San Juan 3:8 - Q'eqchi Bible

⁸ Li iq' yalaq b'ar na'apunk ut nakawab'i li xyaab', ab'an ink'a' nakanaw b'ar ta nachalk ut b'ar ta naxik. Jo'kaneb' ajwi' li yo'lajenaqeb' rik'in Musiq'ej.

Li Santil hu

⁸ Li ikꞌ nanumeꞌ bar naraj chi incꞌaꞌ nacanau bar nachal chak chi moco nacanau bar yo̱ chi xic. Incꞌaꞌ nacacuil ru. Caꞌaj cuiꞌ lix ya̱b nacacuabi nak nanumeꞌ. Joꞌcan ajcuiꞌ lix yuꞌameb li yoꞌlajenakeb riqꞌuin li Santil Musikꞌej. Cuan xyuꞌameb chi junelic chi incꞌaꞌ nacanau chi tzꞌakal chanru, chan li Jesús.

San Juan 3:8 ပူးပေါင်းရင်းမြစ်များ

1 Corintios 2:11

Ani tab'i' sa' xyanqeb' li winq nanawok chi us li xch'ool li winq? Ma ink'a' ka'ajwi' li xmusiq' li winq li wank rik'in a'an? Jo'kan ajwi' maa'ani nanawok xchamal xk'a'uxl li Yos, ka'ajwi' li xMusiq' li Yos.

Hechos 2:2

Ak taachalq chaq sa' choxa kama' xyaab' jun kawil iq' najub'ub'nak chi chalk, ut kolxnujob'resi chixjunil li kab'l wankeb' wi'.

Ezequiel 37:9

Toja' naq li Qaawa' kixye we: “Aatina li musiq'ej sa' ink'ab'a', at kaamel winq, ut ye re: «Jo'ka'in xye li Qaawa': At musiq' aj k'ehol yu'am, chalqat sa' xkaaxukuutil li ruuchich'och' ut apun sa' xb'eeneb' li b'aq a'in re naq te'yo'yooq»”.

1 Juan 2:29

Wi nekenaw chi us naq li Jesus tiik xch'ool, chetawaq ajwi' ru naq chixjunil li nab'aanunk re li tiikilal, a'an yo'lajenaq rik'in li Yos.

Hechos 4:31

Naq ke'raqe'k chi tijok, ki'eek'ank li na'ajej ch'utch'uukeb' wi', ut chixjunileb' ke'nujak chi Santil Musiq'ej ut ke'ok chi xyeeb'al li Raatin li Yos chi maak'a'eb' xxiw.

1 Corintios 12:11

Ab'an chixjunil a'in a' ajwi' li jun chi Musiq'ej nab'aanunk re, ut A'an naxjek'i re li junjunq jo' chanru naraj.

San Juan 1:13

eb' a'in ink'a' ke'yo'laak rik'in kik', chi moko rik'in li naraj li tz'ejwalej malaj ut rik'in rajom junaq winq, rik'in b'an li Yos yo'lajenaqeb'.

Salmos 107:29

Ch'anch'o kixkanab' li kaqsut-iq', ch'anaamil ajwi' li xkaw oq li palaw.

Salmos 107:25

Ki'aatinak, ut kichalk jun kawil iq' li kixwaklesi li xkaw oq li palaw.

Salmos 135:7

Naxtaqsiheb' li choql chalen chaq sa' xmaril li ruuchich'och'; naxtaqla chaq li hab' rik'in raq'kaaq, ut narisi chaq li iq' sa' li k'uulanb'il wi' xb'aan.

Eclesiastés 1:6

Wan naq li iq' na'apunk sa' xjayal xsak'leb' iq', ut wan naq na'apunk chik sa' releb'l iq'. Naxsutis rib' li iq', ut naxik wi' chik sa' li na'ajej x'apunk wi' xb'enwa.

San Juan 3:7

Misachk aach'ool rik'in li xinye aawe: «Tento naq texyo'laaq wi' chik».

San Juan 3:9

Kichaq'ok laj Nikodemo ut kixye re: —Chan put ru naq taak'ulmanq a'an?