San Juan 14:21 - Q'eqchi Bible

²¹ Ani aj ik'in wankeb' linchaq'rab', wi naxpaab' li neke'xye, a'an li narahok we. Ut li narahok we, taarahe'q xb'aan linYuwa'; ut laa'in ajwi' tinra ut tink'ut wib' chiru”.

Li Santil hu

²¹ Li ani naxcꞌul lin chakꞌrab ut naxba̱nu li naxye, aꞌan li narahoc cue. Li ani narahoc cue naraheꞌ ajcuiꞌ xban lin Yucuaꞌ. Ut la̱in tinra ajcuiꞌ aꞌan ut tincꞌutbesi cuib chiru, chan li Jesús reheb lix tzolom.

San Juan 14:21 ပူးပေါင်းရင်းမြစ်များ

San Juan 14:15

“Wi nikineera, teepaab' linchaq'rab',

1 Juan 5:3

Xb'aan naq a'an a'in li xraab'al li Yos: naq chiqapaab' eb' li xchaq'rab'. Ut eb' li xchaq'rab' moko aaleb' ta,

1 Juan 2:5

A'ut li naxpaab' li Raatin, relik chi yaal naq li xraab'al li Yos tz'aqlojenaq re ru rik'in. A'an naqanaw wi' naq wanko rik'in.

2 Juan 1:6

A'an a'in li rahok: naq choowanq jo' chanru naxye li xchaq'rab' li Yos. A'an a'in li chaq'rab' (jo' chanru eerab'ihom chalen chaq sa' xtiklajik), naq chexb'eeq sa' li rahok.

Deuteronomio 11:13

“Wi laa'ex teepaab' chi tz'aqal re ru li chaq'rab' nekexintaqla wi' sa' li kutan a'in, wi teera li Qaawa' leeYos ut texk'anjelaq chiru chi anchal eech'ool ut chi anchal eeraanm,

San Juan 16:27

xb'aan naq a' ajwi' li Yuwa'b'ej narahok eere. A'an nekexra laa'ex xb'aan naq nikineera ut kaw nekepaab' naq rik'in li Yos elenaqin chaq.

San Lucas 11:28

Kichaq'ok li Jesus ut kixye: —Us b'an xaq reheb' li neke'ab'ink re li raatin li Yos ut neke'xk'uula sa' xch'ooleb'!

San Juan 15:14

Laa'ex li wamiiw wi nekeb'aanu li nekexintaqla wi'.

Apocalipsis 3:20

«K'e reetal, wankin arin ut yookin chi toch'ok re li kab'l: wi ani taa'ab'inq re xyaab' linkux ut tixte li okeb'aal, tin'ok ut tintzekanq rik'in ut a'an wik'in.

Apocalipsis 22:14

Us xaq reheb' li neke'xpuch' li raq'eb': chi jo'kan te'ruuq chi tz'aqk rik'in li che' nak'ehok yu'am ut te'ok sa'eb' li rokeb'aal li tenamit.

2 Corintios 4:6

Xb'aan naq li Yos li kiyehok: “Chilemtz'unq li saqenk sa' li aak'ab'”, a'an ajwi' xk'ehok chi lemtz'unk li saqenk sa' li qach'ool re naq taakutano'q li xloq'al li Yos li nalemtz'unk sa' xnaq' ru li Kriist.

Apocalipsis 2:17

Ani wank xxik, chirab'ihaq li naxye li Musiq'ej reheb' li Iklees: Li taaq'axoq u tink'e chi xtzeka li muqmuukil mana'. Tink'e ajwi' jun xch'ina saqi pek, let'exinb'ilaq chiru li ch'ina pek jun ak' k'ab'a'ej li maa'ani nanawok re, ka'ajwi' li taak'uluq re».

