San Juan 17:11 - Q'eqchi Bible

¹¹ “Ink'a' chik tinwanq sa' li ruuchich'och', a'ut eb' a'an wankeb' sa' ruuchich'och', ut laa'in xik we aawik'in. At inSantil Yuwa', rik'in xwankil laak'ab'a' chawileb' li xak'eheb' we, re naq junaqeb' a'an jo' naq juno laa'o chiqib'il.

Li Santil hu

¹¹ Anakcuan la̱in tinxic a̱cuiqꞌuin. Incꞌaꞌ chic tincua̱nk saꞌ ruchichꞌochꞌ. Abanan eb aꞌan toj teꞌcua̱nk saꞌ ruchichꞌochꞌ. At inYucuaꞌ, la̱at Santo. Chacuileb taxak riqꞌuin lix nimal la̱ cuanquilal li xakꞌaxtesiheb cue re nak junajak ruheb joꞌ la̱at ut la̱in junaj ku.

San Juan 17:11 ပူးပေါင်းရင်းမြစ်များ

San Mateo 6:9

Jo'ka'in naq textijoq laa'ex: «At qaYuwa' li wankat sa' choxa, santob'resinb'il taxaq laak'ab'a',

Proverbios 18:10

Li Qaawa' a'an chanchan li kawub'resinb'il ochoch: rik'in A'an neke'xkol rib' li tiikeb' xch'ool.

Hebreos 9:24

Xb'aan naq li Kriist ink'a' ki'ok sa' jun li santil na'ajej yiib'anb'il rik'in uq'ej, reetalil li tz'aqal yaal; ki'ok b'an tz'aqal sa' choxa re xk'utb'al rib' anaqwan chiru li Yos sa' qak'ab'a' laa'o.

Efesios 4:4

Jun ajwi' chi tz'ejwalej ut jun chi Musiq'ej, kama' naq jun ajwi' leeroyb'enihom b'oqb'ilex wi'.

Filipenses 2:9

Jo'kan naq kitaqsiik xwankil xb'aan li Yos ut kixmaatani li k'ab'a'ej q'axal nim xloq'al chiruheb' chixjunil li k'ab'a'ej,

San Juan 17:25

“At inYuwa', q'axal tiik laach'ool, li ruuchich'och' ink'a' xnawom aawu; a'ut laa'in xinnaw aawu ut eb' a'in xe'xnaw naq laa'at xattaqlank chaq we.

San Juan 13:1

Rub'elaj chaq xninq'ehinkil li Paswa naxnaw li Jesus naq xwulak xhonal naq taa'elq sa' li ruuchich'och' a'in ut taaq'axonq rik'in li Yuwa'b'ej. Jo' naq kixraheb' li xtzolom li wankeb' sa' ruuchich'och', kixraheb' chi tz'aqal re ru toj sa' roso'jik.

Hebreos 1:3

A'an a'in xrepom li xnimal xloq'al ut xjalam u li xYosilal. A'an nakuutunk re chixjunil rik'in xnimal xwankil li raatin, ut naq ak xch'ajob'resiheb' li tenamit chiru li maak, kik'ojlaak sa' xnim uq' li Nimajwal Yos toj taqe'q.

San Juan 16:33

Xinye a'in eere re naq teetaw tuqtuukil usilal wik'in. Sa' li ruuchich'och' teek'ul li rahilal, ab'anan kawaq eech'ool! Laa'in xinq'ax ru xwankil li ruuchich'och'.

San Juan 14:20

Sa' li kutan a'an teenaw naq laa'in wankin rik'in linYuwa', ut laa'ex wankex wik'in ut laa'in eerik'in.

San Judas 1:1

Laa'in laj Judas, xmoos li Jesukriist ut riitz'in laj Santiago, nintz'iib'ak rik'ineb' li b'oqb'ileb', raarookeb' xb'aan li Yos Yuwa'b'ej ut xokxookeb' cho'q re li Jesukriist.

