San Juan 21:22 - Q'eqchi Bible

²² Kiyehe'k re xb'aan li Jesus: —Wi twaj naq a'in taakanaaq toj reetal tolin'elq, k'a' taawaj re? Taaqehin laa'at.

Li Santil hu

²² Li Jesús quixye re: —Cui la̱in tincuaj nak yoꞌyo̱k aꞌan toj tincꞌulu̱nk cuiꞌchic, ¿cꞌaꞌru ta̱cuaj re la̱at? La̱at qꞌue a̱chꞌo̱l chinta̱kenquil, chan li Jesús re laj Pedro.

San Juan 21:22 ပူးပေါင်းရင်းမြစ်များ

San Marcos 9:1

Li Jesus kixye ajwi' reheb': —Relik chi yaal ninye eere naq wankeb' sa' eeyanq li ink'a' te'kamq, toj reetal te'ril chi k'ulunk, rik'in xwankil, li xnimajwal awab'ejihom li Yos.

Apocalipsis 2:25

ka'aj b'an wi' naq chek'uulaaq li b'arwan ak wank eerik'in toj reetal tinsutq'iiq chaq.

1 Corintios 4:5

Jo'kan naq mexraqok aatin chi maji' xq'ehil, toj reetal tol'elq li Qaawa'. A'an taakutanob'resinq re li k'a'aq re ru muqmu chaq sa' li aak'ab' ut tixk'utb'esi li na'alaak sa' xch'ool chixjunileb'. Toja' naq li junjunq tixk'ul xloq'al rik'in li Yos.

Apocalipsis 3:11

Tinchalq chi seeb'. Li k'aru wank aawe, kaw chapchooq aab'aan re naq maa'ani taamaq'oq chawu laaq'ajkamunkil.

Santiago 5:7

Ex was wiitz'in, chekuyaq wan oyb'enink toj reetal sa' xk'ulunik li Qaawa'. K'ehomaq reetal: laj k'alom naroyb'eni li xloq'laj u li awimq, ut naxkuy royb'eninkil li hab' re li awk jo' ajwi' li xq'ehil li q'olok.

1 Corintios 11:26

K'ehomaq reetal: jar wa neketzeka li wa a'in ut nekeruk' xsa' li sek' a'in, li xkamik li Qaawa' nekepuktesi resil, toj reetal taak'ulunq wi' chik.

San Juan 21:19

Rik'in a'in kixye xyaalal chanru naq taakamsiiq re xnimankil xloq'al li Yos. Ut naq ak xye a'in, li Jesus kixye re: —Taaqehin.

San Mateo 24:44

Jo'kan utan, laa'ex ajwi' yo'oon wanqex, xb'aan naq maak'a'aq sa' eech'ool naq tol'elq li K'ajolb'ej.

Apocalipsis 22:20

Li Jesus li nach'olob'ank xyaalal chixjunil a'in naxye: “Relik chi yaal naq tinchalq chi seeb'”. Jo'kan taxaq. Chalqat, at Qaawa' Jesus!

Apocalipsis 22:7

“K'e reetal, tinchalq chi seeb'. Us xaq re li ani naxk'uula sa' xch'ool li raatin propeet wankeb' sa' li hu a'in!”.

Apocalipsis 1:7

K'ehomaq reetal, we' chaq rochb'eeneb' li choql: chixjunil li xsa' uhej taa'iloq re, te'ril ajwi' eb' li ke'xeq'ok re; sa' xk'ab'a' a'an huyhutqeb' chixjunil li xteepaleb' li ruuchich'och'. Yaal ut jo'kan taak'ulmanq.

San Mateo 25:31

“Naq taak'ulunq chaq li K'ajolb'ej sa' li xnimal xloq'al rochb'eenaqeb' chaq chixjunileb' li x'ánjel, toja' naq taak'ojlaaq sa' li xloq'laj k'ojarib'aal.

San Mateo 24:27

Xb'aan naq jo' li raq'kaaq na'elk chaq sa' releb'l saq'e ut nak'utunk toj sa' rokeb'l, jo'kanaq ajwi' li xk'ulunik li K'ajolb'ej.

San Mateo 24:3

Chirix a'an, naq ak chunchu sa' xb'een li tzuul Olivos, eb' li xtzolom ke'jilok chi xk'atq naq wank xjunes ut ke'xye re: —Ye qe jo'q'e taak'ulmanq a'in ut k'aru reetalil laachalik ut li roso'jik li ruuchich'och'.

San Mateo 8:22

Ut li Jesus kixye re: —Taaqehin ut kanab'eb' li kamenaq chi xmuqb'aleb' li xkamenaq.

San Mateo 16:24

Toja' naq li Jesus kixye reheb' li xtzolom: —Wi ani naraj intaaqenkil, mixra rib', chixchapaq li xkrus ut chinxtaaqehaq.

San Juan 21:21

Naq laj Pedro kiril li rech tzolonelil, kixye re li Jesus: —Qaawa', ut a'in k'aru taakanaaq wi'?

1 Ts 2:19

B'ar pe' wank li qoyb'enihom, li qasahilal, li qaloq'al li tqanima wi' qib' chiru li Qaawa' Jesus sa' li xk'ulunik? Ma ink'a' tab'i' laa'ex?

Santiago 5:8

Chekuyaq ajwi' oyb'enink laa'ex. Chekawub'resiiq leech'ool xb'aan naq li xk'ulunik li Qaawa' xnach'ok chaq.