San Juan 17:24 - Q'eqchi Bible

²⁴ “At inYuwa', eb' li xak'eheb' we nawaj naq wanqeb' wochb'een b'arwi' wanqin laa'in, re naq te'xka'ya linloq'al li xak'e chaq we, xb'aan naq xinaara rub'elaj xk'ojlajik li ruuchich'och'.

Li Santil hu

²⁴ At inYucuaꞌ, nintzꞌa̱ma cha̱cuu nak chixjunileb li xakꞌaxtesiheb cue teꞌcua̱nk cuiqꞌuin saꞌ li naꞌajej li tincua̱nk cuiꞌ la̱in. Nacuaj nak teꞌril lin lokꞌal li caqꞌue chak cue nak toj ma̱jiꞌ quiyi̱ba̱c li ruchichꞌochꞌ xban nak niquina̱ra.

San Juan 17:24 ပူးပေါင်းရင်းမြစ်များ

San Juan 17:5

At inYuwa', anaqwan chanima inloq'al chak'atq rik'in linloq'al kiwank chaq chak'atq naq toj maji' kiwank li ruuchich'och'.

San Juan 12:26

Wi ani naraj k'anjelak chiwu, chinxtaaqehaq, ut b'ar wanqin laa'in, aran ajwi' wanq laj k'anjel chiwu. Wi ani taak'anjelaq chiwu, taak'ehe'q xloq'al xb'aan li Yuwa'b'ej.

San Juan 14:3

Ut akaq xkohin ut xinkawresi chaq leena'aj, tinchalq wi' chik ut texink'am wik'in re naq b'ar wanqin laa'in, aran ajwi' wanqex laa'ex.

2 Corintios 4:6

Xb'aan naq li Yos li kiyehok: “Chilemtz'unq li saqenk sa' li aak'ab'”, a'an ajwi' xk'ehok chi lemtz'unk li saqenk sa' li qach'ool re naq taakutano'q li xloq'al li Yos li nalemtz'unk sa' xnaq' ru li Kriist.

1 Juan 3:2

Ex inrahom, ralal xk'ajolo li Yos anaqwan, ut maji' nak'utunk chankaq ta qu. Naqanaw chi us naq, jo'q'e taak'utunq a'an, chanchanaqo ajwi' li Yos, xb'aan naq toxqil ru A'an chi tz'aqal re ru.

Génesis 45:13

Yehomaq re linyuwa' chanru linwankil arin Ejiipt jo' ajwi' jo'ch'inal jo'nimal li xeril. Seeb'ahomaq eerib' ut k'amomaq chaq linyuwa' arin”.

2 Corintios 3:18

Chiqajunilo laa'o li naqajalam'uuchi xloq'al li Qaawa' jo' sa' junaq lem chi maak'a' xtz'apb'al li xnaq' qu, yooko chi jalano'k jo' tz'aqal A'an: rajlal yo chi k'ihank li qaloq'al; ut a'in naxb'aanu li Qaawa' xb'aan naq a'an Musiq'ej.

San Mateo 25:21

Ut laj eechal re kixye: «Us, chaab'il aj k'anjelat ut tiik aach'ool! Tiik aach'ool naq xatwank rik'in li b'a'b'ay, tink'e aawankil sa' xb'een naab'al chik. Tattz'aqonq sa' xsahilal xch'ool laj eechal aawe».

1 Ts 4:17

Aka' chik laa'o li yo'yooqo, li toj wanqo, toosaapuuq sa'eb' li choql qochb'eeneb' a'an re xk'ulb'al li Qaawa' sa' iq'; ut chi jo'kan wanqo junelik rik'in li Qaawa'.

San Lucas 12:37

Us xaq reheb' laj k'anjel tole'tawe'q chi yo'lek xb'aan laj eechal reheb' sa' xk'ulunik. Relik chi yaal ninye eere naq tixb'ak' li xsa', tixhiltasiheb' sa' meex ut taanume'q sa' xyanqeb' chi xk'eeb'aleb' chi tzekank.

Apocalipsis 3:21

«Li ani taaq'axoq u, tink'e chi k'ojlaak wik'in sa' linnimajwal k'ojarib'aal, jo' ajwi' laa'in xinq'axok u ut xink'ojlaak rik'in linYuwa' sa' li xnimajwal k'ojarib'aal.

