San Juan 14:20 - Q'eqchi Bible

²⁰ Sa' li kutan a'an teenaw naq laa'in wankin rik'in linYuwa', ut laa'ex wankex wik'in ut laa'in eerik'in.

Li Santil hu

²⁰ Toj saꞌ li cutan aꞌan la̱ex te̱qꞌue retal nak li Yucuaꞌbej cuan cuiqꞌuin ut la̱in cuanquin riqꞌuin aꞌan. Junaj ku chi kibil kib. Ut la̱ex cua̱nkex cuiqꞌuin ut la̱in cua̱nkin e̱riqꞌuin.

San Juan 14:20 ပူးပေါင်းရင်းမြစ်များ

San Juan 17:26

Laa'in xink'e chixnaweb' anihat laa'at ut toj tink'e chik chixnaweb', re naq laarahom xinaara wi' wanq rik'ineb' ut laa'in wanqin rik'ineb'”.

Gálatas 2:20

Moko laa'in ta chik yo'yookin, a' b'an li Kriist yo'yo wik'in. Linyu'am li wank sa' ruuchich'och' anaqwan, wank chik rik'in naq ninpaab' li Ralal li Yos li kirahok we ut kixq'axtesi rib' sa' ink'ab'a'.

1 Juan 4:12

Li Yos maajun sut ki'ile'k ru xb'aan anihaq. Wi laa'o naqara qib' chiqib'il qib', li Yos wank qik'in chi junelik ut li xrahom tz'aqal re ru qik'in.

San Juan 14:10

Ma ink'a' nakapaab' naq laa'in wankin rik'in li Yuwa'b'ej ut li Yuwa'b'ej wank wik'in? Eb' li aatin li ninye eere, moko injunes ta wib' naq ninye; a' li Yuwa'b'ej li wank wik'in, a'an li nab'aanunk re li k'anjel.

Romanos 8:1

Jo'kan utan, maak'a' chik tojb'amaak sa' xb'eeneb' li wankeb' rik'in li Kristo Jesus.

San Juan 10:38

Ab'anan, wi ninb'aanu, us ta ink'a' nikineepaab' laa'in, paab'omaq li k'anjel ninb'aanu. Chi jo'kan teek'e reetal ut teenaw chi junajwa naq li Yuwa'b'ej wank wik'in ut laa'in wankin rik'in li Yuwa'b'ej.

2 Corintios 13:5

K'ehomaq reetal leeyu'am ma tz'aqal yookex sa' li paab'aal. Yalomaq eerix. Ma ink'a' nekek'e reetal naq li Jesukriist wank eerik'in? Mare anchal ak xk'utunk sa' xyalb'al eerix naq ink'a' us leech'ool.

Colosenses 1:27

Li Yos kiraj xk'utb'al chiruheb' a'an li xchamal xsasal li xloq'al li muqmuukil na'leb' a'in sa' xyanqeb' li maawa'eb' aj Judiiy, a' li Kriist li wank eerik'in, li k'ojk'o wi' leech'ool chi royb'eninkil xnimal eeloq'al.

San Juan 16:26

Sa' li kutan a'an textz'aamanq sa' ink'ab'a', ut moko tinye ta eere naq laa'in tintz'aamanq chiru li Yuwa'b'ej cherix,

Colosenses 2:9

Xb'aan naq rik'in li Kriist wank xtz'aqlojik li Yosilal chi yaal,

Colosenses 1:19

Xb'aan naq ki'alaak sa' xch'ool li Yos naq rik'in a'an chiwanq xtz'aqlojik ru chixjunil.

San Juan 6:56

Ani natzekank re lintz'ejwal ut naruk' linkik'el, nakanaak wik'in ut laa'in rik'in.

2 Corintios 5:17

Jo'kan utan, li ani wank rik'in li Kriist, a'an ak' yoob'tesinb'il chik. Ak xnume'k li k'a'aq re ru q'eel, ut ak' chik chixjunil!

San Juan 17:11

“Ink'a' chik tinwanq sa' li ruuchich'och', a'ut eb' a'an wankeb' sa' ruuchich'och', ut laa'in xik we aawik'in. At inSantil Yuwa', rik'in xwankil laak'ab'a' chawileb' li xak'eheb' we, re naq junaqeb' a'an jo' naq juno laa'o chiqib'il.

San Juan 16:23

“Sa' li kutan a'an maak'a' teetz'aama chiwu. Relik chi yaal ninye eere: li k'aru teetz'aama chiru li Yuwa'b'ej, tixk'e eere sa' ink'ab'a'.

Efesios 2:10

Relik chi yaal naq laa'o xb'aanuhomo li Yos, yoob'tesinb'ilo sa' xk'ab'a' li Kristo Jesus, re naq tqab'aanu li chaab'il k'anjel teneb'anb'il sa' qab'een, jo' chanru kixk'uub' li Yos chi junxilaj.

1 Corintios 1:30

Yal xb'aan rusilal li Yos naq wankex rik'in li Kristo Jesus: a'in kixaqab'aak xb'aan li Yos cho'q aj k'ehol qana'leb', cho'q xyo'leb'aal li tiikil ch'oolej jo'wi' xyo'leb'aal li santob'resink ut li kolb'a ib',

San Juan 17:7

Anaqwan ak neke'xnaw naq chixjunil li xak'e chaq we, aawik'in chalenaq chaq,

2 Corintios 12:2

Ninnaw ru jun li winq aj paab'anel re li Kriist, kaalaju chihab' anaqwan xsaapuuk toj sa' rox xk'ojaril li choxa (ink'a' ninnaw ma chi yo'yo malaj yal sa' moy u; li Yos nanawok re).

2 Corintios 5:19

Li Yos kixk'am wi' chik sa' usilal li ruuchich'och' rik'in, sa' xk'ab'a' li Kriist: ink'a' kixk'e sa' xch'ool li xmaakeb' li tenamit, ut kixq'axtesi qe li aatin chirix li k'amok ib' sa' usilal rik'in.

Romanos 16:7

Chek'e xsahil xch'ool laj Andróniko ut lix Junia, wech tenamituleb' ut wech preexileb', xninqaleb' ru apóstol ut xb'eeneb' ajwi' chi xpaab'ankil li Kriist chiwu laa'in.

San Juan 14:11

Paab'omaq naq laa'in wankin rik'in li Yuwa'b'ej ut li Yuwa'b'ej wank wik'in. Wi ink'a', paab'omaq sa' xk'ab'a'eb' li xninqal ru inb'aanuhom.