San Juan 17:1 - Q'eqchi Bible

¹ Jo'ka'in naq ki'aatinak li Jesus. Chirix chik a'an kixtaqsi li rilob'aal sa' choxa ut kixye: “At inYuwa', xwulak xq'ehil. Chanima xloq'al laawalal re naq laawalal tixnima aawu

Li Santil hu

¹ Nak quirakeꞌ xyebal li a̱tin aꞌin, li Jesús quixtaksi li riloba̱l ut qui-oc chi tijoc. Quixye: —At inYucuaꞌ, xcuulac xkꞌehil nak tincamsi̱k. Ta̱qꞌue taxak inlokꞌal la̱in li Cꞌajolbej re nak la̱in tinqꞌue ajcuiꞌ a̱lokꞌal la̱at.

San Juan 17:1 ပူးပေါင်းရင်းမြစ်များ

San Juan 12:23

Li Jesus kixsumeheb' ut kixye: —Xwulak xhonal naq taanimaaq xloq'al li K'ajolb'ej.

Hechos 3:13

Li xYos laj Abrahán, laj Isahak ut laj Jakob, li xYos eb' li qana' qayuwa' xnima xloq'al li Jesus li xmoos. Laa'ex xexq'axtesink re a'an ut xetz'eqtaana chiru laj Pilaat naq kiraj rach'ab'ankil.

San Juan 7:39

Kixye a'in chirix li Musiq'ej li te'xk'ul eb' li te'paab'anq re: sa' li kutan a'an toj maak'a' li Musiq'ej xb'aan naq li Jesus toj maji' nanimaak xloq'al.

1 Pedro 1:21

Sa' xk'ab'a' li Kriist nekepaab' li Yos, li kiwaklesink re chi yo'yo sa' xyanqeb' li kamenaq ut kixk'e xnimal xloq'al: ut chi jo'kan leepaab'aal ut leeroyb'enihom xaqxookeb' rik'in li Yos.

San Juan 11:4

Naq kirab'i a'in, li Jesus kixye: —Li yajel a'in moko re ta kamk, re b'an xnimal xloq'al li Yos, re naq taanimaaq xloq'al li Ralal li Yos xb'aan a'an.

San Marcos 14:41

Kichalk wi' chik rox sut ut kixye reheb': —Warinqex ut hilanqex wan. Ak xtz'aqlok ru, xwulak xhonal: anaqwan li K'ajolb'ej taaq'axtesiiq sa' ruq'eb' laj maak.

Salmos 123:1

B'ich re li taqsink. Nintaqsi li wilob'aal aawik'in, at Qaawa', laa'at li wankat sa' choxa.

San Juan 11:41

Ke'risi li pek. Toja' naq li Jesus kixtaqsi li rilob'aal sa' choxa ut kixye: —At inYuwa', ninyoxi chawu naq xinaawab'i.

San Juan 8:20

Eb' li aatin a'in kixye li Jesus sa' li xna'aj li mayej, naq yo chi xtzolb'aleb' li tenamit sa' rochoch li Yos. Ut maa'ani kichapok re xb'aan naq toj maji' nawulak li xhonalil.

San Juan 7:30

Ke'raj raj xchapb'al, ab'an maa'ani kixtaqsi li ruq' sa' xb'een, xb'aan naq toj maji' nawulak li xhonalil.

San Juan 16:32

K'ehomaq reetal, chalk re xhonal (ak xk'ulunk ajwi') naq teecha'cha'i eerib', ak xb'e xb'e li junjunq tixk'am, ut tineekanab' injunes. Ab'an moko injunes ta, xb'aan naq wank wik'in li Yuwa'b'ej.

San Juan 13:1

Rub'elaj chaq xninq'ehinkil li Paswa naxnaw li Jesus naq xwulak xhonal naq taa'elq sa' li ruuchich'och' a'in ut taaq'axonq rik'in li Yuwa'b'ej. Jo' naq kixraheb' li xtzolom li wankeb' sa' ruuchich'och', kixraheb' chi tz'aqal re ru toj sa' roso'jik.

San Lucas 22:53

Rajlal kutan xinwank chaq sa' eeyanq sa' rochoch li Yos, ut ink'a' xetaqsi chaq leeruq' chinchapb'al; ab'anan a'an a'in leehonal, naq nanumtaak xwankil li aak'ab'.

San Lucas 18:13

“Ut laj titz'ol toj najt kixk'e chaq rib'; chi moko kiraj xtaqsinkil li rilob'aal sa' choxa, naxtenyan li re xch'ool: «At inYos, laa'in aj maak. Chawuxtaana taxaq wu!», chan.

Isaías 38:14

Kama'in li wilix naq nintz'uyink, ninq'urnak kama' li mukuy. Xe'lub'je'k xsa' li wu chi ilok sa' choxa. At Qaawa', jwal ra wankin, kim chintenq'ankil!