San Juan 3:29 - Q'eqchi Bible

²⁹ Li ani aj ik'in wank li ixaqilb'ej a'an li b'eelomej; ut li ramiiw li b'eelomej li nawank aran ut narab'i, k'ajo' naq nasaho'k sa' xch'ool chi rab'inkil xyaab' xkux li b'eelomej. A'an a'in li xsahil inch'ool, ut ak tz'aqlojenaq chik ru.

Li Santil hu

²⁹ Junak cui̱nk xic re chi sumla̱c cuan li ixakilbej riqꞌuin. Ut li rami̱g cuan aran ut nasahoꞌ saꞌ xchꞌo̱l chirabinquil li naxye li be̱lomej. Li Cristo, aꞌan joꞌ jun li be̱lomej ut la̱in yal joꞌ jun li rami̱g. La̱in nasahoꞌ saꞌ inchꞌo̱l nak yo̱queb chi xic li cristian riqꞌuin xban nak aꞌan li tzꞌakal aj Colonel.

San Juan 3:29 ပူးပေါင်းရင်းမြစ်များ

Oseas 2:19

Laa'in tatink'am wik'in chi junajwa; ut laa'ataq li wixaqil sa' tiikilal ut jo' aak'ulub', xb'aan naq nawil xtoq'ob'aal aawu ut jwal nakatinra.

San Mateo 9:15

Kixye li Jesus reheb': —Ma truuq tab'i' te'wanq chi raheb' sa' xch'ool li b'oqb'ileb' rik'in sumlaak wi toj wank li b'eelomej rik'ineb'? Ab'an taawulaq xkutankil naq taamaq'e'q li b'eelomej chiruheb': toja' naq te'ayuuniq.

Ezequiel 16:8

«Naq kinnume'k wi' chik chak'atq, katinka'ya: ak tz'aqalat chik chi k'ame'k. Toja' naq katinlan sa' linb'aatal re aatz'apb'al, ut kinyeechi'i wib' rik'in jurament. Kink'e wib' sa' aatin aawik'in ut katweechani -chan li Qaawa'-.

Isaías 54:5

Xb'aan naq laasum'aatin a'an laj Yoob'tesihom aawe, li Nimajwal Yos xk'ab'a'; li xSant laj Israel a'an laj kolol aawe: “xYos chixjunil li ruuchich'och'” naxk'ab'a'in.

Apocalipsis 21:9

Toja' naq kichalk jun reheb' li wuqub' chi ánjel li wankeb' chaq rik'in li wuqub' chi sek' nujenaqeb' rik'in li wuqub' chi rahilal chaalel sa' roso'jik; kinraatina ut kixye: “Kim, ink'utaq chawu li Ixaqilb'ej, li rixaqil li Karneer”.

Filipenses 2:2

Jo'kan naq nintz'aama cheru naq chetz'aqob'resi xsahilal inch'ool, junajaq ru leek'a'uxl, leeraanm ut leemusiq' sa' li rahok.

San Juan 16:24

Chalen toj anaqwan maak'a' xetz'aama sa' ink'ab'a'. Chextz'aamanq ut texk'uluq, re naq tz'aqalaq re ru li xsahil eech'ool.

1 Juan 1:4

Naqatz'iib'a a'in eerik'in re naq tz'aqalaq re ru li xsahil qach'ool.

2 Corintios 11:2

Xb'aan naq xexinsi re sumlaak rik'in jun chi b'eelomej re eexaqab'ankil chiru li Kriist jo' jun tuq'ixq saq ru xch'ool.

San Lucas 15:6

taaxik sa' li rochoch, tixch'utub'eb' li ramiiw ut eb' li rechkab'al, ut tixye reheb': «Chisaho'q sa' qach'ool wochb'eenex, xb'aan naq xintaw linkarneer li xsachk chiwu».

Cantares 5:1

Ak xin'ok sa' xna'aj li wawimq, at wanab', at xsumwaanm. Ak xinxok linmiir ut linsununkil b'an, xintzeka li xya'al kab' sa' li xsok, ut xwuk' linb'iin ut li xya'al xtu' wakax. Ex was wiitz'in, tzekanqex ut uk'anqex, toj taak'ojlaaq eech'ool, ex wamiiw!

San Mateo 25:1

“Li taak'ulmanq sa' li xnimajwal wankilal li choxa chanchan li kik'ulmank sa' jun li sumlaak. Lajeeb' chi tuq'ixq ke'xk'am xsaqenkeb' naq ke'elk chi xk'ulb'al li b'eelomej.

Jeremías 2:2

“Ayu ut jap aawe chi aatinak sa' xxikeb' laj Jerusalén: Jo'ka'in xye li Qaawa': Nakatjultiko'k we naq sa' laasaajilal jwal k'ojk'o laach'ool chiwix. Q'axal kinaara naq kinsumlaak aawik'in, ut kinaataaqe sa' li chaqich'och', sa' li joxk' na'ajej b'arwi' maak'a' nayo'laak.

Isaías 66:11

Xb'aan naq taak'ojob'aaq leeraanm xb'aan li xnimal xq'unal: jo'eb' li k'uula'al yookeb' chi tu'uk, jo'kan ajwi' naq teetu'un li xtu' Jerusalén rik'in sahil ch'oolej.

Cantares 3:11

Ex rixqilal Sión, elenqex chaq chi rilb'al laj Salomón li awab'ej: wank sa' xjolom li koroon li kik'ehe'k re xb'aan li xna' sa' xkutankil li xsumlajik, sa' li kutan li q'axal kisaho'k wi' xch'ool.

2 Juan 1:12

Wank raj naab'al tintz'iib'a eerik'in, ab'an ink'a' nawaj xtz'iib'ankil chiru hu ut rik'in b'on, nawoyb'eni b'an xik cherilb'al ut chi aatinak tz'aqal chiqib'il qib' re naq tz'aqalaq re ru li xsahil qach'ool.

San Juan 17:13

“Anaqwan xik we aawik'in; ut ninye a'in naq toj wankin sa' ruuchich'och' re naq chiwanq rik'ineb' li xsahil inch'ool chi tz'aqal re ru.

San Mateo 22:2

“Li xnimajwal wankilal li choxa chanchan jun li awab'ej li kixninq'ehi xsumlajik li ralal.

San Juan 3:30

Tento naq A'an taak'iiq ut laa'in tinsaaq.

San Juan 15:11

“Xinye a'in eere re naq li xsahilal inch'ool chiwanq eerik'in ut li xsahilal eech'ool tz'aqalaq re ru.