San Juan 14:27 - Q'eqchi Bible

²⁷ “Li tuqtuukil usilal ninkanab' eerik'in, lintuqtuukil usilal nink'e eere; ink'a' nink'e eere kama' naxk'e li ruuchich'och'. Misachk eech'ool chi k'oxlak, chi moko chexxiwaq.

Li Santil hu

²⁷ La̱in tincanab li tuktu̱quil usilal e̱riqꞌuin nak tinxic. Li tuktu̱quil usilal li tinqꞌue e̱re moco joꞌ ta li nequeꞌxqꞌue li cuanqueb saꞌ ruchichꞌochꞌ. La̱in tinqꞌue xtuktu̱quilal le̱ chꞌo̱l. Mexcꞌoxlac chi moco texxucuak.

San Juan 14:27 ပူးပေါင်းရင်းမြစ်များ

Filipenses 4:7

Ut li tuqtuukil usilal li nachalk rik'in li Yos ut naxq'ax ru chixjunil li na'leb', tixk'uula leech'ool ut leek'a'uxl rik'in li Kristo Jesus.

San Juan 16:33

Xinye a'in eere re naq teetaw tuqtuukil usilal wik'in. Sa' li ruuchich'och' teek'ul li rahilal, ab'anan kawaq eech'ool! Laa'in xinq'ax ru xwankil li ruuchich'och'.

Isaías 41:10

Matxiwak, xb'aan naq wankin aawik'in; matk'oxlak xb'aan naq laa'in laaYos. Laa'in ninkawub'resink ut nintenq'ank aawe, kaw nakatinchap rik'in li wuq' li jwal kaw rib'.

2 Ts 3:16

A' taxaq li xQaawa' li tuqtuukil usilal chik'ehoq eere li tuqtuukilal chi junelik ut sa' chixjunil. Chiwanq taxaq li Qaawa' eerik'in chejunilex.

Colosenses 3:15

Li xtuqtuukil usilal li Kriist li kexb'oqe'k wi' sa' junaj chi tz'ejwalej, chitaqlanq taxaq sa' leech'ool; ut chexyoxinq.

2 Timoteo 1:7

Xb'aan naq moko li xiwak ta xqamaatani chaq rik'in li Yos, a' b'an li xkawub' qach'ool, li rahok ut kuyuk ib'.

Romanos 15:13

A' taxaq li Yos li nak'ehok xnimal qoyb'enihom chinujob'resinq eere rik'in chixjunil li sahil ch'oolej ut tuqtuukilal sa' leepaab'aal, re naq numtajenaqaq leeroyb'enihom xb'aan xwankil li Santil Musiq'ej.

Números 6:26

A' taxaq li Qaawa' chi'iloq aawe sa' xrahom ut chixk'e aawe li tuqtuukilal».

Romanos 8:6

Wi naqataaqe li k'a' re ru naxrahi li tz'ejwalej, a' li kamk toxooraqe'q wi'; ab'an wi naqataaqe li naxrahi li musiq'ej, tqataw li yu'amej ut li tuqtuukil usilal.

Jeremías 1:8

Maaxiwa ruheb' li tenamit, xb'aan naq wankin aawik'in re aakolb'al. Laa'in, li Qaawa', ninye li waatin”.

Gálatas 1:3

chiwanq taxaq eerik'in li usilal ut li tuqtuukilal nachalk rik'in li Yos li qaYuwa' ut rik'in li Qaawa' Jesukriist.

Gálatas 5:22

A'ut li naruuchin li Musiq'ej a'an li rahok, sahil ch'oolej, tuqtuukilal, kuyuk, chaab'ilal, usilal, paab'ank,

Salmos 29:11

Li Qaawa' naxk'e xwankilal li xtenamit, li Qaawa' narosob'tesi li xtenamit rik'in tuqtuukilal.

Romanos 5:1

Jo'kan utan, tiikob'resinb'il chik li qach'ool xb'aan li paab'aal, ut wanko sa' tuqtuukil usilal rik'in li Yos sa' xk'ab'a' li Qaawa' Jesukriist.

San Juan 14:1

“Misachk eech'ool chi k'oxlak. Chepaab' li Yos ut chineepaab' ajwi' laa'in.

