San Juan 14:30 - Q'eqchi Bible

³⁰ “Ink'a' chik najt tin'aatinaq eerik'in, xb'aan naq chalk re laj Taqlanel sa' xb'een li ruuchich'och' a'in. Maak'a' xwankil sa' inb'een;

Li Santil hu

³⁰ Incꞌaꞌ chic ta̱ru̱k tina̱tinak chi nabal e̱riqꞌuin xban nak yo̱ chi cha̱lc li nataklan saꞌ li ruchichꞌochꞌ, usta aꞌan ma̱cꞌaꞌ xcuanquil saꞌ inbe̱n la̱in.

San Juan 14:30 ပူးပေါင်းရင်းမြစ်များ

1 Juan 5:19

Naqanaw naq reho li Yos ut chixjunil li ruuchich'och' wank rub'el xwankil li maa'us.

1 Juan 4:4

Ex inkok'al, rehex li Yos ut ak xeq'ax ruheb' li propeet aj b'alaq', xb'aan naq Li wank eerik'in a'an q'axal nim xwankil chiru li wank sa' ruuchich'och'.

Apocalipsis 12:9

Ut kikute'k chaq taq'a li nimla xul, li najter k'anti', a' li maa'us ut aj tza nayeemank re: a'an nab'alaq'ink re chixjunil li ruuchich'och'; kikute'k chaq sa' ruuchich'och' rochb'een chaq eb' li x'ánjel.

San Juan 12:31

Anaqwan taaraqe'q aatin sa' xb'een li ruuchich'och' a'in. Anaqwan laj Taqlanel sa' xb'een li ruuchich'och' a'in taakute'q chi najt.

Efesios 6:12

Xb'aan naq moko yooko ta chi xyalb'al qametz'ew yal rik'in winq, rik'ineb' b'an li wankeb' xwankil, eb' li neke'taqlank ut neke'awab'ejink sa' xb'een li ruuchich'och' a'in li wank sa' aak'ab', rik'ineb' li maa'us aj musiq'ej li wankatqeb' taqe'q.

1 Pedro 2:22

A'an ink'a' kimaakob'k chi moko ki'ab'iik b'alaq'il aatin sa' xtz'uumal re.

Efesios 2:2

Xexwanje'k chaq jo' chanru xna'leb' li ruuchich'och' a'in ut xetaaqe laj taqlanel li wank xwankil sa' li iq', a' li musiq'ej li yo chi k'anjelak rik'ineb' laj q'etol aatin.

2 Corintios 4:4

cho'q reheb' li maak'a' neke'xpaab', xb'aan naq li xyos li ruuchich'och' a'in xmutz'o'b'resi li xk'a'uxeb' re naq ink'a' taalemtz'unq chiruheb' li xsaqenkil li xChaab'il Esil li Kriist nim xloq'al, a'an a'in li xjalam u li Yos.

Hebreos 4:15

Xb'aan naq moko wank ta junaq xyuwa'il aj tij li ink'a' ta naxnaw ruxtaanankil ut xtoq'ob'ankil qu; wank b'an jun li kiyale'k rix rik'in chixjunil kama' ajwi' laa'o, ab'an ink'a' kimaakob'k jun sutaq.

San Lucas 22:53

Rajlal kutan xinwank chaq sa' eeyanq sa' rochoch li Yos, ut ink'a' xetaqsi chaq leeruq' chinchapb'al; ab'anan a'an a'in leehonal, naq nanumtaak xwankil li aak'ab'.

Colosenses 1:13

A'an ki'isink qe sa' xwankil li aak'ab' ut kooroksi sa' li x'awab'ejihom li xraarookil Alal

Hebreos 7:26

A'an a'in li xyuwa'il aj tij li tz'aqal aajel ru cho'q qe: sant, maak'a' xmaak, maak'a' xmuxul, jek'b'il rik'ineb' laj maak, kitaqsiik toj sa xb'een li choxa.

2 Corintios 5:21

Li Kriist ink'a' xnawom ru li maak, ut A'an kik'ehe'k cho'q maak xb'aan li Yos sa' qak'ab'a', re naq sa' xk'ab'a' li Kriist toowanq sa' li tiikil ch'oolej nachalk rik'in li Yos.

Hechos 1:3

Chirix naq ak xk'ul li rahilal, kixk'ut rib' chiruheb', rik'in k'iila eetalil, naq tz'aqal yo'yo: chiru ka'k'aal kutan kixk'ut rib' chiruheb' ut kiraatinaheb' chirix li xnimajwal awab'ejihom li Yos.

San Lucas 1:35

Kichaq'ok li ánjel ut kixye re: —Li Santil Musiq'ej taachalq sa' aab'een ut li xwankil li Nimajwal Yos taamuheelanq aawe. Jo'kan naq santaq li k'uula'al taayo'laaq aawik'in, ut Ralal li Yos tixk'ab'a'in.

1 Pedro 1:19

xexkole'k b'an rik'in li xloq'laj kik'el li karneer maak'a' reek' ut maak'a' xmuxul, a'an li Kriist.

1 Juan 5:18

Naqanaw naq chixjunil ani yo'lajenaq rik'in li Yos, ink'a' chik namaakob'k, nak'aak'aleek b'an xb'aan li Ralal li Yos, ut li maa'us ink'a' naru tixch'e'.