San Juan 2:19 - Q'eqchi Bible

¹⁹ Li Jesus kixsumeheb' ut kixye: —Juk'umaq li rochoch li Yos a'in ut chiru oxib' kutan tinwaklesi wi' chik.

Li Santil hu

¹⁹ Quichakꞌoc li Jesús ut quixye reheb: —Jucꞌumak li templo aꞌin ut chiru oxib cutan tincuaclesi cuiꞌchic chi acꞌ, chan reheb.

San Juan 2:19 ပူးပေါင်းရင်းမြစ်များ

San Marcos 14:58

—Laa'o xqab'i naq kixye: «Laa'in tinjuk' li rochoch li Yos a'in yiib'anb'il chi uq'mej, ut chiru oxib' kutan tinyiib' jun chik moko yiib'anb'il ta rik'in uq'ej».

San Marcos 15:29

Eb' li neke'nume'k aran neke'xmajewa, neke'reek'asi li xjolomeb' ut neke'xye: —Laa'at li xajuk' raj li rochoch li Yos ut yal chiru oxib' kutan xayiib' raj wi' chik,

San Mateo 27:40

—Laa'at li xajuk' raj li rochoch li Yos ut yal chiru oxib' kutan xayiib' raj wi' chik, kol aawib', wi Ralalat li Yos, ut kub'en chaq chiru li krus.

San Mateo 12:40

Jo' naq kiwank chaq laj Jonás sa' xsa' li nimla kar oxib' kutan ut oxib' q'oqyink, jo'kan ajwi' taawanq li K'ajolb'ej sa' xch'ool li ch'och' oxib' kutan ut oxib' q'oqyink.

Romanos 8:11

Ut wi wank eerik'in li xMusiq' li Yos li kiwaklesink re chi yo'yo li Jesus sa' xyanqeb' li kamenaq, a' ajwi' li kiwaklesink re li Kriist chi yo'yo taak'ehoq xyu'am leech'och'el leesululel sa' xk'ab'a' li xMusiq' wank eerik'in.

Hechos 3:15

Xekamsi li nak'amok b'e sa' li yu'am. Ab'anan li Yos xwaklesi chi yo'yo sa' xyanqeb' li kamenaq, ut laa'o xqil ut nokoo'aatinak chirix.

Hechos 2:32

Li Jesus a'in kiwaklesiik chi yo'yo xb'aan li Yos ut chiqajunilo laa'o qilom ut nokoo'aatinak chirix.

Hechos 2:24

A'ut li Yos kiwaklesink re chi yo'yo naq kirisi xrahil li kamk sa' xb'een, xb'aan naq moko naru ta xkanaak rub'el xwankil li kamk.

1 Pedro 3:18

Xb'aan naq li Kriist, jun wa ajwi' kikamk re xtojb'al rix li maak, li tiik xch'ool chirixeb' li ink'a' tiikeb' xch'ool, re qak'amb'al rik'in li Yos. Li Kriist kikamsiik sa' li xjunxaqalil, ab'an kiyoob'tesiik sa' musiq'ejil yu'am.

Romanos 6:4

Sa' xk'ab'a' li kub'iha' qechmuqik li Kriist sa' li xkamik, re naq kama' li Kriist kiwaklesiik wi' chik chi yo'yo sa' xyanqeb' li kamenaq xb'aan xnimal xwankil li Yuwa'b'ej, jo'kan ajwi' laa'o choowanq sa' ak' yu'am.

San Juan 11:25

Kixye li Jesus re: —Laa'in li wakliik wi' chik chi yo'yo ut li yu'am. Ani napaab'ank we, us ta taakamq, taawanq xyu'am,

San Marcos 8:31

Li Jesus kixtikib' xtzolb'aleb' naq li K'ajolb'ej tento tixk'ul naab'al rahilal, tento taatz'eqtaanaaq xb'aaneb' li cheekel winq, li xb'eenileb' aj tij ut eb' laj tz'iib', taakamsiiq ut taawakliiq chi yo'yo sa' rox li kutan.

Colosenses 2:12

Eerechmuqb'al li Kriist sa' li kub'iha', eerochb'een ajwi' A'an naq xexwakliik chi yo'yo xb'aan naq xepaab' li xnimal xwankil li Yos li kiwaklesink chi yo'yo li Kriist sa' xyanqeb' li kamenaq.

1 Corintios 15:12

Jo'kan utan, wi napuktesimank resil naq li Kriist kiwakliik wi' chik chi yo'yo sa' xyanqeb' li kamenaq, k'a' put naq toj wan wankeb' sa' eeyanq li yookeb' chi xyeeb'al naq maak'a' xwaklijikeb' chi yo'yo eb' li kamenaq?

Romanos 4:24

Taak'ehe'q sa' ajl li qapaab'aal xb'aan naq naqapaab' Li kiwaklesink re chi yo'yo li Jesus, li Qaawa'.

Hechos 3:26

Xb'enwa cho'q eere laa'ex li Yos kixwaklesi chi yo'yo li Jesus li xmoos ut kixtaqla chaq cherosob'tesinkil, re naq li junjunq tixkanab' li xmaa'usilal”.

San Juan 5:19

Kixye ut li Jesus reheb': “Relik chi yaal ninye eere: li K'ajolb'ej maak'a' naru tixb'aanu xjunes rib'; ka'ajwi' li naril chi xb'aanunkil li Yuwa'b'ej, a'an li naxb'aanu li K'ajolb'ej. Li naxb'aanu li Yuwa'b'ej, a'an ajwi' naxb'aanu li K'ajolb'ej.

San Mateo 27:63

ut ke'xye re: —Wa', xnaqk sa' qach'ool naq laj b'alaq' a'an kixye naq toj yo'yo: «Sa' rox li kutan tinwakliiq wi' chik chi yo'yo».

San Mateo 16:21

Chalen utan li Jesus kixtikib' xk'utb'al chiruheb' li xtzolom naq tento taaxik Jerusalén ut naab'al li rahilal tixk'ul sa' ruq'eb' li cheekel winq, li xb'eenileb' aj tij ut eb' laj tz'iib'; kixye ajwi' naq taakamsiiq ut taawakliiq chi yo'yo sa' rox li kutan.

Hechos 6:14

Xb'aan naq xqab'i chi xyeeb'al naq li Jesus, a' laj Nazaret neke'xye, tixjuk' li na'ajej a'in ut tixjal ru li xe'toonil na'leb' kooxchaq'rab'i wi' laj Moisés, chankeb'.