San Juan 17:3 - Q'eqchi Bible

³ A'an a'in li junelik yu'am: naq te'xnaw aawu laa'at li junat chi tz'aqal Yos ut li xataqla chaq, li Jesus a' li Kriist.

Li Santil hu

³ Li junelic yuꞌam, aꞌan nak teꞌxnau a̱cuu la̱at li junajat chi tzꞌakal Dios ut teꞌxnau ajcuiꞌ cuu la̱in li Jesucristo li quina̱takla chak.

San Juan 17:3 ပူးပေါင်းရင်းမြစ်များ

1 Juan 5:20

Ab'an naqanaw ajwi' naq li Ralal li Yos kik'ulunk ut kixk'e qana'leb' re naq chiqanaw ru li tz'aqal Yos. Ut laa'o wanko rik'in li tz'aqal Yos, rik'in li Ralal, a' li Jesukriist. A'an a'in li tz'aqal Yos ut li junelik yu'am.

San Juan 17:25

“At inYuwa', q'axal tiik laach'ool, li ruuchich'och' ink'a' xnawom aawu; a'ut laa'in xinnaw aawu ut eb' a'in xe'xnaw naq laa'at xattaqlank chaq we.

San Juan 3:17

Xb'aan naq li Yos ink'a' kixtaqla chaq li Ralal sa' ruuchich'och' chi raqok aatin sa' xb'een li ruuchich'och', re b'an naq chikole'q li ruuchich'och' sa' xk'ab'a' a'an.

Oseas 6:3

Qasik'aq li Qaawa', qayalaq qaq'e chi xnawb'al ru. Relik chi yaal naq taachalq qik'in jo' naq nahik'e'k li kutan; taachalq qik'in jo' naq li hab' naxt'aqresi li ch'och' sa' li hab'alq'e”.

1 Juan 4:6

A'ut laa'o reho li Yos. Ani naxnaw ru li Yos, a'an nokoorab'i; ut li moko re ta li Yos, a'an ink'a' nokoorab'i. A'in naqanaw wi' ru li xmusiq' li yaal ut li b'alaq' aj musiq'ej.

1 Crónicas 28:9

Ut laa'at Salomón, at walal, chanaw ru li xYos laayuwa' ut tatk'anjelaq chiru chi chaab'il ut chi anchal aach'ool, xb'aan naq li Qaawa' nalajxtz'ili li xch'ool chixjunileb' ut ch'olch'o chiru li xk'a'uxl ut xna'leb' li junjunq. Wi laa'at taasik' li Yos, a'an tixk'ut rib' chawu; ab'an wi taatz'eqtaana, a'an tatxtz'eqtaana ajwi' laa'at chi junajwa.

San Juan 17:23

wanqin rik'ineb' ut laa'at wik'in re naq tz'aqalaqeb' re ru sa' li junajil ut chixnaw li ruuchich'och' naq laa'at xattaqlank chaq we ut xaraheb' jo' naq xinaara laa'in.

Isaías 61:1

Li xMusiq' li Qaawa' wank sa' inb'een xb'aan naq li Yos xinxyul ut xinxtaqla chaq chi xyeeb'al li Chaab'il Esilal reheb' li neb'a', re xk'ojob'ankil xch'ooleb' li ra wankeb', re xpuktesinkil resil li kolb'a ib' reheb' li wankeb' sa' tz'alam ut li rach'ab'ankileb' li wankeb' chi tz'aptz'o;

San Juan 17:21

re naq junaqeb' ta chixjunileb'. Jo' naq laa'at, at inYuwa', wankat wik'in ut laa'in aawik'in, jo'kan ajwi' junaqeb' ta a'an qik'in re naq tixpaab' li ruuchich'och' naq laa'at xattaqlank chaq we.

San Juan 3:34

Xb'aan naq li taqlanb'il chaq xb'aan li Yos na'aatinak jo' na'aatinak li Yos, xb'aan naq naxk'e li Musiq'ej chi ink'a' b'isb'il.

2 Corintios 4:6

Xb'aan naq li Yos li kiyehok: “Chilemtz'unq li saqenk sa' li aak'ab'”, a'an ajwi' xk'ehok chi lemtz'unk li saqenk sa' li qach'ool re naq taakutano'q li xloq'al li Yos li nalemtz'unk sa' xnaq' ru li Kriist.

