San Juan 19:11 - Q'eqchi Bible

¹¹ Kichaq'ok li Jesus ut kixye: —Maak'a' raj aawankil sa' inb'een, wi ta ink'a' k'eeb'il chaq aawe taqe'q; jo'kan naq q'axal nim xmaak li xq'axtesink we sa' laawuq'.

Li Santil hu

¹¹ Li Jesús quixye re: —Ma̱cꞌaꞌ raj a̱cuanquil saꞌ inbe̱n cui ta incꞌaꞌ qꞌuebil a̱cue xban li Dios. Ut li jun li xkꞌaxtesin cue saꞌ a̱cuukꞌ re nak tatrakok a̱tin saꞌ inbe̱n, aꞌan kꞌaxal cuiꞌchic nim xma̱c cha̱cuu la̱at, chan.

San Juan 19:11 ပူးပေါင်းရင်းမြစ်များ

Romanos 13:1

Chexpaab'anq chejunilex chiruheb' li wankeb' xwankil sa' qab'een, xb'aan naq maa'ani wank xwankil chi ink'a' ta k'eeb'il re xb'aan li Yos, ut eb' li wankeb' xwankil, a' li Yos kixaqab'ank reheb'.

San Juan 3:27

Kichaq'ok laj Jwan ut kixye: —Maak'a' truuq taareechani junaq, wi ink'a' ta k'eeb'il chaq re sa' choxa.

Hechos 2:23

Li winq a'in kiq'axtesiik sa' eeruq' jo' chanru kiraj li Yos ut kixk'oxla chi junxilaj, ut laa'ex keklawxi chiru krus ut kek'e chi kamsiik rik'in ruq'eb' li maak'a'eb' xpaab'aal.

Daniel 4:17

A'an a'in li raqb'a aatin xxaqab'aak xb'aaneb' laj santil k'aak'alenel, re naq taanawmanq xb'aaneb' chixjunileb' li poyanam naq li Nimajwal Yos nataqlank sa' xb'eeneb' li x'awab'ejihom li ruuchich'och': naxk'e xwankil li naraj wi' xk'eeb'al ut naxterq'usi xloq'al li jwal kub'enaq xwankil sa' xyanqeb' chixjunil li poyanam».

Hechos 3:13

Li xYos laj Abrahán, laj Isahak ut laj Jakob, li xYos eb' li qana' qayuwa' xnima xloq'al li Jesus li xmoos. Laa'ex xexq'axtesink re a'an ut xetz'eqtaana chiru laj Pilaat naq kiraj rach'ab'ankil.

San Juan 7:30

Ke'raj raj xchapb'al, ab'an maa'ani kixtaqsi li ruq' sa' xb'een, xb'aan naq toj maji' nawulak li xhonalil.

Santiago 1:17

chixjunil li usilal k'eeb'il qe ut chixjunil li qamaatan li tz'aqal re ru, taqe'q nachalk chaq, ut nakub'e chaq rik'in li xYuwa'ileb' li chahim, li ink'a' najalaak chi moko naq'oqyino'k ru.

Daniel 4:25

Tat-isiiq sa' xyanqeb' li poyanam ut tatwanq sa' xyanqeb' li k'iche'il xul; tattzekanq ichaj jo'eb' li wakax ut tatxt'aqresi li xchu'ke. Jo'ka'in naq tatwanq chiru wuqub' chihab', toj reetal taataw ru naq li Nimajwal Yos a'an li nataqlank sa' xb'eeneb' li x'awab'ejihom li ruuchich'och' ut naxk'e xwankil li naraj wi' xk'eeb'al.

San Mateo 6:13

Ut moohaakanab' chi t'ane'k sa' li aaleek, choohaakol b'an chiru li maa'us».

Santiago 4:17

Ani naxnaw xb'aanunkil li us ut ink'a' naxb'aanu, a'an wank xmaak.

Romanos 11:36

Xb'aan naq chixjunil nachalk rik'in li Yos ut nawank sa' xk'ab'a' A'an ut cho'q re A'an. Rehaq taxaq li loq'al chi junelik q'e kutan! Jo'kan taxaq.

Hechos 4:28

Chi jo'kan xe'xb'aanu li ak k'uub'k'u chaq aab'aan rik'in xnimal aawankil ut aana'leb'.

San Mateo 27:2

Ut naq ke'xb'ak', ke'xk'am ut koxe'xq'axtesi sa' ruq' laj Pilaat, ruuchil li awab'ej.

