San Juan 2:23 - Q'eqchi Bible

²³ Naq toj wankaq aran Jerusalén, sa' xninq'ehinkil li Paswa, naab'aleb' ke'paab'ank re xb'aan naq ke'ril li xninqal eetalil kixb'aanu.

Li Santil hu

²³ Nak li Jesús cuan aran Jerusalén chixnumsinquil li ninkꞌe Pascua, nabaleb queꞌpa̱ban re xban nak queꞌril li milagro li quilajxba̱nu.

San Juan 2:23 ပူးပေါင်းရင်းမြစ်များ

San Lucas 8:13

Li ke'naqk sa' pek ru a'aneb' li neke'rab'i li Aatin ut neke'xk'ul chi saheb' sa' xch'ool, ab'an maak'a'eb' xxe' rik'ineb': jun k'amok ajwi' neke'xpaab' ut, naq nachalk li aaleek, neke'ch'inank xch'ool.

San Juan 6:14

Naq eb' li tenamit ke'ril li xnimal eetalil kixb'aanu li Jesus, ke'xye: —Relik chi yaal naq a'in li propeet li tento taak'ulunq sa' ruuchich'och'.

Gálatas 5:6

Xb'aan naq rik'in li Kristo Jesus maak'a' na'ok wi' xk'ulb'al li sirkunsisyon malaj ink'a', ka'aj b'an wi' li paab'aal li naxk'ut rib' rik'in li rahok.

San Juan 7:31

Naab'aleb' sa' xyanqeb' li tenamit ke'paab'ank re, yookeb' chi xyeeb'al: —Naq taak'ulunq li Kriist, ma tixb'aanu naab'al chik xninqal eetalil chiru li xb'aanu a'in?

San Juan 3:2

A'an kiwulak rik'in li Jesus chi q'eq ut kixye re: —At Tzolonel, naqanaw naq rik'in li Yos chalenaqat chaq cho'q aj tzolonel, xb'aan naq maa'ani naru chi b'aanunk re li xninqal eetalil nalajaab'aanu laa'at wi maak'a' li Yos rik'in.

San Juan 2:13

Taanach'oq chaq li Paswa, xninq'eheb' laj Judiiy. Kitaqe'k li Jesus Jerusalén

San Juan 2:11

A'in kixb'aanu li Jesus cho'q xtiklajik eb' li eetalil, aran Kanahán, sa' xteepal Galilea: kixk'ut li xnimal xloq'al ut eb' li xtzolom ke'xpaab' A'an.

San Juan 4:45

Naq kiwulak Galilea, kik'ule'k xb'aaneb' laj Galilea, xb'aan naq ak rilomeb' chixjunil li kilajxb'aanu chaq Jerusalén sa' li ninq'e naq ke'wulak ajwi' eb' a'an.

San Juan 5:36

Ab'an laa'in wank k'aru na'aatinak chiwix q'axal nim xwankil chiru laj Jwan, a' li xnimal k'anjel li kixk'e chinb'aanu li Yuwa'b'ej. Xb'aan naq li k'anjel yookin chi xb'aanunkil na'aatinak chiwix ut naxye naq li Yuwa'b'ej kitaqlank chaq we.

San Juan 6:2

ut naab'al li tenamit ke'taaqenk re xb'aan naq neke'rilatq li xninqal ru eetalil kilajxb'aanu rik'ineb' li yaj.

San Juan 11:45

Naab'aleb' laj Judiiy li ke'wulak sa' rochoch lix María, ke'xpaab' li Jesus naq ke'ril li kixb'aanu.

1 Juan 3:23

Ut a'an a'in li xchaq'rab': naq choopaab'anq sa' xk'ab'a' li Jesukriist li Ralal ut chiqara qib' chiqib'il qib', jo' chanru naq kooxchaq'rab'i.