1 Corintios 13:12

Anaqwan nokoo'ilok yal jo' sa' junaq lem moymoy ru, ab'anan sa' jun kutan toxqaka'ya li Yos jo' tz'aqal chanru na'ilok. Anaqwan kach'in ajwi' ninnaw, ab'anan sa' jun kutan toxinnaw ru, kama' naq li Yos naxnaw wu.

San Mateo 26:29

Ninye eere naq chalen anaqwan ink'a' chik twuk' xya'al li uub' toj sa' chik li kutan a'an naq a' chik li ak' b'iin twuk' wochb'eenex sa' li xnimajwal awab'ejihom linYuwa'.

San Mateo 25:34

“Toja' naq li Rey tixye reheb' li wanqeb' sa' xnim uq': «Kimqex laa'ex, osob'tesinb'ilex xb'aan linYuwa'! Eechanihomaq li nimajwal wankilal kawresinb'il cho'q eere chalen chaq sa' xk'ojlajik li ruuchich'och'.

Filipenses 1:23

Ka'pak'al naweek'a lintitz'b'al: nawaj raj tinq'ajq tinsutq'iiq re naq wanqin rik'in li Kriist, ut a'in tz'aqal li q'axal us.

2 Corintios 5:8

ab'an kaw li qach'ool ut naqaj raj xkanab'ankil li junxaqalil a'in re naq wanqo rik'in li Qaawa'.

San Lucas 23:43

Kixye li Jesus re: —Relik chi yaal ninye aawe naq hoon ajwi' wanqat wik'in sa' linloq'laj na'aj.

San Juan 1:14

Ut li Aatin kitz'ejwalo'k ut kixk'ojob' li xmuheb'aal sa' qayanq, ut laa'o xqaka'ya li xloq'al k'eeb'il re xb'aan li Yuwa'b'ej jo' xloq'al li jun chi K'ajolb'ej nujenaq chi usilal ut chi yaal.

Apocalipsis 21:22

Ab'anan ink'a' kiwil li rochoch li Yos sa' li tenamit, xb'aan naq li Qaawa', li Nimajwal Yos, jo' ajwi' li Karneer a'aneb' li Santil Ochoch aran.

San Mateo 25:23

Ut laj eechal re kixye re: «Us, chaab'il aj k'anjelat ut tiik aach'ool! Tiik aach'ool naq xatwank rik'in li b'a'b'ay, tink'e aawankil sa' xb'een naab'al chik. Tattz'aqonq sa' xsahilal xch'ool laj eechal aawe».

San Juan 6:37

Chixjunil ani tixk'e we li Yuwa'b'ej taachalq wik'in, ut li taachalq wik'in ink'a' tintz'eqtaana.

San Juan 6:39

Ut a'an a'in li rajom li kitaqlank chaq we: naq chixjunil li xk'ehom we ink'a' taasachq chiwu, tinwaklesi b'an chi yo'yo sa' roso'jikeb' li kutan.

San Juan 8:58

Kixye li Jesus reheb': —Relik chi yaal ninye eere: toj maji'aq nayo'laak laj Abrahán, ak Laa'inin chaq.

San Juan 15:9

Jo' naq xinxra li Yuwa'b'ej, jo'kan ajwi' naq xexinra laa'in. Kanaaqex sa' linrahom.

San Juan 17:2

ut, sa' xk'ab'a' li wankil aak'ehom re sa' xb'eeneb' chixjunil li yo'yookeb', tixk'e taxaq xjunelik yu'am chixjunileb' li xak'eheb' re.

San Juan 17:22

Laa'in xink'e reheb' linloq'al xak'e chaq we, re naq junaqeb' ta a'an, kama' laa'o juno ajwi':

1 Pedro 1:21

Sa' xk'ab'a' li Kriist nekepaab' li Yos, li kiwaklesink re chi yo'yo sa' xyanqeb' li kamenaq ut kixk'e xnimal xloq'al: ut chi jo'kan leepaab'aal ut leeroyb'enihom xaqxookeb' rik'in li Yos.