San Juan 17:12 - Q'eqchi Bible

¹² Naq toj wankin rik'ineb', rik'in xwankil laak'ab'a' xwileb' chaq li xak'eheb' we. Laa'in xink'aak'alenk reheb' ut maajun xsachk chiwu, ka'ajwi' li ak teneb'anb'il sa' xb'een li sachk, re naq chitz'aqloq ru li Santil Hu.

Li Santil hu

¹² Nak cuanquin saꞌ xya̱nkeb, riqꞌuin xnimal la̱ cuanquil xincuileb lin tzolom li xakꞌaxtesiheb cue ut ma̱ jun xsach chicuu. Caꞌaj cuiꞌ li jun xsach li ac qꞌuebil chak re sachc. Aꞌin xcꞌulman re nak ta̱tzꞌaklok ru li tzꞌi̱banbil saꞌ li Santil Hu.

San Juan 17:12 ပူးပေါင်းရင်းမြစ်များ

San Juan 18:9

A'in kik'ulmank re naq chitz'aqloq ru li aatin yeeb'il chaq xb'aan: “Maajun reheb' li xak'e we, xsachk chiwu”.

San Juan 13:18

“Ink'a' nin'aatinak cherix chejunilex. Laa'in ninnaw chi us ani li kinsik'eb' chaq ru; ab'anan tento taatz'aqloq ru li Santil Hu: «Li nawa'ok re linwa xtaqsi li roq ruq' sa' inb'een».

San Juan 6:37

Chixjunil ani tixk'e we li Yuwa'b'ej taachalq wik'in, ut li taachalq wik'in ink'a' tintz'eqtaana.

1 Juan 2:19

Sa' qayanq xe'elk, ab'an moko qakomoneb' ta; wi ta qakomoneb', xe'kanaak raj qik'in. Ab'an xk'ulmank a'an re naq taak'utunq naq moko qakomoneb' ta chixjunileb'.

Hechos 1:25

Laj Judas xooxkanab' ut xkoho sa' li xna'aj. Ani reheb' a'in taa'ok cho'q reeqaj sa' li xk'anjel chi apostolil?”.

2 Ts 2:3

Maa'ani chib'alaq'inq eere chi yalaq chan ta ru. Xb'enwa tento taawanq xtz'eqtaanankil li paab'ank; tento taawakliiq chaq li tz'aqal aj maak, li teneb'anb'il li sachk sa' xb'een,

Hebreos 2:13

Ut naxye ajwi': “Rik'in A'an kawaq inch'ool”. Naxye wi' chik: “We'ko arin, laa'in ut eb' li walal xk'eheb' we li Yos”.

Salmos 41:9

“Wank chik rub'el xwankil li xb'alb'a; jiljo anaqwan, ink'a' chik taawakliiq”, chankeb'.

San Juan 17:6

“Xink'ut anihat laa'at chiruheb' li winq li xawisiheb' sa' ruuchich'och' ut xak'eheb' we. Aaweheb' naq xe'wank ut xak'eheb' we, ut xe'xk'uula laawaatin sa' xch'ooleb'.

Filipenses 2:9

Jo'kan naq kitaqsiik xwankil xb'aan li Yos ut kixmaatani li k'ab'a'ej q'axal nim xloq'al chiruheb' chixjunil li k'ab'a'ej,

Apocalipsis 19:12

Li xsa' ru chanchan raq'xam; wank naab'al li koroon neke'lemtz'unk ru sa' xjolom ut tz'iib'anb'il jun li k'ab'a'ej chiru, ka'ajwi' a'an natawok ru.