San Juan 17:23

wanqin rik'ineb' ut laa'at wik'in re naq tz'aqalaqeb' re ru sa' li junajil ut chixnaw li ruuchich'och' naq laa'at xattaqlank chaq we ut xaraheb' jo' naq xinaara laa'in.

Salmos 35:27

Che'b'ichanq ut chisaho'q sa' xch'ooleb' jo'k'ihal li neke'raj naq us tin'elq; junelik che'xyehaq: “Rajawal nim li Qaawa', li nasaho'k xch'ool rik'in naq us na'elk laj k'anjel chiru!”.

1 Juan 3:1

K'ehomaq reetal, k'ajo' xnimal li qaraab'al xk'ehom qe li Yuwa'b'ej: naq ralal xk'ajol li Yos naqak'ab'a'in, ut relik chi yaal naq laa'o ajwi'. Li ruuchich'och' ink'a' naxnaw qu xb'aan naq ink'a' xnawom ru A'an.

Sofonías 3:17

Li Qaawa' laaYos wank aawik'in: A'an q'axal nim xwankil ut tatxkol. K'ajo' naq tsaho'q xch'ool sa' laak'ab'a'! Rik'in li xrahom tix'ak'ob'resi laayu'am, ut taab'ichanq xb'aan xsahil xch'ool

2 Ts 2:16

A'aj tawi' li Qaawa' Jesukriist ut li Yos li qaYuwa', li xrahok qe ut, xb'aan xnimal rusilal, xk'e qe jun xk'ojob'ankil qach'ool li ink'a' nalajk na'oso'k jo'wi' xnimal xsahil li qaanm chi oyb'enink,

Jeremías 31:31

“Chalk re li kutan -chan li Qaawa'- naq laa'in tink'ojob' jun ak' Sumwank rik'ineb' laj Israel ut eb' laj Judá,

San Juan 16:14

A'an tixk'e inloq'al xb'aan naq tixk'ul li k'aru we ut tolxye resil eere.

San Juan 14:18

“Ink'a' texinkanab' eejunes jo' maak'a' leena' leeyuwa': tinchalq wi' chik eerik'in.

2 Timoteo 4:22

Li Qaawa' chiwanq taxaq aawik'in. Li rusilal li Yos chiwanq taxaq eerik'in.

2 Corintios 3:18

Chiqajunilo laa'o li naqajalam'uuchi xloq'al li Qaawa' jo' sa' junaq lem chi maak'a' xtz'apb'al li xnaq' qu, yooko chi jalano'k jo' tz'aqal A'an: rajlal yo chi k'ihank li qaloq'al; ut a'in naxb'aanu li Qaawa' xb'aan naq a'an Musiq'ej.

Hechos 22:18

kiwil li Qaawa' yo chi xyeeb'al we: «Seeb'a aawib' ut elen chi junpaat Jerusalén xb'aan naq ink'a' te'xk'ulub'an laawaatin taaye chiwix».

2 Corintios 12:8

Ox wa xintz'aama chiru li Qaawa' naq chinajto'q wik'in.

Éxodo 33:18

Toja' naq laj Moisés kixye: “Nintz'aama chawu naq tinaakanab' chi rilb'al laaloq'al”.

Deuteronomio 7:13

Tatxra, tatrosob'tesi, tatnaab'alob'resi, trosob'tesiheb' laawalal aak'ajol ut laawawimq: laawixim, laawuk'a', laa'aseeyt, eb' li ral laawakax, eb' li ral laakarneer, sa' li ch'och' kixyeechi'i reheb' laana' laayuwa' cho'q aawe laa'at.

Proverbios 8:17

Laa'in ninraheb' li nake'rahok we; ut eb' li nikine'xsik' chi anchaleb' xch'ool, nikine'xtaw.

2 Reyes 18:6

Kixk'ojob' xch'ool rik'in li Qaawa' ut maajun wa kirisi rib' rik'in. Kixpaab' li xchaq'rab' li Qaawa' xk'ehom re laj Moisés.