San Juan 3:25 - Q'eqchi Bible

²⁵ Kiwank jun wech'ij ib' rik'ineb' li xtzolom laj Jwan ut jun aj judiiy, chirix li ch'ajob'resink ib'.

Li Santil hu

²⁵ Queꞌoc chixcuechꞌinquil ribeb lix tzolom laj Juan riqꞌuineb laj judío. Queꞌxcuechꞌi ribeb chirix li cubi haꞌ li yo̱queb chixba̱nunquil.

San Juan 3:25 ပူးပေါင်းရင်းမြစ်များ

San Juan 2:6

Wankeb' aran waqib' li pek-kuk, neke'k'anjelak reheb' laj Judiiy re xch'ajob'resinkil rib'eb', ka'kab' malaj ox'ox kok' kuk naxkuy li junjunq.

Hebreos 6:2

miqak'e chik li tzolok chirixeb' li kub'iha', li xk'eeb'al li uq'ej sa' xb'een jolomej, li xwaklijikeb' wi' chik eb' li kamenaq ut li raqb'a aatin sa' roso'jikeb' li kutan.

San Mateo 3:11

Laa'in ninkub'si eeha' yal rik'in ha', re naq teeyot' eech'ool teejal eek'a'uxl; ab'an li yo chi chalk chiwix a'an q'axal nim xwankil chiwu, ut laa'in ink'a' ink'ulub' xk'amb'al li xxaab'. A'an tixkub'si eeha' rik'in Santil Musiq'ej ut xam.

1 Pedro 3:21

Li ha' a'an reetalil li kub'iha' kolb'ilex wi' laa'ex anaqwan: a'an maawa' yal risinkil xtz'ajnil li tib'elej, a'an b'an xtz'aamankil jun chaab'il ch'oolej cho'q re li Yos sa' xk'ab'a' li xwaklijik chi yo'yo li Jesukriist,

Hebreos 9:23

Jo'kan utan, tento naq kich'ajob'resiik chi jo'ka'in li reetalil li k'a' re ru wan chaq sa' choxa. Jo'kanaq ajwi' naq taach'ajob'resimanq li k'a' re ru tz'aqal, li wank sa' choxa, ab'an rik'in li mayej q'axal chik loq' chiruheb' a'an.

Hebreos 9:10

chixjunil a'an yal ruuchich'och'il chaq'rab' li na'aatinak chirix tzekemq, uk'a', jo'wi' chirix li k'iila paay chi ch'ajob'resink ib', ut kiwank xwankil toj kiwulak xq'ehil xjalb'al chixjunil.

San Marcos 7:8

Nekekanab' li xchaq'rab' li Yos ut a' chik li xnajteril na'leb' li winq nekepaab'.