San Juan 15:7 - Q'eqchi Bible

⁷ “Wi nekexkanaak wik'in ut eb' li waatin neke'kanaak eerik'in, tz'aamahomaq li teeraj ut taak'eemanq eere.

Li Santil hu

⁷ Cui la̱ex cua̱nkex cuiqꞌuin ut te̱ba̱nu li cꞌaꞌru xinye e̱re, ta̱qꞌuehekꞌ e̱re chixjunil li cꞌaꞌru te̱tzꞌa̱ma.

San Juan 15:7 ပူးပေါင်းရင်းမြစ်များ

Salmos 37:4

chiwanq xsahil aach'ool rik'in li Qaawa' ut taak'ehe'q aawe li naraj laawaanm.

1 Juan 5:14

A'in wan wi' xkawub' qach'ool rik'in li Yos: naq A'an nokoorab'i wi wank k'aru tqatz'aama chiru jo' chanru naraj A'an.

San Juan 14:13

Ut chixjunil li teetz'aama sa' ink'ab'a', laa'in tinb'aanunq re, re naq li Yuwa'b'ej taanimaaq xloq'al rik'in li K'ajolb'ej.

1 Juan 3:22

ut chixjunil li tqatz'aama tqak'ul sa' ruq'. K'a'ut? Xb'aan naq yooko chi xpaab'ankileb' li xchaq'rab' ut naqab'aanu li k'aru nawulak chiru.

San Juan 15:16

“Moko laa'ex ta xexsik'ok wu; laa'in b'an xinsik'ok eeru ut xexinxaqab' re texxik ut chi'uuchinq leepaab'aal, ut li taaruuchin leepaab'aal wanq chi junelik. Chi jo'kan chixjunil li teetz'aama chiru li Yuwa'b'ej sa' ink'ab'a', taak'eemanq eere.

San Mateo 7:7

“Chextz'aamanq ut k'eek'ooq eere; chexsik'oq ut teetaw; chexb'oqoq chire kab'l ut tehe'q cheru.

San Juan 16:23

“Sa' li kutan a'an maak'a' teetz'aama chiwu. Relik chi yaal ninye eere: li k'aru teetz'aama chiru li Yuwa'b'ej, tixk'e eere sa' ink'ab'a'.

Gálatas 5:16

Chineerab'i: chexb'eeq rub'el xwankil li Musiq'ej, ut chi jo'kan ink'a' teeb'aanu li naxrahi ru li tz'ejwalej.

1 Juan 2:27

Ab'an toj wank eerik'in li Santil Musiq'ej li xexxsantob'resi wi' li Jesus ut ink'a' na'ajmank ru naq ani taatzoloq eere, xb'aan naq li Musiq'ej li santob'resinb'ilex wi', a'an natzolok eere chirix chixjunil, ut a'an yaal, maawa' tik'ti'. Jo'kan naq wanqex junelik rik'in li Jesus jo' chanru tzolb'ilex wi' xb'aan.

Jeremías 15:16

Naq xak'e we laawaatin, xink'uleb' chi anchal linch'ool ut xintzeka; a'an tz'aqal nak'ehok xsahil li waanm, xb'aan naq sik'b'il wu aab'aan, at Qaawa', at Nimajwal Yos.

Proverbios 10:24

Li ink'a' us xch'ool naxk'ul li naxxiwa ru; a'ut li chaab'il xch'ool naxtaw li naxrahi ru.

Salmos 119:11

Xink'uula sa' li waanm laayeechi'om re naq ink'a' tinmaakob'q chawu.

Isaías 58:8

Toja' naq laasaqenk taak'utunq jo' naq nahik'e'k li kutan, ut sa' junpaat taak'iraaq laatiq'ilal. K'amolb'ehaq chawu laachaab'il b'aanuhom ut linloq'al taataaqenq aawe.

Deuteronomio 6:6

“Chiwanq sa' laach'ool junelik eb' li aatin a'in xinq'axtesi aawe anaqwan.

1 Juan 2:14

Xintz'iib'ak eerik'in, ex inkok'al, xb'aan naq nekenaw ru li Yuwa'b'ej. Xintz'iib'ak eerik'in, ex yuwa'b'ej, xb'aan naq nekenaw ru A'an li wank chalen chaq sa' xtiklajik. Xintz'iib'ak eerik'in, ex saaj al, xb'aan naq kaw eerib' ut li Raatin li Yos xxe'eni rib' eerik'in ut xeq'ax ru li maa'us.

Colosenses 3:16

Li Raatin li Kriist chiwanq eerik'in chi numtajenaq. Chetzolaq eerib' ut chek'ehaq eena'leb' cherib'il eerib' rik'in chixjunil li chaab'il k'a'uxl. Chexb'ichanq chi anchal eech'ool re yoxink chiru li Yos, rik'in saalm, himno ut loq'laj b'ich;

Proverbios 4:4

Ut linyuwa' xk'e chaq inna'leb', xye we chi jo'ka'in: “K'uula sa' laach'ool eb' li waatin; paab' linchaq'rab', ut tatyo'yooq.

Li xHu LAJ JOB 22:26

K'ojk'ooq laawaanm rik'in li Nimajwal, ut chiru chik A'an taataqsi laawilob'aal.

San Juan 8:37

Ninnaw chi us naq ralal xk'ajolex laj Abrahán; ab'an nekeraj inkamsinkil xb'aan naq li waatin ink'a' naxtaw xna'aj sa' leech'ool.

Li xHu LAJ JOB 23:12

Maajun wa xinq'et li xchaq'rab', ut junelik xink'uula sa' li waanm li raatin.

Gálatas 4:2

Toj wank rub'el xwankil laj k'iiresinel ut laj ilol re, toj toxtaw xq'ehil xaqab'anb'il xb'aan li xyuwa'.

1 Reyes 3:5

Ut aran Gabahón li Qaawa' kixk'ut rib' chiru laj Salomón sa' xmatk' chiru q'oqyink, ut kixye re: “Tz'aama chiwu li k'aru taawaj ut laa'in tink'e aawe”.

San Juan 8:31

Kixye li Jesus reheb' laj Judiiy li ke'paab'ank re: —Wi junelik eetz'ejwalihom eerib' rik'in li waatin, tz'aqal intzolomex;