San Juan 21:7 - Q'eqchi Bible

⁷ Toja' naq li xtzolom li Jesus, li q'axal raaro xb'aan, kixye re laj Pedro: —A'an li Qaawa'! Naq kirab'i naq a'an li Qaawa', laj Simón Pedro kixk'e li raq' chirix, xb'aan naq t'ust'u, ut kixkut rib' sa' li palaw.

Li Santil hu

⁷ Ut lix tzolom li Jesús, li raro xban, quixye re laj Pedro: —¡Aꞌan li Ka̱cuaꞌ!— Ut laj Pedro, nak quirabi nak aꞌan li Ka̱cuaꞌ, quixqꞌue cuiꞌchic li rakꞌ chirix xban nak quirisi nak qui-oc chi caribc, ut quixcut rib saꞌ li haꞌ re ta̱xic riqꞌuin li Jesús.

San Juan 21:7 ပူးပေါင်းရင်းမြစ်များ

San Juan 13:23

Jun reheb' li xtzolom, a' li q'axal raaro xb'aan li Jesus, wank chi xk'atq sa' meex.

San Juan 20:2

Koho sa' aanil wankeb' wi' laj Simón Pedro ut li jun chik xtzolom li Jesus li q'axal raaro xb'aan, ut koxye reheb': —Xe'risi li Qaawa' sa' li muqleb'aal ut ink'a' naqanaw b'ar ta xe'xk'e.

San Juan 19:26

Naq li Jesus kiril li xna' aran rochb'een li xtzolom li q'axal raaro xb'aan, kixye re li xna': —At ixq, wa'ran laayum.

2 Corintios 5:14

Xb'aan naq li xrahom li Kriist nareechani li qayu'am. Naqanaw chi tz'aqal naq, wi jun chi winq kikamk sa' xk'ab'a' chixjunileb', jo'kan utan chixjunileb' ke'kamk.

San Juan 21:24

A'an a'in li tzolom li ki'aatinak chirix chixjunil a'in, ut kixtz'iib'a ajwi'. Ut laa'o naqanaw naq tz'aqal yaal li xch'olob'ahom.

San Juan 21:20

Kixsutq'isi rib' laj Pedro ut kiril naq yo xtaaqenkil xb'aan li xtzolom li Jesus raaro xb'aan, a' li kix'anab' rib' chire xch'ool sa' li wa'ak ewu naq kixpatz' re: “Qaawa', ani li taaq'axtesinq aawe?”.

Hechos 10:36

A'an kixtaqla chaq li Raatin rik'ineb' li ralal xk'ajol laj Israel chi xjultikankil li xchaab'il esil li tuqtuukilal sa' xk'ab'a' li Jesukriist, a' li xQaawa' chixjunil li ruuchich'och'.

Hechos 2:36

“Che'xnawaq b'i' chixjunileb' li ralal xk'ajol laj Israel naq li Jesus a'in li xek'e laa'ex chiru krus, a'an kixaqab'aak xb'aan li Yos cho'q Qaawa' ut Kriist”.

San Lucas 7:47

Jo'kan naq ninye aawe: kuyb'ileb' sachb'ileb' li xk'iila maak xb'aan naq q'axal xrahok. A'ut li yal kach'in xmaak nakuye'k, kach'in ajwi' narahok.

San Lucas 2:11

Anaqwan, sa' li xtenamit laj David, xyo'laak cho'q eere jun aj Kolonel, a'an li Kriist, li Qaawa'.

San Marcos 11:3

Ut wi ani taapatz'oq eere: «K'a'ut naq nekeb'aanu a'in?», cheyehaq: «Li Qaawa' taa'ajoq re, ab'anan hoon ajwi' tolxkanab'».

Cantares 8:7

Chixjunil li ha' wank sa' palaw ink'a' naru tixchup li Rahok, chi moko taa'oso'q xb'aaneb' li nima'. Wi ta junaq winq tixyeechi'i chixjunil li xb'ihomal li xjunkab'al sa' xk'ab'a' li Rahok, yal tz'eqtaananb'ilaq raj!

Salmos 118:23

A' li Qaawa' xb'aanunk re a'in; ut a'an sachb'ach'oolej chiqu.

Santiago 2:1

Ex was wiitz'in li nekepaab' li Qaawa' Jesukriist li wank sa' xnimal xloq'al, juntaq'eet cherileb' chixjunil sa' leepaab'aal.

1 Corintios 15:47

Li xb'een winq ch'och' okenaq, a'an ruuchich'och'il winq; ut li xkab' toj sa' choxa chalenaq chaq.

San Juan 20:28

Kichaq'ok laj Tomás ut kixye: —At inQaawa', at inYos!

San Juan 20:20

Ut naq kixye a'in, kixk'uteb' li ruq' ut li xk'atq xsa' chiruheb'. Ke'saho'k sa' xch'ool eb' li xtzolom naq ke'ril ru li Qaawa'.

San Lucas 12:35

“Junelik b'ak'b'ooq leesa' ut lochlooq leexam.

San Juan 21:8

Eb' li rech tzolonelil ke'chalk sa' li jukub', yookeb' chaq chi xkelonkil li yooy nujenaq chi kar, xb'aan naq ink'a' najt wankeb' rik'in li ch'och', yal oxk'aal moqoj tana.