwi' li Karneer a'aneb' li Santil Ochoch aran.