San Juan 3:16 - Q'eqchi Bible

¹⁶ “Xb'aan naq li Yos k'ajo' naq kixra li ruuchich'och': kixk'e chaq li Ralal jun chirib'il re naq chixjunil li taapaab'anq re, ink'a' taasachq, wanq b'an xyu'am chi junelik.

Li Santil hu

¹⁶ Li Dios cꞌajoꞌ nak quixraheb li cuanqueb saꞌ ruchichꞌochꞌ nak quixqꞌue li Ralal junaj chi ribil re nak chixjunileb li ani teꞌpa̱ba̱nk re incꞌaꞌ teꞌsachk. Ta̱cua̱nk ban xyuꞌameb chi junelic.

San Juan 3:16 ပူးပေါင်းရင်းမြစ်များ

Romanos 5:8

A'ut li Yos naxk'ut qaraab'al rik'in naq li Kriist kikamk sa' qak'ab'a' naq toj wanko chaq sa' li qamaak.

San Juan 3:15

re naq chixjunil li taapaab'anq re wanq xyu'am chi junelik.

Romanos 8:32

Li Yos ink'a' kiril xtoq'ob'aal ru li Ralal, kixq'axtesi b'an sa' qak'ab'a' chiqajunilo. Jo'kan wi kixk'e li Ralal, k'a' ta naq ink'a' tixsi ajwi' qe chixjunil?

San Juan 6:40

Xb'aan naq a'an a'in li rajom linYuwa': naq yalaq ani taaril ru li K'ajolb'ej ut tixpaab', wanq xyu'am chi junelik, ut laa'in tinwaklesi chi yo'yo sa' roso'jikeb' li kutan.

San Juan 3:36

Ani napaab'ank re li K'ajolb'ej, wank xyu'am chi junelik; a'ut li ink'a' napaab'ank re li K'ajolb'ej ink'a' taaril li yu'am, a' chik li xjosq'il li Yos teneb'anb'il sa' xb'een”.

1 Juan 4:19

Laa'o nokoorahok xb'aan naq A'an kooxra xb'enwa.

San Juan 10:28

Laa'in nink'e reheb' li junelik yu'am ut maajaruj te'oso'q, ut maa'ani taamaq'oq reheb' sa' wuq'.

Romanos 5:10

Naq toj xik' naqil chaq li Yos, xook'ame'k wi' chik sa' usilal rik'in sa' xk'ab'a' xkamik li Ralal; ma ink'a' tab'i' q'axal tooxkol chik anaqwan sa' xk'ab'a' li xyu'am naq k'amb'ilo chik sa' usilal rik'in li Yos?

San Juan 1:29

Sa' li kutan jun chik laj Jwan kiril li Jesus yo chi chalk rik'in, ut kixye: “Wahe' li xKarneer li Yos li naxkuy xmaak li ruuchich'och'.

2 Ts 2:16

A'aj tawi' li Qaawa' Jesukriist ut li Yos li qaYuwa', li xrahok qe ut, xb'aan xnimal rusilal, xk'e qe jun xk'ojob'ankil qach'ool li ink'a' nalajk na'oso'k jo'wi' xnimal xsahil li qaanm chi oyb'enink,

Efesios 2:4

A'ut li Yos q'axal nim li ruxtaan. Xooxra chaq rik'in xnimal xrahom

San Mateo 9:13

Ayuqex chi xtzolb'al xyaalal a'in: «Uxtaanank nawaj, ink'a' mayejak». Xb'aan naq ink'a' xinchalk chi xb'oqb'aleb' li tiikeb' xch'ool, a'eb' b'an laj maak.

Apocalipsis 1:5

ut sa' xk'ab'a' li Jesukriist, laj ch'olob'anel xyaalal, li paab'ajel, li xb'een li kiwakliik chi yo'yo sa' xyanqeb' li kamenaq, li nim xwankil sa' xb'eeneb' chixjunil li awab'ej re li ruuchich'och'. A'an narahok qe ut kooxch'ajob'resi chiru li qamaak rik'in li xkik'el.

San Juan 1:14

Ut li Aatin kitz'ejwalo'k ut kixk'ojob' li xmuheb'aal sa' qayanq, ut laa'o xqaka'ya li xloq'al k'eeb'il re xb'aan li Yuwa'b'ej jo' xloq'al li jun chi K'ajolb'ej nujenaq chi usilal ut chi yaal.

Génesis 22:12

Kixye li ánjel: “Maataqsi laawuq' sa' xb'een li ch'ina'al ut mik'a' aab'aanu re: anaqwan ninnaw naq nakaxiwa ru li Yos, xb'aan naq ink'a' xaram chiwu laawalal, li junaj chirib'il”.

Tito 3:4

A'ut naq kixk'ut rib' li rusilal ut li qaraab'al xb'aan li Yos laj Kolol qe,

San Juan 1:18

Li Yos maajun sut ki'ile'k ru xb'aan anihaq: li K'ajolb'ej jun chirib'il li kisutq'iik rik'in li Yuwa'b'ej, a'an kolk'utb'esinq re chiqu.

San Marcos 12:6

“Toj wank jun chik, a' li ralal raaro xb'aan. Sa' roso'jik kixtaqla a'an rik'ineb': «Li walal te'roxloq'i», chan sa' xch'ool.

San Lucas 2:14

“Nim li xloq'al li Yos taqe'q ut wank tuqtuukil usilal sa' ruuchich'och' rik'ineb' li raarookeb' xb'aan li Qaawa'”.

Génesis 22:2

Kixye li Yos: “K'am laawalal, li junaj chirib'il, a' laj Isahak li raaro aab'aan. Ayu sa' li tenamit Moria ut toxaayeechi'i aran cho'q k'atb'il mayej sa' xb'een li tzuul li tink'ut chawu”.

Isaías 9:6

Xb'aan naq jun k'uula'al xyo'laak cho'q qe ut xqamaatani jun ch'ina'al. Li wankilal wanq sa' ruq', ut tixk'ab'a'in: “Xnimal ru aj k'ehol na'leb'”, “Li Yos q'axal kaw rib'”, “Yuwa'b'ej chi junelik”, “Xnimal ru aj k'ehol tuqtuukil usilal”.

San Juan 3:18

“Li napaab'ank re li Ralal li Yos, maak'a' tojb'amaak sa' xb'een. A'ut li ink'a' napaab'ank, ak raqb'il aatin sa' xb'een, xb'aan naq ink'a' xpaab' li Ralal li Yos jun chirib'il.

Hebreos 2:9

ab'an li kub'enaq kach'inaq xwankil chiruheb' li ánjel, a' li Jesus, ak naqil naq k'eeb'il xloq'al ut xwankil cho'q xq'ajkamunkil, xb'aan naq kixk'ul xrahilal li kamk. Jo'kan naq, sa' xk'ab'a' xnimal ruxtaan li Yos, li kamk kixk'ul, a'an usilal cho'q reheb' chixjunil.

1 Juan 3:1

K'ehomaq reetal, k'ajo' xnimal li qaraab'al xk'ehom qe li Yuwa'b'ej: naq ralal xk'ajol li Yos naqak'ab'a'in, ut relik chi yaal naq laa'o ajwi'. Li ruuchich'och' ink'a' naxnaw qu xb'aan naq ink'a' xnawom ru A'an.