San Juan 18:20 - Q'eqchi Bible

²⁰ Kichaq'ok li Jesus ut kixye reheb': —Laa'in xin'aatinak chi kutankil chiruheb' li tenamit; junelik xeb'intzol sa' li ch'utleb'aal kab'l ut sa' rochoch li Yos, b'arwi' neke'ch'utlaak chixjunileb' laj Judiiy, ut maak'a' xinye chi muqmu.

Li Santil hu

²⁰ Li Jesús quixye re: —Junelic xinchꞌolob lix ya̱lal chiruheb li tenamit saꞌ eb li cab li nequeꞌxchꞌutub cuiꞌ ribeb laj judío ut saꞌ li templo. Ma̱cꞌaꞌ xinye reheb chi mukmu.

San Juan 18:20 ပူးပေါင်းရင်းမြစ်များ

San Juan 7:26

K'ehomaq reetal: yo chi aatinak chi kutankil ut maak'a' neke'xye re. Malaj ut eb' li xb'eenil xe'xnaw chi tz'aqal naq a'an li Kriist?

San Mateo 4:23

Li Jesus kixb'eeni chixjunil Galilea, yo chi xtzolb'aleb' sa'atqeb' li xch'utleb'aal kab'l. Naxpuktesi li xchaab'il esil li xnimajwal wankilal li xchoxa ut naxk'irtasi chixjunil li rahilal ut yajel sa' xyanqeb' li tenamit.

Isaías 48:16

Jilonqex chaq chink'atq ut ab'ihomaq a'in: Chalen chaq sa' xtiklajik maak'a' xinye chi muqmu; ut naq yo chi k'ulmank chixjunil a'in, wankin aran laa'in. Ut anaqwan laa'in, li Qaawa' Yos, xintaqlank chaq re rik'in xwankil linmusiq'”.

San Lucas 21:37

Li Jesus naxtzoleb' sa' rochoch li Yos chi kutan, ut chi q'eq naxik chi hilank chiru ke sa' xb'een li tzuul Olivos xk'ab'a';

San Juan 7:4

xb'aan naq maajun naxb'aanu xk'anjel sa' muqmu, wi a'an naraj taanawe'q ru. Wi nakab'aanu a'in, k'ut aawib' chiru li ruuchich'och'.

San Lucas 4:15

Naxtzoleb' sa'atqeb' li xch'utleb'aal kab'l ut nak'eemank xloq'al xb'aaneb' chixjunil.

San Mateo 26:55

Ut sa' li honal a'an kixye li Jesus reheb' li tenamit: —Ma jo' nachape'k junaq aj elq' naq xexchalk chinchapb'al rik'in ch'iich' ut che'? Rajlal kutan k'ojk'ookin chaq sa' rochoch li Yos cheetzolb'al, ut ink'a' xineechap.

San Mateo 9:35

Li Jesus kixb'eeni chixjunileb' li tenamit ut k'aleb'aal, yo chi xtzolb'aleb' sa'eb' li xch'utleb'aal kab'l. Kixpuktesi li xchaab'il esil li xnimajwal awab'ejihom li Yos ut kixk'irtasi chixjunil li rahilal ut chixjunil li yajel.

Isaías 45:19

Ink'a' xin'aatinak sa' hasb' chi moko sa' junaq muqmuukil na'ajej. Moko xinye ta reheb' li ralal xk'ajoleb' laj Jakob: «Sik'omaqin b'arwi' maak'a' wank». Laa'in li Qaawa' li nin'aatinak chi tz'aqal yaal, ut tiikil aatin ninye.

San Juan 8:26

Naab'al raj naru tinye cherix li tinraqoq wi' aatin, ab'an li kitaqlank chaq we a'an paab'ajel; ut li k'aru kiwab'i chaq rik'in, a'an li ninye re li ruuchich'och'.

San Juan 8:2

Toj eq'la kiwulak wi' chik sa' rochoch li Yos, ut chixjunil li tenamit ke'wulak rik'in: kik'ojlaak ut ki'ok chi xtzolb'aleb'.

San Juan 7:28

Toja' naq li Jesus, naq yo chi xtzolb'aleb' li tenamit sa' rochoch li Yos, kixye chi kaw xyaab' xkux: —Yaal naq nekenaw wu ut nekenaw b'ar xinchalk chaq, ab'an ink'a' xinchalk injunes wib', wank b'an li tz'aqal kitaqlank chaq we, a' li ink'a' nekenaw ru laa'ex.

San Juan 7:14

Sa' xyiitoq li ninq'e kitaqe'k li Jesus sa' rochoch li Yos ut ki'ok chi xtzolb'aleb' li tenamit.

San Mateo 26:65

Toja' naq li xyuwa'il aj tij kixq'ich li raq' ut kixye: —Xmajewa li Yos! K'a' chik te'ok wi' qe li testiiw? Xerab'i anaqwan, xmajewa li Yos.

Hechos 26:26

Li awab'ej naxnaw chi us chixjunil a'in; jo'kan naq nin'aatinak chiru a'an chi maak'a' inxiw. Ch'olch'o chiwu naq naxnaw li yookin chi xyeeb'al, xb'aan naq moko xk'ulmank ta sa' loot'.

San Mateo 24:26

Wi ut te'xye eere: «Ilomaq, wank sa' chaqich'och'», mexxik; malaj te'xye: «Wank sa' kab'l le'», meepaab'.

Salmos 40:9

naq tento tinb'aanu laawajom. At inYos, k'ajo' naq nasaho'k linch'ool chapaab'ankil, wank laaChaq'rab' sa' li waanm chi junelik.

Salmos 22:22

Chinaakol taxaq sa' reheb' li kaqkoj; q'axal toq'ob' wu naq wankin sa' xxukub'eb' li josq' aj wakax.

San Marcos 8:32

Naxye a'in chi kutankil. Toja' naq laj Pedro kirisi xjunes li Jesus ut ki'ok chi xq'usb'al.

San Juan 6:59

Chixjunil a'in kixye li Jesus naq yo chi xtzolb'aleb' sa' li ch'utleb'aal kab'l aran Kafarnaúm.

San Juan 18:21

K'a'ut naq nakatpatz'ok we? Patz'on reheb' li xe'ab'ink re li xinye reheb'. A'aneb' neke'xnaw k'aru xinye.