San Juan 16:22 - Q'eqchi Bible

²² Jo'kan ajwi' laa'ex ra sa' eech'ool anaqwan, ab'anan tolwil wi' chik eeru ut taasaho'q leech'ool, ut li xsahil eech'ool maa'ani truuq taamaq'oq cheru.

Li Santil hu

²² Joꞌcan ajcuiꞌ la̱ex. Anakcuan ra saꞌ e̱chꞌo̱l. Abanan nak te̱ril cuiꞌchic cuu, ta̱sahokꞌ saꞌ e̱chꞌo̱l. Ut ma̱ ani ta̱isi̱nk che̱ru lix sahil e̱chꞌo̱l.

San Juan 16:22 ပူးပေါင်းရင်းမြစ်များ

1 Pedro 1:8

Laa'ex ink'a' eerilom ru li Jesukriist, ab'an nekera. Us ta ink'a' nekeril ru anaqwan, ab'an nekepaab', k'ajo' naq nasaho'k leech'ool: makach'in li xnimal ut li xloq'al li sahil ch'oolejil a'an!

Hechos 13:52

Ut eb' laj paab'anel ke'kanaak chi nujenaqeb' rik'in Santil Musiq'ej, k'ajo' xsahilaleb' sa' xch'ool.

San Juan 16:6

Rik'in naq xinye a'in eere, k'ajo' naq xraho'k eech'ool.

2 Ts 2:16

A'aj tawi' li Qaawa' Jesukriist ut li Yos li qaYuwa', li xrahok qe ut, xb'aan xnimal rusilal, xk'e qe jun xk'ojob'ankil qach'ool li ink'a' nalajk na'oso'k jo'wi' xnimal xsahil li qaanm chi oyb'enink,

Hechos 16:25

Tuqtu q'oqyink laj Pablo ut laj Silas yookeb' chi tijok ut chi b'ichank re xloq'oninkil li Yos, ut eb' li wankeb' sa' tz'alam yookeb' chi ab'ink.

Isaías 25:9

Sa' li kutan a'an taayeemanq: “A'an a'in li qaYos li kaw wi' qach'ool re qakolb'al. A'an a'in li Qaawa' li xoo'oyb'enink wi': qanimaaq xloq'al ut chisaho'q li qach'ool xb'aan naq A'an xkolok qe”.

Salmos 146:2

Tinnima xloq'al li Qaawa' jo' najtil tinwanq sa' ruuchich'och'; tinb'ichanq cho'q re linYos jo' najtil chik tinyo'yooq.

Hechos 2:46

Neke'xk'e xch'ool chi xik sa' rochoch li Yos wulaj wulaj, chi junajeb' xch'ool; neke'xjachi li wa sa' rochocheb' ut neke'tzekank chi saheb' sa' xch'ool ut sa' q'unil.

Hebreos 10:34

Laa'ex xewotz chaq xrahilaleb' li xe'wank sa' tz'alam, ut chi sa sa' eech'ool xekuy ajwi' naq xmaq'e'k li k'aru eere, xb'aan naq nekenaw naq sa' choxa wank eeb'ihomal q'axal chik loq' ut ink'a' taalajq taa'oso'q.

Hebreos 6:18

re naq, sa' xk'ab'a' li raatin jo'wi' li xjurament li ink'a' naru xjalb'al ru chi moko naru natik'ti'ik wi' li Yos, chiwanq xnimal xkawub' qach'ool chi reechaninkil li qamaatan naqoyb'eni laa'o, a'an li qayo'oon rik'in li Yos.

Hechos 5:41

Eb' li apóstol ke'elk sa' li raqleb'aal aatin chi saheb' sa' xch'ool rik'in naq ke'k'ehe'k chi tz'eqtaanaak sa' xk'ab'a' li Jesus.

San Juan 21:7

Toja' naq li xtzolom li Jesus, li q'axal raaro xb'aan, kixye re laj Pedro: —A'an li Qaawa'! Naq kirab'i naq a'an li Qaawa', laj Simón Pedro kixk'e li raq' chirix, xb'aan naq t'ust'u, ut kixkut rib' sa' li palaw.

