San Juan 20:9 - Q'eqchi Bible

⁹ Xb'aan naq toj maji' ajwi' neke'xtaw ru li Santil Hu li naxye naq tento taawakliiq chi yo'yo sa' xyanqeb' li kamenaq.

Li Santil hu

⁹ Toj ma̱jiꞌ queꞌxtau ru chi tzꞌakal li tzꞌi̱banbil saꞌ li Santil Hu li naxye nak tento ta̱cuacli̱k cuiꞌchic chi yoꞌyo saꞌ xya̱nkeb li camenak.

San Juan 20:9 ပူးပေါင်းရင်းမြစ်များ

Salmos 16:10

Xb'aan naq ink'a' tinaakanab' sa' xna'ajeb' li kamenaq, chi moko taak'e chi q'aak laawamiiw.

Isaías 25:8

ut tixsach chi junajwa xwankil li kamk. Li Qaawa' tixmes li xya'al ruheb' chixjunil li poyanam ut tixsach li xxutaan li xtenamit junsut junrub'el choxa. Li Qaawa' kiyehok re a'in.

Isaías 26:19

Eb' laakamenaq te'wanq xyu'am, te'yo'laaq wi' chik li xb'aqel rismaleb'; te'ajq ruheb' ut te'b'ichanq xb'aan xsahil xch'ooleb' jo'k'ihaleb' li wankeb' sa' pojtz'. Xb'aan naq laak'ajob' a'an jun k'ajob' nalemtz'unk ru, ut li xna'ajeb' li kamenaq taa'alanq.

1 Corintios 15:4

kimuqe'k ut kiwakliik chi yo'yo sa' rox li kutan, jo' ak yeeb'il chaq resil chi junxilaj xb'aan li Santil Hu;

San Lucas 24:26

Ma ink'a' tab'i' tento naq li Kriist xk'ul li rahilal a'an ut chi jo'kan taa'ok sa' li xnimajwal loq'al?

San Mateo 22:29

Kichaq'ok li Jesus ut kixye reheb': —Tik sachenaqex xb'aan naq ink'a' neketaw ru li Santil Hu, chi moko neketaw ru li xwankil li Yos.

Oseas 13:14

Ma tinkol tab'i' chiru li muqleb'aal kamenaq? Ma twisi tab'i' sa' ruq' li kamk? At kamk, b'ar wank laawankil? B'ar wank laatiq'leb', at muqleb'aal kamenaq? Ink'a' twil xtoq'ob'aal ru laj Efraín.

San Juan 2:22

Jo'kan naq sa' li xwaklijik chi yo'yo sa' xyanqeb' li kamenaq ke'naqk sa' xch'ooleb' li xtzolom naq ak xyehom chaq chi jo'ka'in, ut ke'xpaab' li Santil Hu ut li aatin yeeb'il chaq xb'aan li Jesus.

San Lucas 9:45

A' ut eb' a'an ink'a' neke'xtaw ru li aatin a'in: tz'aptz'o ru chiruheb', jo'kan naq ink'a' neke'xtaw xyaalal; ut neke'xiwak chi patz'ok re chirix li aatin a'in.

Salmos 22:15

Chanchanin li ha' yo chi hoye'k, b'oq'b'ileb' chixjunil linb'aqel; naq nach'inank linch'ool kama' aj chik li waakab'.

Hechos 2:24

A'ut li Yos kiwaklesink re chi yo'yo naq kirisi xrahil li kamk sa' xb'een, xb'aan naq moko naru ta xkanaak rub'el xwankil li kamk.

Hechos 17:3

naxch'olob' ut naxye xyaalal naq teneb'anb'il chaq sa' xb'een li Kriist xk'ulb'al li rahilal ut wakliik wi' chik sa' xyanqeb' li kamenaq: “Li Kriist a'in, a'an li Jesus li ninye resil eere”, chan.