Isaías 9:6

Xb'aan naq jun k'uula'al xyo'laak cho'q qe ut xqamaatani jun ch'ina'al. Li wankilal wanq sa' ruq', ut tixk'ab'a'in: “Xnimal ru aj k'ehol na'leb'”, “Li Yos q'axal kaw rib'”, “Yuwa'b'ej chi junelik”, “Xnimal ru aj k'ehol tuqtuukil usilal”.

Salmos 112:7

Ink'a' naxiwak chi rab'inkil li ink'a' usil esilal, xb'aan naq kaw xch'ool, ut k'ojk'o li raanm rik'in li Qaawa'.

Romanos 5:10

Naq toj xik' naqil chaq li Yos, xook'ame'k wi' chik sa' usilal rik'in sa' xk'ab'a' xkamik li Ralal; ma ink'a' tab'i' q'axal tooxkol chik anaqwan sa' xk'ab'a' li xyu'am naq k'amb'ilo chik sa' usilal rik'in li Yos?

San Juan 20:21

Toja' naq kixye wi' chik li Jesus reheb': —Chiwanq taxaq eerik'in li tuqtuukil usilal. Jo' naq xinxtaqla chaq li Yuwa'b'ej, jo'kan ajwi' naq texintaqla laa'in.

Salmos 56:11

K'ojk'o linch'ool rik'in li Yos ut nink'e xwankil li raatin, k'ojk'o li waanm rik'in li Yos ut nink'e xwankil li raatin;

Salmos 91:5

Ink'a' taaxiwa li ch'a'ajkilal nachalk sa' li q'oqyink chi moko li xiik'ilal nawank chiru li kutan;

Colosenses 1:20

Sa' xk'ab'a' li Kriist ut cho'q re A'an, li Yos kiraj xk'amb'al wi' chik sa' rusilal chixjunil li k'a'aq re ru, rik'in xk'eeb'al sa' tuqtuukilal chixjunil li wank sa' ruuchich'och' ut sa' choxa, sa' xk'ab'a' li xkik'el hoyb'il chiru krus.

Romanos 1:7

Eerik'in chejunilex laa'ex li raarookex xb'aan li Yos aran Roma ut b'oqb'ilex chi wank sa' santilal chiwanq taxaq li usilal ut li tuqtuukilal nachalk rik'in li Yos li qaYuwa' ut rik'in li Qaawa' Jesukriist.

Isaías 54:13

Chixjunileb' laawalal aak'ajol te'tzole'q xb'aan li Qaawa', ut k'ajo'aq li sahilwank toxe'xtaw chixjunileb'.

Salmos 85:10

Nach' chik wank li kolb'a ib' cho'q reheb' li neke'paab'ank re; li xloq'al li Qaawa' taahilanq sa' qana'aj.

1 Corintios 1:3

Chiwanq taxaq eerik'in li usilal ut li tuqtuukilal nachalk rik'in li Yos li qaYuwa' ut rik'in li Qaawa' Jesukriist.

Salmos 56:3

Chi ewu chi eq'la nikine'xsik' eb' li xik' neke'ilok we, makach'in xk'ihaleb' li neke'raj inrahob'tesinkil.

San Juan 20:19

Ewu sa' ajwi' li kutan a'an, li xb'een kutan re li xamaan, naq tz'aptz'ookeb' li rokeb'aal li na'ajej b'ar wankeb' wi' li xtzolom xb'aan xxiweb' chiruheb' laj Judiiy, kiwulak li Jesus, kixk'e rib' sa' xyiheb' ut kixye reheb': —Chiwanq taxaq eerik'in li tuqtuukil usilal!

2 Ts 1:2

Eerik'inaq taxaq li usilal ut li tuqtuukilal nachalk rik'in li Yos Yuwa'b'ej ut li Qaawa' Jesukriist.

Hechos 10:36

A'an kixtaqla chaq li Raatin rik'ineb' li ralal xk'ajol laj Israel chi xjultikankil li xchaab'il esil li tuqtuukilal sa' xk'ab'a' li Jesukriist, a' li xQaawa' chixjunil li ruuchich'och'.

San Lucas 2:14

“Nim li xloq'al li Yos taqe'q ut wank tuqtuukil usilal sa' ruuchich'och' rik'ineb' li raarookeb' xb'aan li Qaawa'”.

San Lucas 1:79

re xkutanob'resinkil li wankeb' sa' aak'ab' ut sa' xmuheel li kamk, ut re xb'eresinkil li qoq sa' xb'ehil li tuqtuukil usilal”.

