San Juan 14:6 - Q'eqchi Bible

⁶ Kixye li Jesus re: —Laa'in li b'e, li yaal ut li yu'am. Maa'ani naxik rik'in li Yuwa'b'ej, wi ink'a' ta sa' ink'ab'a'.

Li Santil hu

⁶ Li Jesús quixye re: —La̱in aj cꞌamol be che̱ru. La̱in ninchꞌolob lix ya̱lal li Dios ut la̱in ninqꞌuehoc junelic yuꞌam. Ma̱ ani ta̱ru̱k ta̱oc riqꞌuin lin Yucuaꞌ cui incꞌaꞌ tinixpa̱b la̱in.

San Juan 14:6 ပူးပေါင်းရင်းမြစ်များ

Hechos 4:12

Xb'aan naq maa'ani chik aj ik'in wank li kolb'a ib'; maak'a' chik junaq k'ab'a'ej rub'el choxa k'eeb'il qe cho'q aj Kolonel.

San Juan 10:9

Laa'in li okeb'aal. Ani taa'ok sa' ink'ab'a', kolb'ilaq; taa'ok, taa'elq ut tixtaw xwa.

Efesios 2:18

Xb'aan naq sa' xk'ab'a' li Kriist laa'o li wiib' chi tenamit wank li qokeb'aal rik'in li Yuwa'b'ej, sa' junaj chi Musiq'ej.

San Juan 1:4

Rik'in wan chaq li yu'am ut li yu'am a'an chaq li xsaqenkeb' li poyanam;

1 Juan 5:20

Ab'an naqanaw ajwi' naq li Ralal li Yos kik'ulunk ut kixk'e qana'leb' re naq chiqanaw ru li tz'aqal Yos. Ut laa'o wanko rik'in li tz'aqal Yos, rik'in li Ralal, a' li Jesukriist. A'an a'in li tz'aqal Yos ut li junelik yu'am.

San Juan 1:14

Ut li Aatin kitz'ejwalo'k ut kixk'ojob' li xmuheb'aal sa' qayanq, ut laa'o xqaka'ya li xloq'al k'eeb'il re xb'aan li Yuwa'b'ej jo' xloq'al li jun chi K'ajolb'ej nujenaq chi usilal ut chi yaal.

San Juan 1:17

Xb'aan naq li Chaq'rab' k'eeb'il chaq qe sa' xk'ab'a' laj Moisés, a'ut li usilal ut li yaal xk'ulunk sa' xk'ab'a' li Jesus li Kriist.

Hebreos 7:25

Chi jo'kan naru ajwi' tixkoleb' chi tz'aqal re ru eb' li neke'jilok chi xk'atq li Yos sa' li xk'ab'a', xb'aan naq yo'yo chi junelik re aatinak chirixeb'.

San Juan 8:32

teenaw li yaal ut li yaal taa'ach'ab'anq eere.

1 Pedro 3:18

Xb'aan naq li Kriist, jun wa ajwi' kikamk re xtojb'al rix li maak, li tiik xch'ool chirixeb' li ink'a' tiikeb' xch'ool, re qak'amb'al rik'in li Yos. Li Kriist kikamsiik sa' li xjunxaqalil, ab'an kiyoob'tesiik sa' musiq'ejil yu'am.

San Juan 5:21

“Jo' naq li Yuwa'b'ej naxwaklesiheb' chi yo'yo li kamenaq ut naxk'e xyu'ameb', jo'kan ajwi' li K'ajolb'ej naxk'e xyu'am li ani taaraj.

2 Juan 1:9

Chixjunil li ink'a' xaqxo sa' li xk'utum li Kriist ut na'elk sa' li xb'ehil, a'an moko wank ta li Yos rik'in. Ani xaqxo sa' li xk'utum, a'an wank li Yuwa'b'ej jo' ajwi' li K'ajolb'ej rik'in.

Apocalipsis 20:15

Ut yalaq ani ink'a' kitawe'k xk'ab'a' chi tz'iib'anb'il sa' li xhuhil li yu'am, kikute'k ajwi' sa' li palaw xam.

San Juan 15:1

“Laa'in li tz'aqal xtoonal li uub' ut linYuwa' a'an laj saab'esinel.

