San Juan 16:2 - Q'eqchi Bible

² Tex'isiiq sa'eb' li ch'utleb'aal kab'l. Ut taawulaq ajwi' xhonal naq yalaq ani taakamsinq eere tixk'oxla naq yo chi xloq'oninkil ru li Yos.

Li Santil hu

² Tex-isi̱k saꞌ li cab li nequeꞌxchꞌutub cuiꞌ ribeb laj judío. Ta̱cuulak xkꞌehil nak eb li teꞌcamsi̱nk e̱re teꞌxcꞌoxla nak yo̱queb chi cꞌanjelac chiru li Dios nak teꞌxba̱nu chi joꞌcan.

San Juan 16:2 ပူးပေါင်းရင်းမြစ်များ

San Juan 9:22

A'in ke'xye li xna' xyuwa' xb'aan xxiweb' chiruheb' laj Judiiy, xb'aan naq ak k'uub'k'u xb'aaneb' laj Judiiy, wi ani tixye naq li Jesus a'an li Kriist, isinb'ilaq sa' li ch'utleb'aal kab'l.

San Mateo 10:28

Meexiwaheb' ru li neke'kamsink re li tz'ejwalej, ab'an ink'a' neke'ruhank xkamsinkil li aanmej; chexiwa b'an ru li ani wank xwankil chi xsachb'al sa' xb'alb'a li aanmej ut li tz'ejwalej.

Apocalipsis 6:9

Naq kixte li ro' tz'apleb', kiwil rub'el li artal wankeb' aran li raanmeb' li ke'kamsiik sa' xk'ab'a' li Raatin li Yos ut li yaal ke'xk'e wi' xch'ooleb'.

San Juan 12:42

Wankeb' ajwi' naab'aleb' sa' xyanqeb' li xb'eenil li tenamit ke'xpaab' li Jesus; ab'anan eb' a'an ink'a' neke'xye chi kutankil xb'aaneb' laj Pariseey re naq ink'a' te'isiiq sa' li ch'utleb'aal kab'l:

San Lucas 6:22

“Us xaq eere naq xik' tex'ile'q xb'aaneb' li poyanam, tex'isiiq sa' xyanqeb', texhob'e'q ut te'xtz'eqtaana leek'ab'a' jo' ink'a' us, sa' xk'ab'a' li K'ajolb'ej.

Isaías 66:5

Ab'ihomaq li naxye li Qaawa', laa'ex li nekexsiksotk ut nekexpaab'ank chiru: “Wankeb' eerech tenamitul xik' nekexrileb' ut nekextz'eqtaanaheb' xb'aan link'ab'a', ut neke'xye: «Xk'utaq xloq'al li Qaawa'; naqaj naq sahaq sa' leech'ool», chankeb'. A'ut eb' a'an xutaanal te'kanaaq.

1 Corintios 4:13

Nokoohe'xmajewa, ut nokoosumenk rik'in chaab'il aatin. Chalen toj anaqwan chanchano xmulel li ruuchich'och', tz'eqtaananb'ilo xb'aaneb' chixjunil.

Hechos 7:56

ut kixye: —Yookin chi rilb'al li choxa teeto ut li K'ajolb'ej xaqxo sa' xnim uq' li Yos.

San Mateo 24:9

“Toja' naq texq'axtesiiq chi rahob'tesiik, texkamsiiq ut xik' tex'ile'q xb'aaneb' chixjunil li tenamit sa' ink'ab'a'.

San Juan 9:34

Ke'chaq'ok eb' a'an ut ke'xye re: —Xatyo'laak chajunxaqalil sa' li maak ut taawaj anchal qatzolb'al laa'o? Ut ke'risi sa' xyanqeb'.

Isaías 65:5

Ut neke'xye: «Kanaaqat aran sa' laana'aj, matjilok chaq chink'atq: mare anchal tatsanto'q inb'aan», chankeb'. Chixjunileb' a'an chanchaneb' li sib' sa' wu'uj, jo' li xam li junelik yo chinch'i'ch'i'inkil.

Hechos 5:33

Naq ke'rab'i a'in, k'ajo' naq ke'josq'o'k, te'raj raj xkamsinkileb'.

San Juan 4:21

Li Jesus kixye re: —At ixq, paab' li ninye: Taawulaq xq'ehil naq chi moko sa' xb'een li tzuul a'in chi moko Jerusalén teeloq'oni ru li Yuwa'b'ej.

Filipenses 3:6

Q'axal kink'e inch'ool chi paab'ank toj reetal kinrahob'tesi li Iklees, ut maajun truuq tixwech' wix rik'in li tiikilal natawmank sa' xk'anjelankil xChaq'rab' laj Moisés.

Daniel 11:33

Eb' laj k'amol b'e li wankeb' xna'leb' te'xtzol naab'aleb' li poyanam, ab'anan ink'a' najtaq chik wankeb' te'kamsiiq, wankeb' te'k'atje'q, wankeb' te'isiiq sa' li xna'ajeb' ut wankeb' chik te'elq'aaq li xjunqkab'al.

San Juan 4:23

Ab'anan chalk re xq'ehil (ak xk'ulunk ajwi') naq eb' li tz'aqal aj loq'oninel te'xloq'oni ru li Yuwa'b'ej sa' musiq'ej ut rik'in li yaal, xb'aan naq jo'ka'in naraj li Yuwa'b'ej naq taaloq'oniiq ru.

San Juan 16:25

“Xinye a'in eere sa' jaljookil ru aatin. Taawulaq xq'ehil naq ink'a' chik texwaatina sa' jaljookil ru aatin, chi ch'olch'o b'an ru texwaatina chirix li Yuwa'b'ej.

San Juan 16:32

K'ehomaq reetal, chalk re xhonal (ak xk'ulunk ajwi') naq teecha'cha'i eerib', ak xb'e xb'e li junjunq tixk'am, ut tineekanab' injunes. Ab'an moko injunes ta, xb'aan naq wank wik'in li Yuwa'b'ej.

Jueces 6:30

Eb' li poyanam li wankeb' sa' li tenamit a'an ke'xye re laj Johás: “Isi qe laawalal ut chikamq, xb'aan naq xjuk' li x'artal laj Bahal ut xyok' li loq'laj che' li wank chi xk'atq”, chankeb' re.