Hebreos 13:20

Li Yos aj k'ehol tuqtuukilal, li kiwaklesink re li Jesus sa' xyanqeb' li kamenaq, a' li Qaawa', li xnimal ru aj K'aak'alenel karneer sa' xk'ab'a' xkik'elil li junelik Sumwank,

Hechos 18:9

Sa' jun li q'oqyink kixye li Qaawa' re laj Pablo sa' moy u: “Matxiwak! Toj aatinan wan ut matkanaak chi ch'anch'o,

San Mateo 10:26

“Jo'kan utan mexxiwak chiruheb', xb'aan naq maak'a' wank chi moymo li ink'a' ta taa'elq chi kutankil, chi moko wank k'aru chi muqmu li ink'a' ta taanawmanq.

Isaías 55:12

K'ajo'aq xsahil eech'ool naq tex'elq Babilonia; sa' tuqtuukilal texk'ame'q chaq wi' chik sa' leena'aj. Naq eb' li tzuul ut eb' li b'ool texrileb' chi chalk, te'xjap re chi b'ichank, ut chixjunileb' li k'iche' te'xpoq'poq'i li ruq'eb' cherilb'al.

Salmos 27:1

Xsaalm laj David. Li Qaawa' a'an linkutan saqenk ut laj kolol we: ani tinxiwa ru? Li Qaawa' a'an li xkawilal linyu'am: k'a' naq siksootqin?

Apocalipsis 2:10

Maaxiwa li b'arwan ok aawe chi xkuyb'al: wankeb' sa' eeyanq te'k'ehe'q sa' tz'alam xb'aan laj tza re taayale'q eerix. Teek'ul xninqal rahilal, ab'an ka'ajwi' yal chiru lajeeb' kutan. Tiikaq aach'ool toj reetal sa' laakamik, ut tink'e aawe li Yu'am cho'q aaq'ajkamunkil.

Apocalipsis 1:4

Laa'in laj Jwan nintz'iib'ak rik'ineb' li wuqub' chi Iklees li wankeb' Asia. Usilal ut tuqtuukilal chiwanq taxaq eerik'in sa' xk'ab'a' li wank, li ak wan chaq ut chaalel, sa' xk'ab'a' li wuqub' chi Musiq'ej li wankeb' chiru li xnimajwal k'ojarib'aal

Hebreos 7:2

A'an kik'uluk li xlajeetqil chixjunil sa' ruq' laj Abrahán. Li xk'ab'a' naraj naxye xb'enwa: “awab'ej re li tiikilal”; jo' ajwi' “awab'ej re Salem” (naraj naxye: “awab'ej re li tuqtuukilal”).

San Juan 20:26

Waqxaqib'aq kutan xnumik a'an, wankeb' wi' chik sa' kab'l eb' li xtzolom ut laj Tomás wank sa' xyanqeb'. Kiwulak li Jesus chi tz'aptz'ookeb' li okeb'aal, kixk'e rib' sa' xyiheb' ut kixye: —Chiwanq taxaq eerik'in li tuqtuukil usilal!

Ezequiel 2:6

“Ut laa'at, kaamel winq, maaxiwa ruheb' chi moko tatxiwaq xb'aan li k'aru te'xye aawe, us ta chanchan naq sutsuuqat sa' li k'ix malaj wanqat ta sa' xyanqeb' laj xook'. Matxiwak rik'in li k'aru te'xye chi moko naq te'josq'o'q chawu, xb'aan naq q'axal kaw li xjolomeb'.

Salmos 28:3

Minaasaapu rochb'eeneb' li ink'a' useb' xch'ool, chi moko rochb'eeneb' laj b'aanuhom maa'usilal, eb' li neke'xpak' xsahilaleb' xch'ool rik'ineb' li ras riitz'in, ab'an a' chik li b'alaq'il wank sa' raanmeb'.

Daniel 4:1

A'an a'in li esil kixtaqla laj Nabukodonosor, li awab'ej, reheb' chixjunil li poyanam ut tenamit li wankatqeb' sa' ruuchich'och', a' yaal chanru li raatinob'aaleb': Chiwanq taxaq tuqtuukil usilal chi numtajenaq sa' eeyanq chejunilex.