San Juan 14:27

“Li tuqtuukil usilal ninkanab' eerik'in, lintuqtuukil usilal nink'e eere; ink'a' nink'e eere kama' naxk'e li ruuchich'och'. Misachk eech'ool chi k'oxlak, chi moko chexxiwaq.

San Juan 14:1

“Misachk eech'ool chi k'oxlak. Chepaab' li Yos ut chineepaab' ajwi' laa'in.

San Juan 4:14

a'ut li taa'uk'uq re li ha' tink'e laa'in, maajoq'e chik taachaqiq re: li ha' tink'e laa'in wanq rik'in jo' jun yu'amha' nab'ululnak re li junelik yu'am.

San Lucas 24:41

Toj maji' ajwi' neke'xpaab' xb'aan xsahil xch'ooleb' ut toj sachsookeb' xna'leb'; jo'kan naq li Jesus kixpatz' reheb': —Ma wank b'ayaq eetzekemq?

San Lucas 16:25

“Ut laj Abrahán kixye re: «At walal, chijultiko'q aawe naq sa xatwank chaq chiru laayu'am, ut laj Lázaro ra xk'ul chaq. Anaqwan nak'ojob'aak xch'ool arin ut laa'at q'axal ra wankat.

San Lucas 10:42

ab'anan jun ajwi' li na'ajmank ru, ut lix María xsik' ru li jwal chaab'il li ink'a' taamaq'manq chiru.

San Mateo 28:8

Ak te'eelunq wan wi' li muqleb'aal chi yookeb' xxiw ut k'ajo' ajwi' xsahilaleb' xch'ool, koheb' sa' aanil chi xyeeb'al resil reheb' li xtzolom.

San Juan 16:20

Relik chi yaal ninye eere: texhuyhutq chi yaab'ak ut li ruuchich'och' taasaho'q sa' xch'ool. Laa'ex taarahoq leech'ool, ab'an li xrahil eech'ool taasutq'iiq cho'q sahil ch'oolej.

San Lucas 19:26

“Kichaq'ok a'an: «Relik chi yaal ninye eere naq ani wank k'aru re, ruk' chik taak'eemanq re; ut ani maak'a' wank re, a' ajwi' li k'aru re taamaq'manq chiru.

Li xHu LAJ JOB 34:29

Ab'anan wi li Yos ink'a' na'aatinak, ani truuq tixye naq moko us ta a'an? Wi tixmuq rib', ani taaruhanq chi rilb'al ru? A'an na'ilok reheb' chixjunil li tenamit sa' ruuchich'och',

San Juan 16:16

“Ink'a' chik najt teeril wu, ab'anan chi seeb' teeril wi' chik wu”.

Salmos 33:21

Rik'in a'an nasaho'k li qach'ool, k'ojk'o li qaanm rik'in li xloq'laj k'ab'a'!

Jeremías 31:12

“Te'chalje'q rik'in b'ichank sa' xb'een li tzuul Sión; jun chalikaqeb' wan wi' li xsimaatan li Qaawa', chi xyalb'al xsahil li triiw, li b'iin ut li aseeyt, ut te'k'ojlaaq xch'ool rik'in li raleb' li karneer ut li wakax. Chanchanaqeb' jun li xna'aj awimq t'aqresinb'il chi us, ut maajoq'e chik te'wiib'anq xch'ool.

San Juan 14:19

Sa' jun k'amok chik li ruuchich'och' ink'a' chik taaril wu, a'ut laa'ex teeril wu xb'aan naq yo'yookin ut yo'yooqex ajwi' laa'ex.

2 Corintios 6:10

ra wanko, ab'an junelik sa sa' qach'ool; wanko sa' neb'a'il, ab'an naqab'ihomob'resi naab'aleb'; chanchan wi' maak'a' wank qe, ab'anan chixjunil wank qe.