San Juan 19:20 - Q'eqchi Bible

²⁰ Li eetalil a'in naab'aleb' laj Judiiy ke'ilok re, xb'aan naq li na'ajej b'arwi' kik'ehe'k chiru krus li Jesus nach' wank rik'in li tenamit; ut tz'iib'anb'il a'an sa' aatinob'aal hebreo, latín ut griego.

Li Santil hu

²⁰ Nabaleb laj judío queꞌril li retalil li quitzꞌi̱ba̱c, xban nak li naꞌajej li quiqꞌueheꞌ cuiꞌ chiru cruz li Jesús nachꞌ cuan riqꞌuin li tenamit. Li retalil tzꞌi̱banbil saꞌ eb li a̱tinoba̱l hebreo, griego ut latín.

San Juan 19:20 ပူးပေါင်းရင်းမြစ်များ

Apocalipsis 16:16

Toja' naq eb' li oxib' chi tz'ajn aj musiq'ej ke'xch'utub' li awab'ej sa' jun li na'ajej, Armakedón xk'ab'a', sa' aatinob'aal hebreo.

Hechos 26:14

Chiqajunilo koot'ane'k chiru ch'och' ut kiwab'i jun xyaab' kuxej yo chi xyeeb'al we sa' aatinob'aal hebreo: «At Saúl, at Saúl, k'a'ut naq xik' nikinaawil? Q'axal ch'a'aj cho'q aawe xlapb'al chawoq li topleb'».

Hechos 22:2

Naq ke'rab'i naq yo chi raatinankileb' sa' aatinob'aal hebreo, q'axal chik ch'anaamil ke'kanaak. Ut laj Pablo kixye:

Hechos 21:40

Kikanab'aak chi aatinak, ut laj Pablo, xaqxo sa' li taqleb'aal, kixtaqsi li ruq' re naq me'choqink chik li tenamit. Naq ch'anaamil ke'kanaak, laj Pablo ki'ok chi aatinak sa' aatinob'aal hebreo ut kixye reheb':

Hechos 21:37

Okeb' raj re chi roksinkil sa' li wartel naq kixye laj Pablo re li xjolomileb' laj puub': —Ma truuq tinye jun t'orolaq li waatin aawe? Kichaq'ok a'an ut kixye: —Chanru nakanaw aatinak sa' aatinob'aal griego?

San Juan 19:13

Naq laj Pilaat kirab'i eb' li aatin a'in, kixk'am li Jesus chirix kab'l ut kixk'e chi k'ojlaak sa' li raqleb'aal aatin, sa' li na'ajej “Pekunb'il Neb'aal” xk'ab'a', Gabatá nayeemank re sa' aatinob'aal hebreo.

San Juan 5:2

Aran Jerusalén, chi xk'atq li Rokeb'aaleb' li Karneer, wank jun li tz'akanb'il ha', Betesda xk'ab'a' sa' aatinob'aal hebreo; oob' chi muheb'aal wankeb' chire.

Apocalipsis 9:11

Li xjolomileb' a'in a'an li x'ánjel li Siwan, a' li naxk'ab'a'in Abadón sa' hebreo ut Apolión sa' griego (naraj naxye: “aj Sachonel”).

Hebreos 13:12

Jo'kan ajwi' li Jesus kixk'ul li rahilal toj junpak'al rokeb'aal li tenamit, re xsantob'resinkil li xtenamit rik'in li xkik'el.

San Lucas 23:38

Wank ajwi' sa' xb'een li Jesus jun li eetalil tz'iib'anb'il chi jo'ka'in: “A'an a'in li xReyeb' laj Judiiy”.

San Juan 19:42

Aran ke'xk'e li Jesus, xb'aan naq nach' wank ut ak tiklaak re li hilob'aal kutan.