Proverbios 3:25

Ink'a' taaxiwa li rahilal taachalq chi junpaat, chi moko li xsachikeb' li ink'a' useb' xch'ool,

Apocalipsis 21:8

A'ut eb' laj xiw, li ink'a' neke'paab'ank, eb' li tz'i'b'eetal xna'leb', eb' laj kamsinel ras riitz'in, eb' laj muxuleb' rib', eb' laj tuul, eb' laj loq'oninel li yal k'oxlanb'il yos ut chixjunileb' laj tik'ti', taawanq xna'ajeb' sa' li palaw yo xxamlel ut k'ajo' xtiqwal: a'an a'in li xkab' kamk”.

Gálatas 6:16

Tuqtuukilal ut uxtaanal chiwanq taxaq rik'in chixjunileb' li te'paab'anq re li chaq'rab' a'in; jo'kanaq ajwi' rik'in chixjunil li x'Israel li Yos.

San Lucas 10:5

Sa' li kab'l toxex'okaq wi', cheye xb'enwa: «Chiwanq taxaq tuqtuukil usilal sa' li kab'l a'in».

Zacarías 6:13

A'an taayiib'anq re li rochoch li Qaawa' ut tixk'ul xloq'al cho'q awab'ej; taak'ojlaaq sa' li xk'ojarib'aal chi awab'ejink. Laj tij taawanq chi xk'atq, ut li awab'ej ut laj tij te'wanq sa' tuqtuukilal ut sa' junaj ru ch'oolejil».

Isaías 57:19

ut tink'eheb' chi b'ichank chi saheb' sa' xch'ool: «Chiwanq tuqtuukilal rik'ineb' li wankeb' chaq chi najt ut cho'q reheb' ajwi' li wankeb' chi nach' -cha'aq li Qaawa'-. Laa'in tink'irtasiheb'».

Salmos 72:7

Chi'atz'umaq li tiikil ch'oolej naq wanq chi awab'ejil; k'ajo'aq li tuqtuukilal jo' najtil twanq li po sa' xb'een li ruuchich'och'.

Colosenses 1:2

nintz'iib'ak rik'ineb' laj santil paab'anel aj Kolosas, eb' li was wiitz'in li neke'xk'e xch'ool chi paab'ank sa' xk'ab'a' li Kriist. Chiwanq taxaq eerik'in li usilal ut li tuqtuukilal nachalk rik'in li Yos, li qaYuwa'.

San Lucas 12:4

“Ninye eere laa'ex wamiiw: Meexiwaheb' ru li neke'kamsink re li tz'ejwalej, ab'an moqon maak'a' chik te'ruuq xb'aanunkil.

Isaías 41:14

Matxiwak, a Jakob, mich'inank aach'ool, a Israel: us ta jwal kach'inat ut maak'a' aametz'ew, laa'in nintenq'ank aawe -chan li Qaawa'-. Laa'in, li xSant laj Israel, laj Kolol aawe.

Daniel 6:25

Toja' naq laj Darío, li awab'ej, kixk'e chi tz'iib'aak li esil a'in reheb' chixjunil li tenamit ut poyanam li wankatqeb' sa' ruuchich'och', a' yaal chanru li raatinob'aaleb': “Chiwanq taxaq tuqtuukil usilal chi numtajenaq sa' eeyanq chejunilex.

Isaías 12:2

A' li Yos nakolok we; k'ojk'o li waanm rik'in ut maak'a' ninxiwa. Li Qaawa' a'an linkawilal ut linmetz'ew, a'an laj kolol we”.

Salmos 11:1

Re li xjolomileb' laj b'ichanel. Xsaalm laj David. Rik'in li Qaawa' ninmuhenk. K'a'ut naq nekeye we: “Elelin sa' k'iche' jo' junaq xik'anel xul?

Li xHu LAJ JOB 34:29

Ab'anan wi li Yos ink'a' na'aatinak, ani truuq tixye naq moko us ta a'an? Wi tixmuq rib', ani taaruhanq chi rilb'al ru? A'an na'ilok reheb' chixjunil li tenamit sa' ruuchich'och',

Lamentaciones 3:17

Maak'a' chik tuqtuukil usilal sa' li waanm ut xsachk sa' inch'ool k'aru li sahil ch'oolej.

Salmos 72:2

Chixjolomi taxaq laatenamit sa' tiikilal, ut eb' li neb'a' chixb'eresiheb' sa' xyaalalil.

2 Crónicas 20:30

Chalen sa' li kutan a'an li x'awab'ejom laj Josafat kiwank sa' tuqtuukilal, xb'aan naq li Qaawa' li xYos kixk'eheb' chi wank sa' xyaalal chixjunileb' li wankeb' chi xsutam.