San Juan 3:3 - Q'eqchi Bible

³ Kichaq'ok li Jesus ut kixye re: —Relik chi yaal ninye aawe: maa'ani truuq chi rilb'al li xnimajwal awab'ejihom li Yos wi ink'a' ta taayo'laaq wi' chik.

Li Santil hu

³ Quichakꞌoc li Jesús ut quixye re: —Relic chi ya̱l ninye a̱cue, ma̱ ani naru ta̱oc rubel xnimajcual cuanquilal li Dios cui incꞌaꞌ ta̱yoꞌla̱k cuiꞌchic xcaꞌ sut, chan li Jesús.

San Juan 3:3 ပူးပေါင်းရင်းမြစ်များ

2 Corintios 5:17

Jo'kan utan, li ani wank rik'in li Kriist, a'an ak' yoob'tesinb'il chik. Ak xnume'k li k'a'aq re ru q'eel, ut ak' chik chixjunil!

1 Juan 3:9

Yalaq ani yo'lajenaq rik'in li Yos ink'a' naxb'aanu li maak xb'aan naq li xyu'am li Yos wank rik'in; ut ink'a' naru namaakob'k, xb'aan naq yo'lajenaq rik'in li Yos.

1 Juan 5:1

Chixjunil li napaab'ank re naq li Jesus a'an li Kriist, a'an yo'lajenaq rik'in li Yos; ut chixjunil li narahok re junaq yuwa'b'ej naxra ajwi' li yo'lajenaq chaq rik'in.

Tito 3:5

a'an kooxkol maawa' xb'aan ta xtiikilal li k'anjel uxb'il qab'aan, sa' xk'ab'a' b'an li xnimal ruxtaan, rik'in li kub'iha' li naxyoob'tesi ut narak'ob'resi li qayu'am, rik'in li Santil Musiq'ej

San Juan 1:13

eb' a'in ink'a' ke'yo'laak rik'in kik', chi moko rik'in li naraj li tz'ejwalej malaj ut rik'in rajom junaq winq, rik'in b'an li Yos yo'lajenaqeb'.

1 Juan 2:29

Wi nekenaw chi us naq li Jesus tiik xch'ool, chetawaq ajwi' ru naq chixjunil li nab'aanunk re li tiikilal, a'an yo'lajenaq rik'in li Yos.

1 Pedro 1:3

Loq'oninb'ilaq taxaq li Yos xYuwa' li Qaawa' Jesukriist! Xb'aan xnimal ruxtaan, rik'in li xwaklijik chi yo'yo li Jesukriist sa' xyanqeb' li kamenaq, kooxyoob'tesi wi' chik re jun yo'yookil qoyb'enihom,

Gálatas 6:15

Maak'a' na'ok wi' xk'ulb'al li sirkunsisyon malaj ut ink'a'; li tz'aqal aajel ru a'an li wank chi ak' xyoob'tesihom li Yos.

1 Juan 5:18

Naqanaw naq chixjunil ani yo'lajenaq rik'in li Yos, ink'a' chik namaakob'k, nak'aak'aleek b'an xb'aan li Ralal li Yos, ut li maa'us ink'a' naru tixch'e'.

2 Corintios 4:4

cho'q reheb' li maak'a' neke'xpaab', xb'aan naq li xyos li ruuchich'och' a'in xmutz'o'b'resi li xk'a'uxeb' re naq ink'a' taalemtz'unq chiruheb' li xsaqenkil li xChaab'il Esil li Kriist nim xloq'al, a'an a'in li xjalam u li Yos.

San Juan 12:40

“Kixmutz'o'b'resiheb' li ru ut kixkawub'resi xch'ooleb', re naq ink'a' te'iloq rik'ineb' li ru, chi moko te'xtaw ru sa' xch'ooleb', chi moko te'yot'e'q xch'ool ut laa'in teb'ink'irtasi raj”.

Efesios 2:1

Junxil laa'ex kamenaqex chaq sa' leemaa'usilal ut sa' leemaak.