San Mateo 11:27

“Chixjunil q'axtesinb'il sa' wuq' xb'aan linYuwa', ut maa'ani nanawok ru li K'ajolb'ej, ka'ajwi' li Yuwa'b'ej; ut maa'ani nanawok ru li Yuwa'b'ej, ka'ajwi' li K'ajolb'ej ut eb' li taaraj wi' xk'utb'esinkil.

San Juan 6:51

Laa'in li yo'yookil wa xinkub'e chaq sa' choxa. Li taawa'oq re li wa a'in, yo'yooq chi junelik; ut li wa tink'e laa'in, a'an lintz'ejwal re twanq xyu'am li ruuchich'och'”.

Apocalipsis 22:17

Li Musiq'ej ut li Ixaqilb'ej neke'xye: “Chalqat!”. Li taa'ab'inq re, chixyehaq: “Chalqat!”. Ut li taachaqiq re, chalqaq; li taa'ajoq re, chixk'ulaq chi maatan li ha' nak'ehok yu'am.

San Juan 8:51

Relik chi yaal ninye eere: wi junaq naxk'uula li waatin, ink'a' taaril li kamk chi junajwa.

1 Juan 2:23

Chixjunil li ink'a' nach'olob'ank chirix li K'ajolb'ej, a'in maak'a' li Yuwa'b'ej rik'in; ab'an li nach'olob'ank chirix li K'ajolb'ej, wank li Yuwa'b'ej rik'in.

San Juan 10:28

Laa'in nink'e reheb' li junelik yu'am ut maajaruj te'oso'q, ut maa'ani taamaq'oq reheb' sa' wuq'.

San Juan 18:37

Toja' naq laj Pilaat kixye re: —Ma laa'at rey chi jo'kanan? Kichaq'ok li Jesus ut kixye: —Laa'at nakaye naq laa'in rey. A'in aj e naq kinyo'laak ut a'in aj e naq kinchalk sa' li ruuchich'och': re tin'aatinaq chirix li yaal. Chixjunil li na'okenk chirix li yaal, narab'i li xyaab' inkux.

San Juan 6:33

Xb'aan naq li xwa li Yos a'an li nakub'e chaq sa' choxa ut naxk'e xyu'am li ruuchich'och'.

San Juan 14:19

Sa' jun k'amok chik li ruuchich'och' ink'a' chik taaril wu, a'ut laa'ex teeril wu xb'aan naq yo'yookin ut yo'yooqex ajwi' laa'ex.

San Juan 6:57

Jo' naq li yo'yookil Yuwa'b'ej kitaqlank chaq we ut laa'in yo'yookin sa' xk'ab'a' li Yuwa'b'ej, jo'kan ajwi' li taatzekanq we yo'yooq sa' ink'ab'a'.

1 Pedro 2:4

Jilonqex chi xk'atq li Qaawa', a'an li yo'yookil pek tz'eqtaananb'il xb'aaneb' li winq, ab'an sik'b'il ru ut loq' chiru li Yos.

San Juan 10:7

Jo'kan naq li Jesus ki'aatinak wi' chik rik'ineb': —Relik chi yaal ninye eere: laa'in li rokeb'aaleb' li karneer.

Romanos 5:2

Xb'aan A'an, rik'in li paab'aal, xqataw qokik sa' li usilal a'in li wanko wi', ut naqanima qib' rik'in royb'eninkil li xnimal xloq'al li Yos.

Colosenses 3:4

Naq tixk'ut rib' li Kriist qayu'am, toja' naq laa'ex ajwi' eerochb'een a'an texk'utunq chaq sa' li xloq'al.

1 Corintios 15:45

Jo'ka'in tz'iib'anb'il sa' li Santil Hu: “Laj Adán, li xb'een winq, kiwinqob'resiik chi wank xyu'am”; ut li xkab' Adán, li kichalk sa' roso'jik, a'an musiq'ej aj k'ehol yu'am.

1 Juan 1:8

Wi naqaye naq maak'a' qamaak, yooko chi xb'alaq'inkil qib' ut moko wank ta li yaal qik'in.

San Juan 6:68

Kichaq'ok laj Simón Pedro ut kixye: —Qaawa', ani aj ik'in tooxik? Aawik'in wank li aatin nak'ehok li junelik yu'am.

