San Juan 21:15 - Q'eqchi Bible

¹⁵ Naq ak xe'wa'ak, kixye li Jesus re laj Simón Pedro: —At Simón, ralalat laj Jwan, ma q'axal nikinaara chiruheb' a'in? Kixye a'an: —Hehe', Qaawa'. Laa'at nakanaw naq nakatinra. Kixye li Jesus re: —Chach'oolaniheb' linkok' karneer.

Li Santil hu

¹⁵ Nak ac xeꞌcuaꞌac, li Jesús quixye re laj Simón Pedro: —At Simón, ralalat laj Jonás, ¿ma kꞌaxal niquina̱ra chiruheb aꞌin?— Laj Pedro quixye re: —Ka̱cuaꞌ, la̱at nacanau nak nacatinra, chan. Ut li Jesús quixye re: —Chacuilakeb li cualal incꞌajol li toj kꞌuneb xchꞌo̱l saꞌ lix pa̱ba̱leb joꞌ jun li pastor narileb lix cocꞌ carner.—

San Juan 21:15 ပူးပေါင်းရင်းမြစ်များ

Romanos 15:1

Laa'o li kaw qach'ool sa' li qapaab'aal tento naq tqakuy li xch'inal xpaab'aaleb' li toj q'uneb' xch'ool, ut miqasik' ka'ajwi' li k'aru nawulak chiqu.

1 Juan 4:19

Laa'o nokoorahok xb'aan naq A'an kooxra xb'enwa.

Isaías 40:11

Jo' junaq aj ilol ketomq, naxb'eresiheb' li xkarneer; naxq'alu eb' li xkok' karneer ut naxq'uneb', ut naxk'eheb' chi hilank li toja' xe'alank.

1 Pedro 1:8

Laa'ex ink'a' eerilom ru li Jesukriist, ab'an nekera. Us ta ink'a' nekeril ru anaqwan, ab'an nekepaab', k'ajo' naq nasaho'k leech'ool: makach'in li xnimal ut li xloq'al li sahil ch'oolejil a'an!

Efesios 6:24

Chiwanq taxaq li rusilal li Yos rik'ineb' chixjunil li neke'rahok re li Qaawa' Jesukriist chi junelik.

Hechos 20:28

Cherilaq eerib' jo' ajwi' cherilaqeb' chixjunil li karneer li xaqab'anb'ilex wi' xb'aan li Santil Musiq'ej cho'q aj k'aak'alehom reheb'. Cheb'eresi li x'Iklees li Yos li kixloq' rik'in xkik'el li Ralal.

1 Juan 5:1

Chixjunil li napaab'ank re naq li Jesus a'an li Kriist, a'an yo'lajenaq rik'in li Yos; ut chixjunil li narahok re junaq yuwa'b'ej naxra ajwi' li yo'lajenaq chaq rik'in.

San Juan 16:27

xb'aan naq a' ajwi' li Yuwa'b'ej narahok eere. A'an nekexra laa'ex xb'aan naq nikineera ut kaw nekepaab' naq rik'in li Yos elenaqin chaq.

Jeremías 3:15

Tinxaqab' eb' li te'k'aak'alenq eere jo' chanru naraj linch'ool, ut eb' a'an te'ch'oolaninq eere rik'in chaab'il na'leb' ut xseeb'al xch'ooleb'.

Ezequiel 34:23

“Tinxaqab' jun ajwi' aj k'aak'alehom reheb', a' laj David aj k'anjel chiwu. A'an taa'iloq ut taab'eresinq reheb'.

1 Pedro 2:25

Chanchanex chaq karneer li neke'cha'chotk naq xexwank chaq, a'ut anaqwan xexsutq'iik chaq rik'in laj K'aak'alenel ut laj Ilol re leeraanm.

Hebreos 4:13

Maa'ani muqmu chiru a'an, chixjunil b'an k'utk'u ut saqenk chiru li Yos li toxqaye wi' qayehom qab'aanuhom.

San Lucas 22:32

A'ut laa'in xintijok chawix re naq ink'a' taalajq laapaab'aal. Ut laa'at, naq tatsutq'iiq chaq wik'in, chakawub'resi xch'ooleb' laawas aawiitz'in.

Hebreos 13:20

Li Yos aj k'ehol tuqtuukilal, li kiwaklesink re li Jesus sa' xyanqeb' li kamenaq, a' li Qaawa', li xnimal ru aj K'aak'alenel karneer sa' xk'ab'a' xkik'elil li junelik Sumwank,

Romanos 14:1

Chek'ulaqeb' sa' xyaalal li toj q'uneb' xch'ool sa' li paab'ank ut meewech' rix li xk'a'uxeb'.

San Mateo 16:17

Toja' naq li Jesus kixye re: —Us xaq aawe, a Simón, ralalat laj Jonás, xb'aan naq moko a' ta li tz'ejwalej chi moko li kik'elej xk'utuk chawu a'in, a' b'an linchoxahil Yuwa'.

Jeremías 23:4

Tinxaqab'eb' aj ilol reheb' re naq te'xch'oolaniheb'; chi jo'kan maak'a' te'xxiwa chi moko taasachq junaq sa' xyanqeb'”, chan li Qaawa'.