Jeremías 5:21

«Ab'ihomaq li esil a'in, ex jip aj tenamit ut maak'a' eena'leb'! Wank xsa' leeru, ab'an maak'a' nekeril; wank leexik, ut ink'a' nekex'ab'ink.

San Juan 1:5

li saqenk nalemtz'unk sa' li aak'ab', ut li aak'ab' ink'a' kinumtaak sa' xb'een.

Deuteronomio 29:4

Ab'anan toj chiru li kutan a'in, li Qaawa' toj maji' kexk'e chi xtawb'al ru ut chi xnawb'al xyaalalil chixjunil a'in.

Santiago 3:17

A'ut li naxk'anjela ru li choxahil na'leb', a'an saq ru li xyu'am; jo'kan ajwi' naxk'e xch'ool chirix li tuqtuukilal, li chaab'ilal, li tuulanil. K'ajo' aj uxtaan ut xiikileb' li xchaab'il b'aanuhom! Maawa' aj ka'pak'al u ut juntaq'eet narileb' chixjunil.

San Juan 1:51

Ut kixye wi' chik re: —Relik chi yaal ninye eere: teeril li choxa chi teetooq ut eb' li x'ánjel li Yos yooqeb' chi taqe'k ut chi kub'eek sa' xb'een li K'ajolb'ej.

San Mateo 16:17

Toja' naq li Jesus kixye re: —Us xaq aawe, a Simón, ralalat laj Jonás, xb'aan naq moko a' ta li tz'ejwalej chi moko li kik'elej xk'utuk chawu a'in, a' b'an linchoxahil Yuwa'.

San Mateo 5:18

Relik chi yaal ninye eere: naq toj wanq li choxach'och', maajun xleetril chi moko xch'ina eetalil li Chaq'rab' taanume'q chi ink'a' ta xb'enwa taak'ulmanq chixjunil.

Apocalipsis 3:14

“Tz'iib'an rik'in li x'ánjel li Iklees li wank Laodicea: «Kama'in na'aatinak li Amén, laj Ch'olob'anel re li yaal, chaab'il ut paab'ajel, li xTiklajik chixjunil li xyoob'tesihom li Yos.

Ezequiel 36:26

Tink'e eere jun ak' ch'oolej ut ak' musiq'ej; twisi eerik'in li xkawil eejolom ut tink'e eere jun q'unil ch'oolej.

San Mateo 19:24

Ninye wi' chik eere: ink'a' ch'a'aj naq junaq kameey taa'ok sa' ru kuux chiru naq junaq b'ihom taa'ok sa' li xnimajwal awab'ejihom li Yos.

San Mateo 21:31

Ani reheb' li wiib' chi alalb'ej xb'aanu li rajom li yuwa'b'ej? —A' li xb'een, chankeb'. Ut li Jesus kixye reheb': —Relik chi yaal ninye eere naq eb' laj titz'ol toj ut eb' laj yumb'eet te'wulaq xb'enwa cheru laa'ex sa' li xnimajwal awab'ejihom li Yos.

San Marcos 9:47

Ut wi xsa' laawu nak'ehok aawe chi maakob'k, isi: us cho'q aawe naq tat-ok sa' li xnimajwal awab'ejihom li Yos chi junaq xsa' laawu chiru naq tatkute'q sa' xb'alb'a chi wanq xkab'ichal xsa' laawu.

San Marcos 10:14

Naq li Jesus kiril a'an, kijosq'o'k ut kixye reheb': —Kanab'omaqeb' li kok'al chi chalk wik'in ut meeram chiruheb', xb'aan naq li kama'eb' a'an, reheb' li xnimajwal awab'ejihom li Yos.

San Juan 3:4

Laj Nikodemo kixye re: —Chanru naq taayo'laaq wi' chik junaq li ak xtixk? Ma truuq tab'i' taa'ok xka' sutil rik'in li xna' ut taayo'laaq wi' chik?

1 Juan 5:4

xb'aan naq chixjunil li yo'lajenaq rik'in li Yos naxq'ax ru li ruuchich'och'. Ut a'an a'in li xq'axmank wi' ru li ruuchich'och': a' li qapaab'aal.