Salmos 62:11

Meekawub'resi eech'ool rik'in li rahob'tesink, miwank xnimal eeroyb'enihom rik'in li elq'ak; us ta taatamq leeb'ihomal, ab'an mixik eech'ool chirix a'an.

San Marcos 14:44

Li taaq'axtesinq re kixk'e li eetalil a'in reheb': “A' li tintz'ub' ru, a'an a'an. Chapomaq ut teek'am sa' yaal”.

Daniel 5:21

Ki'isiik sa' xyanqeb' li poyanam ut kiwank jo' junaq xul; kiwank chaq sa' xyanqeb' li k'iche'il xul ut kiwa'ok pim jo'eb' li wakax. Kit'aqresiik xb'aan li xchu'ke, toj reetal kixk'e reetal naq li Nimajwal Yos a'an li nataqlank sa' xb'eeneb' li x'awab'ejihom li ruuchich'och' ut naxk'e xwankil li naraj wi' xk'eeb'al.

Daniel 4:32

Tat-isiiq sa' xyanqeb' li poyanam ut tatwanq sa' xyanqeb' li k'iche'il xul; tattzekanq ichaj jo'eb' li wakax ut jo'kan tatwanq chiru wuqub' chihab', toj reetal taataw ru naq li Nimajwal Yos a'an li nataqlank sa' xb'eeneb' li x'awab'ejihom li ruuchich'och' ut naxk'e li wankilal re li ani naraj wi' xk'eeb'al”.

San Juan 18:3

Kiwulak laj Judas aran rochb'eeneb' jun teepeb' aj puub' ut rochb'eeneb' laj k'aak'alenel taqlanb'ileb' chaq xb'aaneb' li xb'eenil aj tij ut xb'aaneb' laj Pariseey. Wankatqeb' chaq xxam sa' ruq'eb' ut sa' ru'ujatq che', ut wankeb' ajwi' xch'iich'eb'.

San Juan 9:41

Kixye li Jesus reheb': —Wi ta mutz'ex, maak'a' raj eemaak; ab'anan nekeye: «Nokoo'ilok»; jo'kan naq leemaak toj wank sa' eeb'een.

San Lucas 22:53

Rajlal kutan xinwank chaq sa' eeyanq sa' rochoch li Yos, ut ink'a' xetaqsi chaq leeruq' chinchapb'al; ab'anan a'an a'in leehonal, naq nanumtaak xwankil li aak'ab'.

Daniel 4:35

Chiru A'an maak'a' neke'ok wi' eb' li poyanam sa' ruuchich'och'. Naxb'aanu li k'aru naraj rik'ineb' li wankeb' sa' choxa jo' ajwi' rik'ineb' li wankeb' sa' ruuchich'och'; maajun naxkuy wank chiru ut maa'ani taapatz'oq re k'a'ut naq naxb'aanu chi jo'kan.

Lamentaciones 3:37

Maa'ani naru tixb'aanu li k'aru ak xyehom, wi li Qaawa' ink'a' xyehok re.

San Mateo 26:65

Toja' naq li xyuwa'il aj tij kixq'ich li raq' ut kixye: —Xmajewa li Yos! K'a' chik te'ok wi' qe li testiiw? Xerab'i anaqwan, xmajewa li Yos.

Salmos 39:9

Chakuy chasach chixjunil linmaak, minaak'e chi se'eek xb'aaneb' li maak'a'eb' xna'leb'.

1 Crónicas 29:11

Aawe, at Qaawa', li wankilal, li q'axok u, li loq'oniik, li loq'al ut li nimaak u, xb'aan naq aawe jo'nimal wank sa' choxach'och'. Aawe ajwi' li awab'ejink, xb'aan naq laa'at li jwal nim laawankil sa' xb'een chixjunil, at Qaawa'.

San Juan 18:13

ut ke'xk'am xb'enwa rik'in laj Anás xb'aan naq a'an xyuwa' li rixaqil laj Kaifás, a' li xyuwa'il aj tij sa' li chihab' a'an.

San Juan 19:10

Toja' naq laj Pilaat kixye re: —Ma ink'a' nikinaachaq'b'e laa'in? Ma ink'a' nakanaw naq wank inwankil chawach'ab'ankil ut wank ajwi' inwankil chak'eeb'al chiru krus?