1 Juan 5:19

Naqanaw naq reho li Yos ut chixjunil li ruuchich'och' wank rub'el xwankil li maa'us.

Santiago 4:4

Ex aj muxul paab'aal! Ma ink'a' nekenaw naq li wank sa' usilal rik'in li ruuchich'och', a'an wank sa' raaxiik' rik'in li Yos? Yalaq ani naraj wank sa' usilal rik'in li ruuchich'och', tixk'e rib' sa' raaxiik' rik'in li Yos.

Hechos 3:21

A'an tento tkanaaq wan sa' choxa toj sa' li honal taa'ak'ob'resiiq wi' chixjunil li k'a'aq re ru, jo' kixye chaq li Yos chi xtz'uumal reheb' li xsantil propeet.

San Juan 13:3

Naxnaw li Jesus naq k'eeb'il chixjunil sa' ruq' xb'aan li Yuwa'b'ej, rik'in li Yos elenaq chaq ut rik'in li Yos xik re.

Isaías 64:2

Wi ta te'xnaw laak'ab'a' eb' li xik' neke'ilok aawe, te'xk'ul raj jo' naq na'ok xxamlel li chaqipim malaj nawoqxink li ha' xb'aan xtiqwal li xam. Eb' li xninqal ru tenamit te'ok raj xxiw chawu,

Salmos 79:9

At Qaawa', at aj Kolol qe, choohaatenq'a taxaq, sa' xk'ab'a' li xnimal aaloq'al. Choohaakol taxaq, chakuy chasach ta qamaak sa' xk'ab'a' laawankilal ut laatiikilal.

Apocalipsis 4:8

Li kaahib' chi yo'yookeb' wankeb' waqitq xik' ut nujenaqeb' chi xsa' uhej chi junqre ut chisa'; chi q'eq ut chi kutan ink'a' neke'hilank chi xyeeb'al: “Sant, Sant, Sant li Qaawa', li Nimajwal Yos, li ak wan chaq, li wank anaqwan ut li chaalel”.

1 Pedro 1:5

li xokxookex xb'aan xwankil li Yos, sa' xk'ab'a' leepaab'aal, cho'q re li kolb'a ib' li taak'utb'esiiq sa' roso'jikeb' li kutan.

Gálatas 3:28

Maak'a' chik aj judiiy chi moko aj griego; maak'a' chik aj loq'b'il k'anjel chi moko aj ach'ab'anb'il k'anjel; maak'a' chik winq chi moko ixq, xb'aan naq chejunilex laa'ex junex aj chik rik'in li Kristo Jesus.

1 Corintios 1:10

Ex was wiitz'in, nintz'aama cheru sa' xk'ab'a' li Qaawa' Jesukriist naq junajaq ru leeraatin, maak'a'aq li jachok ib' sa' eeyanq, wanqex b'an sa' junajil rik'in leek'a'uxl ut leena'leb'.

Romanos 12:5

jo'kano ajwi' laa'o: naab'alo, ab'an juno ajwi' chi tz'ejwalej rik'in li Kriist, ut chiqajunilo qacha'al qib' chiqib'il qib'.

Romanos 9:17

Yeeb'il chaq re laj Parahón sa' li Santil Hu: “A'in tz'aqal xatinxaqab' wi' cho'q awab'ej, re xk'utb'al aawik'in linwankil jo'wi' re naq chisutunq li wesil yalaq b'ar sa' ruuchich'och'”.

San Juan 16:28

Kin'elk chaq rik'in li Yuwa'b'ej ut kinchalk sa' ruuchich'och'; anaqwan tinkanab' li ruuchich'och' ut tinsutq'iiq wi' chik rik'in li Yuwa'b'ej”.

San Juan 7:33

Kixye ut li Jesus: —Toj tinwanq chik kach'inaq eerik'in, toja' naq tinxik rik'in li kitaqlank chaq we.