Apocalipsis 2:23

Tinq'axtesiheb' li ralal xk'ajol chi kamk. Chi jo'kan chixjunileb' li Iklees te'xnaw naq laa'in li nintz'ili li xch'ooleb' ut li xk'a'uxeb'. Tink'e eere chejunjunqal jo' chanru leeb'aanuhom.

1 Pedro 2:2

Jo'qex li k'uula'al toja' xe'yo'laak, cherataw li chaab'il leech li nachalk rik'in li Musiq'ej, re naq sa' xk'ab'a' a'an texk'iiq cho'q re li kolb'a ib':

Gálatas 5:6

Xb'aan naq rik'in li Kristo Jesus maak'a' na'ok wi' xk'ulb'al li sirkunsisyon malaj ink'a', ka'aj b'an wi' li paab'aal li naxk'ut rib' rik'in li rahok.

San Juan 21:12

—Kimqex ut wa'inqex, chan li Jesus reheb'. Ab'an maajun reheb' li xtzolom kikawuuk xch'ool chi xpatz'b'al re: «Anihat laa'at?». Ak neke'xnaw chi us naq a'an li Qaawa'.

San Juan 21:7

Toja' naq li xtzolom li Jesus, li q'axal raaro xb'aan, kixye re laj Pedro: —A'an li Qaawa'! Naq kirab'i naq a'an li Qaawa', laj Simón Pedro kixk'e li raq' chirix, xb'aan naq t'ust'u, ut kixkut rib' sa' li palaw.

San Mateo 18:10

“Chek'ehaq reetal, meetz'eqtaana junaq reheb' li kok' a'in, xb'aan naq ninye eere naq eb' li x'ánjel sa' choxa junelik neke'ril ru linchoxahil Yuwa'.

Efesios 4:14

Ink'a' chik kama'aqo li kok'al, chi moko eek'asinb'ilaqo ut k'amb'ilaqo xb'aan li iq' yalaq b'ar xb'aan k'a'aq re ru chi na'leb'il li yal naraj xch'ooleb' li winq aj tik'ti' ut aj lab'al, a'eb' li junes b'alaq'il neke'xyoob',

1 Corintios 8:11

Ut yal sa' xk'ab'a' laana'leb' taasachq li q'un xch'ool, a' li qas qiitz'in li kikamk wi' li Kriist!

San Juan 8:42

Kixye li Jesus reheb': —Wi ta a' li Yos leeYuwa', nikineera raj, xb'aan naq rik'in li Yos kin'elk ut kinchalk chaq. Ink'a' kinchalk injunes wib'; a' li Yos, a'an li kitaqlank chaq we.

San Marcos 14:29

Toja' naq laj Pedro kixye re: —Us ta chixjunileb' te'luktaaq xch'ool, ab'an laa'in ink'a'.

San Lucas 12:32

“Mexxiwak li jun ch'ina ch'uutex linkarneer, xb'aan naq xwulak chiru leeYuwa' xk'eeb'al eere li xnimajwal awab'ejihom.

Génesis 33:13

Kichaq'ok laj Jakob: “Linqaawa' naxnaw naq toj kok'eb' linkok'al, ut wankeb' inkarneer ut wakax li toj yookeb' chi tu'resink: wi tinlub'tesiheb' chiru jun kutan, te'kamq chixjunileb' linketomq.

San Mateo 10:37

“Li q'axal naxra li xna' malaj li xyuwa' chiwu laa'in, a'an moko xk'ulub' ta wank cho'q intzolom. Ut ani q'axal naxra li ralal xk'ajol chiwu laa'in, a'an moko xk'ulub' ta wank cho'q intzolom.

2 Reyes 20:3

“At Qaawa', jultikaq taxaq aawe naq xinwank chawu sa' chaab'ilal ut chi tiik ru linyu'am, ut xinb'aanu li nawulak chawu”. K'ajo' naq kiyot'e'k xch'ool laj Esekías chi yaab'ak.

2 Samuel 7:20

K'a' chik ru truuq tinye aawe? Laa'at nakanaw wu laa'in aj k'anjel chawu, at Qaawa'.

San Juan 13:37

Kiyehe'k re xb'aan laj Pedro: —At Qaawa', k'a'ut naq ink'a' truuq tatintaaqe anaqwan? Laa'in tinq'axtesi linyu'am sa' aak'ab'a'.

San Juan 1:42

Ut kixk'am wan wi' li Jesus. Li Jesus kixka'ya ut kixye re: —Laa'at laj Simón, ralal laj Jwan; Sefas chik taak'ab'a'in (naraj naxye: Pek).

San Mateo 26:35

Kichaq'ok laj Pedro ut kixye: —Us ta tento tinkamq wochb'eenat, ab'an maajaruj tinmuq naq ninnaw aawu. Jo'kan ajwi' ke'xye chixjunileb' li xtzolom.

San Mateo 26:33

Toja' naq laj Pedro kixye re: —Us ta chixjunileb' te'luktaaq xch'ool sa' aak'ab'a', ab'an laa'in maa-jaruj taaluktaaq inch'ool.

Hechos 20:29

Ninnaw naq, akaq xkohin, wanqeb' josq' aj xojb' te'ok sa' eeyanq li te'xrahob'tesi eb' li karneer.

Ezequiel 46:24

Toja' naq kixye we: “Eb' laj k'anjel sa' rochoch li Yos, arin te'xchiq li mayej neke'xk'e eb' li poyanam”.