2 Ts 1:8

rik'in raq'xam, ut taa'eeqajunq sa' xb'eeneb' li ink'a' neke'xnaw ru li Yos, eb' li ink'a' neke'xpaab' li xChaab'il Esil li Qaawa' Jesus.

San Juan 17:8

xb'aan naq eb' li aatin xak'eheb' we xink'e reheb', ut eb' a'an xe'xk'ul ut xe'xnaw chi tz'aqal yaal naq aawik'in xin'elk chaq, jo' ajwi' xe'xpaab' naq laa'at xattaqlank chaq we.

San Juan 14:26

Ab'an laj K'ojob'anel ch'ool, a' li Santil Musiq'ej li tixtaqla chaq li Yuwa'b'ej sa' ink'ab'a', a'an textzol chirix chixjunil ut tixjultika eere chixjunil li xinye eere.

San Juan 8:19

Toja' naq ke'xye re: —B'ar wank laaYuwa'? Kichaq'ok li Jesus ut kixye: —Ink'a' nekenaw wu chi moko nekenaw ru linYuwa'; wi ta nekenaw wu, nekenaw raj ajwi' ru linYuwa'.

1 Corintios 15:34

Ajsihomaq eeru jo' xk'ulub', ut mexmaakob'k chik xb'aan naq wank wankeb' sa' eeyanq li ink'a' neke'xnaw ru li Yos. Re xk'utb'al eexutaan naq ninye a'in eere.

Isaías 53:11

Sa' xk'ab'a' li k'iila rahilal kixk'ul taaril li saqenk ut taak'ojlaaq li xch'ool. Rik'in li xnawom, laj K'anjel chiwu naab'aleb' tixtiikob'resiheb' xch'ool, xb'aan naq xriiqani li xmaakeb' a'an.

1 Ts 1:9

Eb' a'an ajwi' neke'xye qesil: neke'xseeraq'i chanru naq xooheek'ul chaq ut chanru naq xekanab'eb' li yal k'oxlanb'il yos ut xeq'axtesi eerib' re li Yos re k'anjelak chiru li yo'yookil ut tz'aqal Yos,

Jeremías 10:10

A'ut li Qaawa' a'an li tz'aqal Yos: A'an li yo'yookil Yos ut li Rey wank chi junelik. Naq najosq'o'k li Qaawa', nahich'hotk li ruuchich'och'; ut eb' li tenamit ink'a' neke'xkuy li xjosq'il li Yos.

Isaías 48:16

Jilonqex chaq chink'atq ut ab'ihomaq a'in: Chalen chaq sa' xtiklajik maak'a' xinye chi muqmu; ut naq yo chi k'ulmank chixjunil a'in, wankin aran laa'in. Ut anaqwan laa'in, li Qaawa' Yos, xintaqlank chaq re rik'in xwankil linmusiq'”.

Salmos 9:10

Li Qaawa' naxk'aak'ale li rahob'tesinb'ileb', a'an li nak'aak'alenk reheb' sa' xq'ehil li rahilal.

San Juan 10:36

k'a'ut naq chiwix laa'in li kinxsantob'resi li Yuwa'b'ej ut kinxtaqla chaq sa' ruuchich'och' nekeye naq ninmajewa li Yos xb'aan naq xinye: «Ralalin li Yos»?

San Juan 7:29

Laa'in ninnaw ru xb'aan naq rik'in ninchalk chaq ut a'an kitaqlank chaq we.

San Juan 6:57

Jo' naq li yo'yookil Yuwa'b'ej kitaqlank chaq we ut laa'in yo'yookin sa' xk'ab'a' li Yuwa'b'ej, jo'kan ajwi' li taatzekanq we yo'yooq sa' ink'ab'a'.

2 Crónicas 15:3

Chiru k'iila chihab' eb' laj Israel ke'wank chi maak'a' tz'aqal xYoseb', maak'a' junaq aj tij natzolok reheb' ut maak'a' li chaq'rab'.

San Juan 5:44

Chanru naq wanq eepaab'aal laa'ex li nekek'ul eeloq'al cherib'il eerib' ut ink'a' nekesik' li loq'al nachalk rik'in li jun chi Yos?

