San Juan 3:11 - Q'eqchi Bible

¹¹ Relik chi yaal ninye aawe: laa'o nokoo'aatinak chirix li k'aru naqanaw, ut naqanumsi resil li tz'aqal qilom; a'ut laa'ex ink'a' nekek'ulub'a li qaatin.

Li Santil hu

¹¹ Relic chi ya̱l ninye e̱re: La̱o nocoa̱tinac chirix li nakanau. Ut nakachꞌolob resil li cꞌaꞌru nakil. Abanan la̱ex incꞌaꞌ nequecꞌu̱luban li cꞌaꞌru nakachꞌolob xya̱lal che̱ru.

San Juan 3:11 ပူးပေါင်းရင်းမြစ်များ

San Juan 8:38

Laa'in ninye li wilom chaq rik'in li Yuwa'b'ej ut laa'ex nekeb'aanu li xerab'i rik'in leeyuwa'.

San Juan 14:24

Ani ink'a' nikinxra ink'a' naxk'e xch'ool chirixeb' li waatin, ut li aatin nekerab'i moko we ta, re b'an li Yuwa'b'ej li kitaqlank chaq we.

San Juan 12:49

“Xb'aan naq moko xin'aatinak ta injunes wib', a' b'an li Yuwa'b'ej li kitaqlank chaq we xinxchaq'rab'i k'aru tinye ut k'a' chi aj ix tin'aatinaq;

San Juan 8:14

Li Jesus kixsumeheb' ut kixye: —Us ta ninch'olob' wib', ab'an li ninch'olob' a'an paab'ajel, xb'aan naq ninnaw b'ar xinchalk chaq ut b'ar xik we; a'ut laa'ex ink'a' nekenaw b'ar ninchalk ut b'ar xik we.

San Juan 7:16

Kichaq'ok li Jesus ut kixye reheb': —Li k'aru nink'ut laa'in moko we ta, re b'an li kitaqlank chaq we.

San Juan 1:18

Li Yos maajun sut ki'ile'k ru xb'aan anihaq: li K'ajolb'ej jun chirib'il li kisutq'iik rik'in li Yuwa'b'ej, a'an kolk'utb'esinq re chiqu.

2 Corintios 4:4

cho'q reheb' li maak'a' neke'xpaab', xb'aan naq li xyos li ruuchich'och' a'in xmutz'o'b'resi li xk'a'uxeb' re naq ink'a' taalemtz'unq chiruheb' li xsaqenkil li xChaab'il Esil li Kriist nim xloq'al, a'an a'in li xjalam u li Yos.

Isaías 65:2

Maak'a' rajb'al naq junelik xink'e inch'ool chi xk'ulb'al jun q'etq'et aj tenamit li junes maa'usilal naxik wi' xch'ool;

San Juan 1:11

Sa' rochoch kik'ulunk, ut eb' li wankeb' sa' li rochoch ink'a' ke'xk'ul.

San Lucas 10:22

“Chixjunil q'axtesinb'il sa' wuq' xb'aan linYuwa', ut maa'ani nanawok ru li K'ajolb'ej, ka'ajwi' li Yuwa'b'ej; ut maa'ani nanawok ru li Yuwa'b'ej, ka'ajwi' li K'ajolb'ej ut eb' li taaraj wi' xk'utb'esinkil”.

Isaías 53:1

Ani xpaab'ank re li esil xqaye? Ani xk'ute' wi' li xnimal xwankil li Qaawa'?

Isaías 50:2

K'a'ut naq maajun xintaw naq xink'ulunk chekolb'al? K'a'ut naq ink'a' xineesume naq xexinb'oq? Malaj ut xek'oxla naq ink'a' tinruuq eekolb'al ut maak'a' inwankil re eerisinkil sa' li rahilal? Yal rik'in jun chi aatin ninye, nachaqik li palaw, ut eb' li roq nima' joxk' neke'kanaak; eb' li kar neke'kamk xb'aan li chaqi'eel ut neke'q'aak xb'aan xmajelal li ha'.

Apocalipsis 1:5

ut sa' xk'ab'a' li Jesukriist, laj ch'olob'anel xyaalal, li paab'ajel, li xb'een li kiwakliik chi yo'yo sa' xyanqeb' li kamenaq, li nim xwankil sa' xb'eeneb' chixjunil li awab'ej re li ruuchich'och'. A'an narahok qe ut kooxch'ajob'resi chiru li qamaak rik'in li xkik'el.

Hechos 22:18

kiwil li Qaawa' yo chi xyeeb'al we: «Seeb'a aawib' ut elen chi junpaat Jerusalén xb'aan naq ink'a' te'xk'ulub'an laawaatin taaye chiwix».

San Juan 5:43

Laa'in xinchalk sa' xk'ab'a' linYuwa', ut ink'a' nikineek'ul. Wi ani chik taachalq yal xtaql xch'ool, a'an teek'ul raj.

San Juan 3:13

“Maa'ani taqenaq sa' choxa, ka'ajwi' li kikub'e chaq sa' choxa, a' li K'ajolb'ej.

San Juan 3:5

Kichaq'ok li Jesus ut kixye: —Relik chi yaal ninye aawe: ani ink'a' taayo'laaq rik'in ha' ut Musiq'ej moko truuq ta taa'ok sa' li xnimajwal awab'ejihom li Yos.

San Juan 3:3

Kichaq'ok li Jesus ut kixye re: —Relik chi yaal ninye aawe: maa'ani truuq chi rilb'al li xnimajwal awab'ejihom li Yos wi ink'a' ta taayo'laaq wi' chik.

San Mateo 23:37

“At Jerusalén, Jerusalén, li nakakamsiheb' li propeet ut nakakuteb' chi pek li taqlanb'ileb' chaq aawik'in! K'ajo' naq xwaj raj xch'utub'ankileb' laawalal aak'ajol, kama' junaq kaxlan naxkupuheb' li ral rub'el li xxik', ut ink'a' xeraj!

San Mateo 11:27

“Chixjunil q'axtesinb'il sa' wuq' xb'aan linYuwa', ut maa'ani nanawok ru li K'ajolb'ej, ka'ajwi' li Yuwa'b'ej; ut maa'ani nanawok ru li Yuwa'b'ej, ka'ajwi' li K'ajolb'ej ut eb' li taaraj wi' xk'utb'esinkil.

Isaías 55:4

Laa'in kinxaqab'ank re laj David cho'q wuuchil chiruheb' li tenamit, cho'q aj k'amol b'e ut aj jolominel reheb' li poyanam.

Apocalipsis 3:14

“Tz'iib'an rik'in li x'ánjel li Iklees li wank Laodicea: «Kama'in na'aatinak li Amén, laj Ch'olob'anel re li yaal, chaab'il ut paab'ajel, li xTiklajik chixjunil li xyoob'tesihom li Yos.

San Juan 3:12

Wi ink'a' nekepaab' naq xexwaatina chirix li k'aru re li ruuchich'och', chan put ru naq teepaab' li tinye eere chirix li k'aru re li choxa?

San Juan 8:26

Naab'al raj naru tinye cherix li tinraqoq wi' aatin, ab'an li kitaqlank chaq we a'an paab'ajel; ut li k'aru kiwab'i chaq rik'in, a'an li ninye re li ruuchich'och'.