San Juan 15:20 - Q'eqchi Bible

²⁰ Jultikaq eere li aatin xinye eere: «Laj k'anjel moko nim ta xwankil chiru laj eechal re». Wi xine'xrahob'tesi laa'in, jo'kan ajwi' naq texb'aanu eere; wi xe'xk'e xch'ool chirix li waatin, jo'kan ajwi' naq te'xk'e xch'ool chirix leeraatin laa'ex.

Li Santil hu

²⁰ Chijulticokꞌ e̱re nak xinye e̱re nak ma̱ jun aj cꞌanjel naxkꞌax ru xcuanquil lix patrón. Cui xineꞌxrahobtesi la̱in, texrahobtesi̱k ajcuiꞌ la̱ex. Cui ta xeꞌxba̱nu li cꞌaꞌru xinye la̱in, teꞌxba̱nu aj raj cuiꞌ li cꞌaꞌru te̱ye la̱ex.

San Juan 15:20 ပူးပေါင်းရင်းမြစ်များ

2 Timoteo 3:12

Jo'kan ajwi' chixjunileb' li te'raj paab'ank chi chaab'il sa' xk'ab'a' li Kristo Jesus, te'rahob'tesiiq.

San Juan 13:16

Relik chi yaal ninye eere: laj k'anjel moko nim ta xwankil chiru laj eechal re, chi moko li taql nim xwankil chiru li xtaqlank chaq re.

San Mateo 10:24

“Li toj yo chi tzolok moko naxq'ax ta xwankil laj tzolol re, chi moko laj k'anjel naxq'ax xwankil laj eechal re.

Ezequiel 3:7

Ab'an eb' laj Israel moko te'raj ta aawab'inkil, xb'aan naq ink'a' neke'raj inpaab'ankil laa'in. Chixjunileb' laj Israel jwal jipeb' ut q'axal kaw li xjolomeb'.

2 Corintios 4:9

nokoosik'e'k xb'aaneb' li xik' neke'ilok qe, ab'an moko kanajenaqo ta qajunes; neke'numtaak sa' qab'een, ab'an ink'a' nokoohe'xsach.

1 Corintios 4:12

Naqatawasi qib' chi k'anjelak rik'in quq'. Nokoohe'xhob', ut naqusilaheb'. Nokoohe'xsik' re qarahob'tesinkil, ut naqakuy.

San Juan 8:51

Relik chi yaal ninye eere: wi junaq naxk'uula li waatin, ink'a' taaril li kamk chi junajwa.

San Lucas 6:40

Li toj yo chi tzolok moko naxq'ax ta xwankil laj tzolol re. Chixjunileb' li tzolb'ileb' chi us kama'aqeb' laj tzolol reheb'.

1 Ts 2:15

Eb' a'an ke'xkamsi li Qaawa' Jesus jo'wi' eb' li propeet, ut xoohe'xrahob'tesi laa'o. Neke'xb'aanu li raaxiik' reheb' chixjunil, ut li Yos ink'a' nawulak chiru li xna'leb'eb';

San Juan 10:31

Toja' naq eb' laj Judiiy ke'xchap wi' chik xpek re xkutinkil chirix.

San Juan 11:57

Li Xb'eenileb' aj tij ut eb' laj Pariseey ak xk'ehomeb' jun li chaq'rab': “Wi ani taanawoq re b'ar wanq, chixyehaq resil re naq taachapmanq”.

San Juan 8:59

Toja' naq ke'xxok xpek re xkutb'al li Jesus; ab'an a'an kixmuq rib' ut ki'elk sa' rochoch li Yos.

San Juan 7:32

Eb' laj Pariseey ke'rab'i naq eb' li tenamit neke'xyehatq a'in chirix li Jesus; jo'kan naq ke'xtaqla eb' li xtaql chi xchapb'al.

San Juan 5:16

Jo'kan naq eb' laj Judiiy ke'xsik' li Jesus re xchapb'al, xb'aan naq naxb'aanu a'in sa' sábado.

San Lucas 2:34

Ut laj Simehón kirosob'tesiheb' ut kixye re lix María li na'b'ej: —K'e reetal. Li k'uula'al a'in xaqab'anb'il chaq re naq naab'aleb' aj Israel te't'ane'q malaj te'wakliiq xb'aan. A'anaq jun eetalil li taawanq wi' jachok ib',

1 Samuel 8:7

ut li Qaawa' kixye re laj Samuel: “Paab' chixjunil li te'xye aawe li tenamit. Xb'aan naq moko laa'at xate'xtz'eqtaana, laa'in b'an xine'xtz'eqtaana, re naq ink'a' tintaqlanq sa' xb'eeneb'.

San Juan 8:52

Kiyehe'k ut re xb'aaneb' laj Judiiy: —Anaqwan naqanaw naq wank aj tza aawik'in. Laj Abrahán kikamk, jo'kaneb' ajwi' eb' li propeet, ut laa'at nakaye: «Wi junaq tixk'e xch'ool chirix li waatin, ink'a' tixyal li kamk chi junajwa».

Hechos 14:22

yookeb' chi xk'eeb'al xkawub' xch'ooleb' laj paab'anel ut chi xjultikankil chiruheb' naq che'wanq junelik sa' li paab'ank: “Tento tqanumsi naab'al rahilal re naq tooruuq too'ok sa' li xnimajwal awab'ejihom li Yos”, chankeb'.

San Marcos 10:39

Ke'chaq'ok: —Tooruuq, chankeb'. Kixye li Jesus reheb': —Li xsa' li sek' twuk' laa'in, yaal naq teeruk'; jo'kan ajwi' li kub'iha' li tink'ul laa'in, teek'ul ajwi' laa'ex.