San Juan 11:42

Ak ninnaw laa'in naq junelik nikinaawab'i, ab'anan xinye a'in xb'aaneb' li tenamit neke'sutuk we, re naq te'xpaab' naq laa'at kattaqlank chaq we.

San Lucas 9:48

ut kixye reheb': —Ani taak'uluq re li ch'ina'al a'in sa' ink'ab'a', laa'in tinxk'ul; ut li ani taak'uluq we, tixk'ul li kitaqlank chaq we, xb'aan naq li jwal kach'in sa' eeyanq chejunilex, a'an li nim.

San Marcos 9:37

—Ani taak'uluq re junaq ch'ina'al jo' a'in sa' ink'ab'a', laa'in tinxk'ul; ut li taak'uluq we, moko laa'in ta tinxk'ul, a' b'an li kitaqlank chaq we.

1 Corintios 8:4

Chirix xtzekankil li k'aru mayejanb'il chiruheb' li jalanil yos, laa'o naqanaw naq li jalanil yos maak'a' na'ok wi' sa' ruuchich'och', ut li Yos jun ajwi' chirib'il.

Proverbios 8:35

Xb'aan naq ani natawok we, naxtaw li yu'am, ut li Qaawa' naxk'ut li rusilal.

San Juan 17:18

Jo' naq laa'at xinaataqla chaq sa' ruuchich'och', jo'kan ajwi' laa'in xintaqlaheb' sa' ruuchich'och'.

Filipenses 3:8

A wi' chik a'in: chiwu laa'in chixjunil li k'a'aq re ru maak'a' na'ok wi' sa' xk'ab'a' li xnimal xloq'al xnawb'al ru li Kristo Jesus, linQaawa'. Sa' xk'ab'a' a'an xintz'eq chirix inch'ool chixjunil li k'a'aq re ru ut yal mul aj chik naq nawil, re naq tweechani li Kriist

Filipenses 3:10

Nawaj xnawb'al ru li Kriist ut li xwankil li xwaklijik chi yo'yo, nawaj ajwi' tz'aqonk sa'eb' li xrahilal: chi jo'kan, juntaq'eetanb'ilaqin rik'in A'an sa' li xkamik,

Hebreos 3:1

Jo'kan utan, ex was wiitz'in, laa'ex li santex ut nekextz'aqonk rik'in li xchoxahil b'oqom li Qaawa', chek'e eech'ool chi xk'oxlankil li Jesus, a'an li apóstol ut xyuwa'il aj tij sa' li qapaab'aal.

2 Pedro 1:2

Chiwanq taxaq chi numtajenaq eerik'in li usilal ut li tuqtuukilal sa' xk'ab'a' xnawb'al ru li li Yos jo' ajwi' li Jesukriist, li Qaawa'.

2 Pedro 1:3

Li xnimal xwankil li Kriist kixsi qe chixjunil li nak'anjelak sa' li qayu'am ut sa' li qapaab'aal, sa' xk'ab'a' xnawb'al ru li Yos li kib'oqok chaq qe rik'in li xloq'al ut li rusilal.

2 Pedro 1:8

Wi wank li k'a'aq re ru a'in eerik'in ut chi numtajenaq, moko texwanq ta chi maak'a' rajb'al leeyu'am, chi moko chi ink'a' ta taa'uuchinq li xnawb'al ru li Jesukriist, li Qaawa'.

1 Juan 1:2

xb'aan naq kixk'ut rib' li yu'am: laa'o qilom ut nokoo'aatinak chirix, ut naqaye resil eere li junelik yu'am li kiwank chaq rik'in li Yuwa'b'ej ut kixk'ut rib' chiqu--,

1 Juan 1:3

a' li qilom ut qab'ihom, a'an naqaye resil eere, re naq laa'ex ajwi' wanqex sa' komonil qik'in. Ut laa'o wanko sa' komonil rik'in li Yuwa'b'ej ut li Ralal, a' li Jesukriist.

1 Juan 2:23

Chixjunil li ink'a' nach'olob'ank chirix li K'ajolb'ej, a'in maak'a' li Yuwa'b'ej rik'in; ab'an li nach'olob'ank chirix li K'ajolb'ej, wank li Yuwa'b'ej rik'in.