San Mateo 10:16

“Chek'e reetal, laa'in texintaqla jo'eb' li karneer sa' xyanqeb' laj xojb'. Chiwanq b'i' eena'leb' jo'kaqex eb' li k'anti', ut tuulanaqex jo'kaqex eb' li mukuy.

San Mateo 5:48

Tz'aqalaq b'i' eere eeru jo' leechoxahil Yuwa' tz'aqal re ru.

Ezequiel 20:44

Ex aj Israel, teenaw naq laa'in li Qaawa', naq teek'e reetal linrahom sa' eeb'een, sa' xk'ab'a' linloq'al ut maawa' jo' chanru leeyib' aj na'leb' ut leemaa'usilal»”, chan li Qaawa'.

Ezequiel 20:22

Ab'anan kinkuy linjosq'il ut ink'a' kinb'aanu sa' xk'ab'a' linloq'al, re naq ink'a' taamajewaaq link'ab'a' xb'aaneb' li tenamit ke'ilok we naq kiwisiheb' chaq laj Israel.

Ezequiel 20:9

Ab'anan ink'a' kinb'aanu sa' xk'ab'a' linloq'al, re naq ink'a' taamajewaaq link'ab'a' xb'aaneb' li tenamit wankeb' wi'. Ut chiruheb' laj Ejiipt kink'utb'esi linwankil rik'in risinkileb' laj Israel sa' li na'ajej a'an.

Jeremías 14:21

Moohaatz'eqtaana sa' xk'ab'a' laarahom, chi moko chatz'eq chirix laach'ool laaloq'laj k'ojarib'aal. Jultikaq aawe laaSumwank qik'in ut maasach xwankil a'an.

Jeremías 14:7

At Qaawa', us ta li xk'ihal li qamaak nokooxjit chawu, tenq'aho sa' xk'ab'a' xnimal laarahom. Relik chi yaal naq naab'al wa xqaq'etq'eti qib' ut xoomaakob'k chawu.

Isaías 27:3

Laa'in, li Qaawa', nin'ilok re ut kok'aq xsa' nint'aqresi. Nink'aak'ale chi q'eq ut chi kutan re naq maajun taach'e'oq re.

Apocalipsis 19:12

Li xsa' ru chanchan raq'xam; wank naab'al li koroon neke'lemtz'unk ru sa' xjolom ut tz'iib'anb'il jun li k'ab'a'ej chiru, ka'ajwi' a'an natawok ru.

Apocalipsis 15:4

Ani ink'a' tixxiwa ut ink'a' tixnima ru laak'ab'a', at Qaawa'? Xb'aan naq ka'jat wi' laa'at santat, ut chixjunileb' li tenamit talaje'chalq ut te'xhupub' rib' chawe chawu, xb'aan naq xe'kanaak chi kutankil laaninqal k'a'uxl”.

San Judas 1:24

A' taxaq li Yos li wank xwankil chekolb'al chiru li maak jo'wi' cheq'axtesinkil sa' li xnimal xloq'al chi maak'a'aq eemuxul ut rik'in sahil ch'oolej,

1 Juan 3:12

Ink'a' jo'aqo laj Kaín: a'an re li maa'us ut kixkamsi li riitz'in. K'a'ut naq kixkamsi? Xb'aan naq ink'a' useb' li xb'aanuhom, ut li riitz'in a' li chaab'ilal naxb'aanu.

San Juan 17:6

“Xink'ut anihat laa'at chiruheb' li winq li xawisiheb' sa' ruuchich'och' ut xak'eheb' we. Aaweheb' naq xe'wank ut xak'eheb' we, ut xe'xk'uula laawaatin sa' xch'ooleb'.

San Juan 17:23

wanqin rik'ineb' ut laa'at wik'in re naq tz'aqalaqeb' re ru sa' li junajil ut chixnaw li ruuchich'och' naq laa'at xattaqlank chaq we ut xaraheb' jo' naq xinaara laa'in.