Romanos 5:21

Chi jo'kan, kama' li maak kiwank xwankil rik'in li kamk, jo'kan ajwi' chi'awab'ejinq li rusilal li Yos rik'in li tiikil ch'oolej ut cho'q re li junelik yu'am, sa' xk'ab'a' li Jesukriist, li Qaawa'!

Apocalipsis 1:5

ut sa' xk'ab'a' li Jesukriist, laj ch'olob'anel xyaalal, li paab'ajel, li xb'een li kiwakliik chi yo'yo sa' xyanqeb' li kamenaq, li nim xwankil sa' xb'eeneb' chixjunil li awab'ej re li ruuchich'och'. A'an narahok qe ut kooxch'ajob'resi chiru li qamaak rik'in li xkik'el.

1 Pedro 1:21

Sa' xk'ab'a' li Kriist nekepaab' li Yos, li kiwaklesink re chi yo'yo sa' xyanqeb' li kamenaq ut kixk'e xnimal xloq'al: ut chi jo'kan leepaab'aal ut leeroyb'enihom xaqxookeb' rik'in li Yos.

Apocalipsis 19:11

Toja' naq kiwil li choxa teeto ut aran wank jun kawaay saq rix; ut li k'ojk'o sa' xb'een, “Tiik xch'ool” ut “Paab'ajel” naxk'ab'a'in: naraqok aatin ut nayalok sa' tiikilal.

Colosenses 2:9

Xb'aan naq rik'in li Kriist wank xtz'aqlojik li Yosilal chi yaal,

1 Juan 5:6

A'an a'in li kik'ulunk rik'in ha' ut rik'in kik': a' li Jesukriist. Moko ka'aj ta wi' rik'in ha', rik'in b'an ha' ut kik'. Ut li nayehok naq yaal, a'an li Musiq'ej, xb'aan naq li Musiq'ej a'an li yaal.

Apocalipsis 3:14

“Tz'iib'an rik'in li x'ánjel li Iklees li wank Laodicea: «Kama'in na'aatinak li Amén, laj Ch'olob'anel re li yaal, chaab'il ut paab'ajel, li xTiklajik chixjunil li xyoob'tesihom li Yos.

Colosenses 2:17

Chixjunil a'in a'an xmu li k'aru chaalel; ab'an li tz'aqal xyaalalil a'an li Kriist.

Apocalipsis 3:7

“Tz'iib'an rik'in li x'ánjel li Iklees li wank Filadelfia: «A'in naxye li Sant, li Paab'ajel, li wank xlaaw laj David rik'in: naq a'an natehok, maa'ani taaruhanq chi xtz'apb'al; naq a'an natz'apok, maa'ani taaruhanq chi xteeb'al.

Hechos 3:15

Xekamsi li nak'amok b'e sa' li yu'am. Ab'anan li Yos xwaklesi chi yo'yo sa' xyanqeb' li kamenaq, ut laa'o xqil ut nokoo'aatinak chirix.

Apocalipsis 22:1

Chirix chik a'an li ánjel kixk'ut chiwu li xnima'ul li yu'amha', nalemtz'unk jo' li krixtal, na'elk chaq sa' li xnimaqwal k'ojarib'aal li Yos ut li Karneer.

Hebreos 9:8

Rik'in a'in li Santil Musiq'ej naxk'ut chiqu naq toj maji' teeto xb'ehil li Santil Na'ajej, wi toj xaqxo li xb'een Muheb'aal.

Romanos 15:16

naq laa'inaq aj k'anjel chiru li Kristo Jesus cho'q reheb' li maawa'eb' aj Judiiy. A'an a'in linloq'laj k'anjel: laa'in aj tij re xpuktesinkil li xChaab'il Esil li Yos re naq k'ulb'ilaqeb' li maawa'eb' aj Judiiy jo' chaab'il mayej, santob'resinb'il xb'aan li Santil Musiq'ej.

Hechos 9:2

ut kixtz'aama xhu cho'q reheb' li ch'utleb'aal kab'l wankeb' Damaask, re naq, wi tixtaweb' winq malaj ixq li neke'taaqenk re li B'e, taak'ehe'q xwankil chi xk'amb'aleb' chaq chi b'ak'b'o Jerusalén.