San Juan 20:19 - Q'eqchi Bible

¹⁹ Ewu sa' ajwi' li kutan a'an, li xb'een kutan re li xamaan, naq tz'aptz'ookeb' li rokeb'aal li na'ajej b'ar wankeb' wi' li xtzolom xb'aan xxiweb' chiruheb' laj Judiiy, kiwulak li Jesus, kixk'e rib' sa' xyiheb' ut kixye reheb': —Chiwanq taxaq eerik'in li tuqtuukil usilal!

Li Santil hu

¹⁹ Saꞌ li xbe̱n cutan re li xama̱n, nak ac oc re li kꞌojyi̱n, queꞌxchꞌutub ribeb lix tzolom li Jesús. Tzꞌaptzꞌo chi us lix puertil li cab li chꞌutchꞌu̱queb cuiꞌ xban nak queꞌxucuac xbaneb li nequeꞌtaklan saꞌ xbe̱neb laj judío. Xaka̱mil li Jesús chiruheb ut quixye reheb: —Chicua̱nk taxak li tuktu̱quil usilal e̱riqꞌuin, chan reheb.

San Juan 20:19 ပူးပေါင်းရင်းမြစ်များ

San Juan 20:26

Waqxaqib'aq kutan xnumik a'an, wankeb' wi' chik sa' kab'l eb' li xtzolom ut laj Tomás wank sa' xyanqeb'. Kiwulak li Jesus chi tz'aptz'ookeb' li okeb'aal, kixk'e rib' sa' xyiheb' ut kixye: —Chiwanq taxaq eerik'in li tuqtuukil usilal!

San Juan 14:27

“Li tuqtuukil usilal ninkanab' eerik'in, lintuqtuukil usilal nink'e eere; ink'a' nink'e eere kama' naxk'e li ruuchich'och'. Misachk eech'ool chi k'oxlak, chi moko chexxiwaq.

San Juan 20:21

Toja' naq kixye wi' chik li Jesus reheb': —Chiwanq taxaq eerik'in li tuqtuukil usilal. Jo' naq xinxtaqla chaq li Yuwa'b'ej, jo'kan ajwi' naq texintaqla laa'in.

Efesios 2:14

Xb'aan naq li Kriist a'an li qatuqtuukilal: A'an kijunajink re li wiib' chi tenamit ut kixjuk' li tz'ak najachok reheb', a' li xik'il uuchink.

2 Ts 3:16

A' taxaq li xQaawa' li tuqtuukil usilal chik'ehoq eere li tuqtuukilal chi junelik ut sa' chixjunil. Chiwanq taxaq li Qaawa' eerik'in chejunilex.

San Juan 7:13

Ab'anan maa'ani na'aatinak chirix chi kutankil xb'aan xxiweb' chiruheb' laj Judiiy.

San Marcos 16:14

Sa' roso'jik kixk'ut rib' chiruheb' li Junlaju naq wankeb' sa' meex, ut kixkawilaatinaheb' xb'aan naq ink'a' neke'xpaab' ut kaweb' xjolom: ink'a' ke'xpaab' li ke'ilok ru naq waklijenaq wi' chik chi yo'yo.

Apocalipsis 1:4

Laa'in laj Jwan nintz'iib'ak rik'ineb' li wuqub' chi Iklees li wankeb' Asia. Usilal ut tuqtuukilal chiwanq taxaq eerik'in sa' xk'ab'a' li wank, li ak wan chaq ut chaalel, sa' xk'ab'a' li wuqub' chi Musiq'ej li wankeb' chiru li xnimajwal k'ojarib'aal

1 Corintios 15:5

kixk'ut rib' chiru laj Sefas ut moqon chik chiruheb' li Kab'laju.

San Juan 16:33

Xinye a'in eere re naq teetaw tuqtuukil usilal wik'in. Sa' li ruuchich'och' teek'ul li rahilal, ab'anan kawaq eech'ool! Laa'in xinq'ax ru xwankil li ruuchich'och'.

Hebreos 7:2

A'an kik'uluk li xlajeetqil chixjunil sa' ruq' laj Abrahán. Li xk'ab'a' naraj naxye xb'enwa: “awab'ej re li tiikilal”; jo' ajwi' “awab'ej re Salem” (naraj naxye: “awab'ej re li tuqtuukilal”).

Filipenses 1:2

Chiwanq taxaq eerik'in li usilal ut li tuqtuukilal nachalk rik'in li Yos li qaYuwa' ut rik'in li Qaawa' Jesukriist.

Efesios 6:23

Li Yos Yuwa'b'ej ut li Qaawa' Jesukriist che'xk'e taxaq li tuqtuukilal reheb' laj paab'anel, jo'wi' li rahok ut li paab'aal.

Romanos 15:33

Li Yos li nak'ehok tuqtuukil usilal chiwanq taxaq eerik'in chejunilex. Jo'kan taxaq.

San Juan 16:22

Jo'kan ajwi' laa'ex ra sa' eech'ool anaqwan, ab'anan tolwil wi' chik eeru ut taasaho'q leech'ool, ut li xsahil eech'ool maa'ani truuq taamaq'oq cheru.

San Mateo 18:20

Xb'aan naq b'ar wankeb' wiib' oxib' ch'utch'uukeb' sa' ink'ab'a', aran wankin sa' xyiheb'”.

San Mateo 10:13

Wi li junkab'al xk'ulub' ula'aniik, chikub'eeq sa' xb'een leetuqtuukil usilal; ab'an, wi ink'a' xk'ulub' ula'aniik, leetuqtuukil usilal taasutq'iiq chaq eerik'in.

Salmos 122:8

Sa' xk'ab'a'eb' li wech'alal ut wechkab'al tinye: “Aawik'in taxaq li tuqtuukilal, at Jerusalén!

San Juan 21:1

Chirix chik a'an, li Jesus kixk'ut wi' chik rib' chiruheb' li xtzolom chire li palaw wank Tiberias. Jo'ka'in naq kixk'ut rib':

San Juan 21:14

A'in ak rox sut chi xk'utb'al rib' li Jesus chiruheb' li xtzolom, chirix li xwaklijik chi yo'yo sa' xyanqeb' li kamenaq.

Hechos 1:3

Chirix naq ak xk'ul li rahilal, kixk'ut rib' chiruheb', rik'in k'iila eetalil, naq tz'aqal yo'yo: chiru ka'k'aal kutan kixk'ut rib' chiruheb' ut kiraatinaheb' chirix li xnimajwal awab'ejihom li Yos.

3 Juan 1:14

Nawoyb'eni rilb'al aawu chi seeb', ut aran tqaatina qib' chiqib'il qib'.