San Juan 15:5 - Q'eqchi Bible

⁵ “Laa'in li xtoonal li uub'; laa'ex li ruq'. Ani nakanaak wik'in ut laa'in rik'in, a'an q'axal na'uuchink, xb'aan naq wi jachjooqex wik'in maak'a' naru teeb'aanu.

Li Santil hu

⁵ La̱in joꞌ li xto̱nal li uvas ut la̱ex joꞌ li rukꞌ. Cui cua̱nkex cuiqꞌuin ut la̱in cua̱nkin e̱riqꞌuin, la̱ex texcua̱nk saꞌ ti̱quilal ut texqꞌui̱k saꞌ le̱ pa̱ba̱l. Yal e̱junes ma̱cꞌaꞌ naru te̱ba̱nu.

San Juan 15:5 ပူးပေါင်းရင်းမြစ်များ

Filipenses 4:13

Chixjunil ninkuy xnumsinkil sa' xk'ab'a' Li nak'ehok xkawub' inch'ool.

Colosenses 1:10

re naq chiwanq taxaq leeyu'am jo' chanru xk'ulub' li Qaawa', tz'aqal jo' nawulak chiru. Cheruuchin chixjunil li chaab'il b'aanuhom ut chexk'iiq chi xnawb'al ru li Yos.

San Juan 15:16

“Moko laa'ex ta xexsik'ok wu; laa'in b'an xinsik'ok eeru ut xexinxaqab' re texxik ut chi'uuchinq leepaab'aal, ut li taaruuchin leepaab'aal wanq chi junelik. Chi jo'kan chixjunil li teetz'aama chiru li Yuwa'b'ej sa' ink'ab'a', taak'eemanq eere.

Gálatas 5:22

A'ut li naruuchin li Musiq'ej a'an li rahok, sahil ch'oolej, tuqtuukilal, kuyuk, chaab'ilal, usilal, paab'ank,

Proverbios 11:30

Li tiikilal nak'ehok yu'am; wi wank aana'leb', jalaneb' chik te'taaqenq aawe.

2 Corintios 13:8

Xb'aan naq maak'a' qawankil chiru li yaal, nokook'anjelak b'an re xk'eeb'al xwankil li yaal,

San Juan 5:19

Kixye ut li Jesus reheb': “Relik chi yaal ninye eere: li K'ajolb'ej maak'a' naru tixb'aanu xjunes rib'; ka'ajwi' li naril chi xb'aanunkil li Yuwa'b'ej, a'an li naxb'aanu li K'ajolb'ej. Li naxb'aanu li Yuwa'b'ej, a'an ajwi' naxb'aanu li K'ajolb'ej.

Santiago 1:17

chixjunil li usilal k'eeb'il qe ut chixjunil li qamaatan li tz'aqal re ru, taqe'q nachalk chaq, ut nakub'e chaq rik'in li xYuwa'ileb' li chahim, li ink'a' najalaak chi moko naq'oqyino'k ru.

2 Pedro 3:18

Chexk'iiq sa' rusilal li Qaawa' rik'in xnawb'al ru li Jesukriist, laj Kolol qe. Rehaq taxaq li loq'al, anaqwan toj sa' li kutan ink'a' nalajk na'oso'k. Jo'kan taxaq.

San Juan 12:24

Relik chi yaal ninye eere: wi li jun t'orol chi triiw nat'ane'k sa' ch'och', ab'an ink'a' nakamk, jun ajwi' chirib'il nakanaak; ab'anan, wi nakamk, naab'al li ru tixk'e.

Romanos 7:4

Jo'kan utan, ex was wiitz'in, laa'ex ajwi' xexkanaak chi kamenaq chiru xChaq'rab' laj Moisés sa' xk'ab'a' xkamik li Kriist, re naq jalan chik taa'eechaninq eere: a' Li kiwaklesiik wi' chik chi yo'yo sa' xyanqeb' li kamenaq re naq laa'o too'uuchinq cho'q re li Yos.

Filipenses 1:11

nujenaqaqex b'an rik'in li naruuchin li tiikilal sa' xk'ab'a' li Jesukriist cho'q re li xloq'al ut li xnimankil ru li Yos.

San Juan 9:33

Wi ta a'an ink'a' chalenaq rik'in li Yos, maak'a' raj truuq tixb'aanu.

Filipenses 4:17

Moko ninsik' ta eerik'in junaq inmaatan, ninsik' b'an naq chik'ihanq ru li paab'ank cho'q eere.

Romanos 6:22

A'ut anaqwan ach'ab'anb'ilex chik chiru li maak ut oksinb'ilex cho'q aj k'anjel chiru li Yos, yookex chi uuchink cho'q re li santilal; ut li xraqik a'an, a' chik li junelik yu'am.

Hechos 4:12

Xb'aan naq maa'ani chik aj ik'in wank li kolb'a ib'; maak'a' chik junaq k'ab'a'ej rub'el choxa k'eeb'il qe cho'q aj Kolonel.

1 Corintios 12:12

Jo' naq li tz'ejwalej junaj chirib'il ut wank naab'al li xcha'al, ut chixjunileb' li xcha'alil a'an us ta naab'aleb', ab'an jun ajwi' chi tz'ejwalej naq wankeb', jo'kan ajwi' li Kriist.

1 Pedro 2:4

Jilonqex chi xk'atq li Qaawa', a'an li yo'yookil pek tz'eqtaananb'il xb'aaneb' li winq, ab'an sik'b'il ru ut loq' chiru li Yos.

1 Corintios 12:27

Laa'ex xtz'ejwal li Kriist, ut xcha'alex chejunjunqal.

Efesios 5:9

Xb'aan naq li naruuchin li saqenk a'an chixjunil li chaab'ilal, tiikilal ut li yaal.

2 Corintios 9:10

Li nak'ehok iyaj re laj awinel jo'wi' li wa re tzekaak, tixk'e ajwi' eeriyaj ut tixtamb'resi; tixk'ihob'resi li naruuchin li xchaab'ilal leech'ool.

Colosenses 1:6

li kiwulak toj eerik'in ut yo chi uuchink ut chi k'ihank sa' eeyanq kama' ajwi' sa' chixjunil li ruuchich'och', chalen naq kerab'i resil li rusilal li Yos ut ketaw ru k'aru tz'aqal a'an.

Romanos 12:5

jo'kano ajwi' laa'o: naab'alo, ab'an juno ajwi' chi tz'ejwalej rik'in li Kriist, ut chiqajunilo qacha'al qib' chiqib'il qib'.

1 Corintios 10:16

Li osob'tesinb'il sek' nokooyoxink wi' ma maawa' tab'i' a'an li sumwank rik'in xkik'el li Kriist? Ut li wa naqajachi ma maawa' tab'i' a'an li sumwank rik'in xtz'ejwal li Kriist?

Oseas 4:8

Neke'xch'oolani rib' rik'in xmaakeb' lintenamit; jo'kan naq neke'rataw naq q'axal chik te'maakob'q li poyanam!

San Mateo 13:21

ab'an maak'a' xxe' rik'in ut ink'a' najt naxkuy. Ut naq nachalk junaq raaxiik' malaj rahob'tesiik sa' xk'ab'a' li Aatin, sa' junpaat nach'inank xch'ool.