San Juan 4:12 - Q'eqchi Bible

¹² Ma nim tab'i' laawankil chiru li qayuwa' laj Jakob, li kixk'e qe li yo'leb'aal ha' a'in b'arwi' ki'uk'ak a'an, eb' li ralal xk'ajol ut li xketomq?

Li Santil hu

¹² Laj Jacob li kaxeꞌto̱nil yucuaꞌ quixcanab chokꞌ ke li becbil haꞌ aꞌin. Arin qui-ucꞌac aꞌan ut arin ajcuiꞌ queꞌucꞌac li ralal xcꞌajol ut lix queto̱mk. ¿Ma la̱at ta biꞌ kꞌaxal nim a̱cuanquil chiru aꞌan? chan li ixk.

San Juan 4:12 ပူးပေါင်းရင်းမြစ်များ

Hebreos 3:3

Li loq'al k'eeb'il re li Jesus q'axal nim chiru li xloq'al laj Moisés: kama' laj kab'lanel nim chik xloq'al chiru li kab'l.

San Juan 4:6

Aran wank li yo'leb'aal ha' re laj Jakob. Kitawaak li Jesus chi b'eek, jo'kan naq kik'ojlaak chire li yo'leb'aal ha'. Ak xwa'leb'o'k tana.

San Mateo 12:42

“Li xna' li tenamit li wank sa' rokeb'l iq' taawakliiq chaq sa' xkutankil li raqb'a aatin rochb'eeneb' li tenamit a'in ut tixteneb' tojb'amaak sa' xb'eeneb', xb'aan naq a'an kichalk chaq toj sa' xmaril li ruuchich'och' re rab'inkil li xnimal xk'a'uxl laj Salomón; ut arin wank li naxq'ax ru laj Salomón.

San Juan 8:53

Ma q'axal nim tab'i' laawankil chiru li qayuwa' laj Abrahán li kikamk? Eb' li propeet ajwi' ke'kamk. Anihat naq nakaye aawib'?

San Juan 4:5

Jo'kan naq kiwulak sa' jun tenamit sa' xteepal Samaria, Sikar xk'ab'a', nach' rik'in li na'ajej kixk'e laj Jakob re laj José li ralal.

San Juan 4:13

Kichaq'ok li Jesus ut kixye: —Chixjunil li taa'uk'uq re li ha' a'in, taachaqiq wi' chik re,

San Juan 4:20

Eb' li qana' qayuwa' xe'loq'onink sa' xb'een li tzuul a'in ut laa'ex nekeye naq li na'ajej b'arwi' tento li loq'onink a'an Jerusalén.