San Juan 21:16 - Q'eqchi Bible

¹⁶ Kixpatz' wi' chik re xka' sut: —At Simón, ralalat laj Jwan, ma nikinaara? Kichaq'ok a'an: —Hehe', Qaawa'. Laa'at nakanaw naq nakatinra, chan. Kixye li Jesus re: —Chab'eresiheb' linkarneer.

Li Santil hu

¹⁶ Ut li Jesús quixye cuiꞌchic re: —At Simón, ralalat laj Jonás, ¿ma niquina̱ra?— Laj Pedro quixye: —Ka̱cuaꞌ, la̱at nacanau nak nacatinra.— Ut li Jesús quixye re: —Chacuilakeb li cualal incꞌajol joꞌ jun li pastor narileb lix carner, chan.

San Juan 21:16 ပူးပေါင်းရင်းမြစ်များ

Hechos 20:28

Cherilaq eerib' jo' ajwi' cherilaqeb' chixjunil li karneer li xaqab'anb'ilex wi' xb'aan li Santil Musiq'ej cho'q aj k'aak'alehom reheb'. Cheb'eresi li x'Iklees li Yos li kixloq' rik'in xkik'el li Ralal.

1 Pedro 5:2

cheberesiheb' li xkarneer li Yos k'eeb'ileb' cheril ut chek'aak'aleheb' chi ink'a' yal minb'ilaq eeru, chi anchalaq b'an eech'ool jo' naraj li Yos; moko re ta xsik'b'al eetumin, sa' eech'ool b'an chi'alaaq;

1 Pedro 2:25

Chanchanex chaq karneer li neke'cha'chotk naq xexwank chaq, a'ut anaqwan xexsutq'iik chaq rik'in laj K'aak'alenel ut laj Ilol re leeraanm.

Salmos 100:3

Chenawaq naq li Qaawa' a'an Yos, a'an kiyoob'tesink qe ut reho ajwi', laa'o li xtenamit, laa'o xkarneer k'aak'alenb'ilo xb'aan.

Salmos 95:7

Xb'aan naq a'an li qaYos ut laa'o li xtenamit; laa'o xkarneer li b'eresinb'ilo xb'aan. Us rajan teerab'i hoon li xyaab' xkux:

Hebreos 13:20

Li Yos aj k'ehol tuqtuukilal, li kiwaklesink re li Jesus sa' xyanqeb' li kamenaq, a' li Qaawa', li xnimal ru aj K'aak'alenel karneer sa' xk'ab'a' xkik'elil li junelik Sumwank,

San Juan 18:25

Xaqxo aran laj Simón Pedro chi q'ixink: —Ma ink'a' tab'i' laa'at jun reheb' li xtzolom? chu'uxk re. Ut a'an kitik'ti'ik ut kixye: —Moko laa'in ta.

San Juan 18:17

Li ixq aj ilol okeb'aal kixpatz' re laj Pedro: —Ma ink'a' tab'i' laa'at jun reheb' li xtzolom li winq a'an? chan. Kixye a'an: —Moko laa'in ta.

San Lucas 19:10

Xb'aan naq li K'ajolb'ej xk'ulunk chi xsik'b'al ut chi xkolb'al li b'arwan sachenaq.

San Mateo 26:72

Kitik'ti'ik wi' chik laj Pedro rik'in jurament: —Ink'a' ninnaw ru li winq a'an, chan.

San Mateo 25:32

Chixjunileb' li tenamit talaje'ch'utub'aaq chiru, ut taarisi li junch'ol sa' xyanqeb' li junch'ol chik, jo' laj k'aak'alenel ketomq narisiheb' li karneer sa' xyanqeb' li chib'aat.

San Mateo 2:6

«Ut laa'at Belén, xch'och'el laj Judá, moko jwal kach'inat ta sa' xyanqeb' li xninqal xteepaleb' laj Judá, xb'aan naq aawik'in taa'elq jun aj k'amol b'e li taab'eresinq re lintenamit Israel».

Zacarías 13:7

Li Nimajwal Yos naxye chi jo'ka'in: “Ajsi aawu, at q'esnal ch'iich', re xkamsinkil laj k'aak'alenel, ut kamsi li natenq'ank we. Kamsi laj ilol ketomq, ut eb' li karneer te'xcha'cha'i rib'eb'; ut laa'in ink'a' tintoq'ob'a ruheb' li kok' karneer.

Apocalipsis 7:17

Xb'aan naq li Karneer li wank sa' xyi li nimajwal k'ojarib'aal tixb'eresiheb' ut tixk'am xb'eheb' toj sa'eb' xyo'leb'aal li yu'amha'. Ut li Yos taachaqihob'resinq re chixjunil li xya'aleb' ru”.

San Juan 21:17

Kixpatz' wi' chik re rox sut: —At Simón, ralalat laj Jwan, ma nikinaara? Kiraho'k xch'ool laj Pedro naq ox sut kipatz'e'k re: «Ma nikinaara?». Ut kichaq'ok: —Qaawa', laa'at nakanaw chixjunil. Laa'at xak'e reetal naq nakatinra, chan. Kixye li Jesus re: —Chach'oolaniheb' linkarneer.