San Juan 19:6 - Q'eqchi Bible

⁶ Naq eb' li xb'eenil aj tij ut eb' laj k'aak'alenel ke'ril li Jesus, ke'xjap re chi xyeeb'al: —K'e chiru krus, k'e chiru krus! Kixye laj Pilaat reheb': —K'amomaq laa'ex ut k'ehomaq chiru krus, xb'aan naq laa'in maajun xmaak nintaw.

Li Santil hu

⁶ Eb li nequeꞌcꞌacꞌalen saꞌ li templo ut eb li xbe̱nil aj tij queꞌril li Jesús ut queꞌxjap reheb ut queꞌxye: —¡Qꞌue chiru cruz! ¡Qꞌue chiru cruz! chanqueb. Ut laj Pilato quixye reheb: —Cꞌamomak la̱ex ut qꞌuehomak chiru cruz cui te̱raj. La̱in ma̱ jun lix ma̱c xintau, chan.

San Juan 19:6 ပူးပေါင်းရင်းမြစ်များ

San Juan 18:31

Toja' naq laj Pilaat kixye reheb': —K'amomaq laa'ex ut raqomaq aatin sa' xb'een jo' naxye leechaq'rab'. Ke'chaq'ok eb' laj Judiiy ut ke'xye re: —Laa'o maajun naru naqakamsi.

San Juan 19:4

Ki'elk wi' chik laj Pilaat chirix kab'l ut kixye reheb': —Ilomaq, tink'am chaq chirix kab'l re teenaw naq maajun xmaak nintaw.

Hechos 7:52

Ma wank junaq propeet li ink'a' xik' ki'ile'k xb'aaneb' leena' leeyuwa'? Eb' a'an ke'xkamsi li yookeb' chaq chi xyeeb'al resil chi junxilaj li xk'ulunik li Tiik xch'ool, a' li xeq'axtesi ut xekamsi laa'ex anaqwan.

Hechos 2:23

Li winq a'in kiq'axtesiik sa' eeruq' jo' chanru kiraj li Yos ut kixk'oxla chi junxilaj, ut laa'ex keklawxi chiru krus ut kek'e chi kamsiik rik'in ruq'eb' li maak'a'eb' xpaab'aal.

San Juan 19:15

Ut eb' a'an ke'xjap re: —Isi chiqu, isi chiqu! K'e chiru krus! chankeb'. Kixye laj Pilaat reheb': —Ma a' leerey tink'e chiru krus? Ke'chaq'ok li xb'eenileb' aj tij ut ke'xye: —Maak'a' qarey, ka'ajwi' laj César.

San Lucas 23:4

Toja' naq kixye laj Pilaat reheb' li xb'eenil aj tij ut eb' li tenamit: —Laa'in maajun maak nintaw rik'in li winq a'in.

San Mateo 27:24

Kiril laj Pilaat naq maak'a' na'ok wi' ut jun mululij ib' yo chi tiklaak; toja' naq kixpatz' xch'ajleb', kixch'aj li ruq' chiruheb' li tenamit ut kixye: —Maak'a' inmaak laa'in rik'in xkik'el li tiikil winq a'in. Laa'ex yaal eere sa' xb'een.

San Mateo 27:22

Ut laj Pilaat kixpatz' reheb': —K'a' put ru tinb'aanu re li Jesus, a' li Kriist nayeemank re? Ke'xye chixjunileb': —Chik'ehe'q chiru krus.

San Mateo 26:58

Laj Pedro najt rik'in naq yo chi xtaaqenkil, toj kiwulak sa' rochoch li xyuwa'il aj tij. Ut naq kox'okaq, kik'ojlaak sa' xyanqeb' li moosej re rilb'al k'aru taakanaaq wi'.

San Juan 18:3

Kiwulak laj Judas aran rochb'eeneb' jun teepeb' aj puub' ut rochb'eeneb' laj k'aak'alenel taqlanb'ileb' chaq xb'aaneb' li xb'eenil aj tij ut xb'aaneb' laj Pariseey. Wankatqeb' chaq xxam sa' ruq'eb' ut sa' ru'ujatq che', ut wankeb' ajwi' xch'iich'eb'.

San Juan 18:38

Laj Pilaat kixye re: —K'aru li yaal? Ut naq kixye a'in, ki'elk wi' chik chirix kab'l wankeb' wi' laj Judiiy ut kixye reheb': —Laa'in maajun xmaak nintaw.