San Juan 14:16 - Q'eqchi Bible

¹⁶ ut laa'in tintz'aamanq tin'elajinq chiru li Yuwa'b'ej, ut a'an tixtaqla chaq jun chik aj K'ojob'anel ch'ool re naq twanq eerik'in chi junelik:

Li Santil hu

¹⁶ La̱in tintzꞌa̱ma chiru lin Yucuaꞌ nak tixqꞌue e̱re li Santil Musikꞌej. Aꞌan ta̱cꞌojoba̱nk e̱chꞌo̱l ut aꞌan ta̱tenkꞌa̱nk e̱re. Aꞌan ta̱cua̱nk e̱riqꞌuin chi junelic.

San Juan 14:16 ပူးပေါင်းရင်းမြစ်များ

San Juan 14:26

Ab'an laj K'ojob'anel ch'ool, a' li Santil Musiq'ej li tixtaqla chaq li Yuwa'b'ej sa' ink'ab'a', a'an textzol chirix chixjunil ut tixjultika eere chixjunil li xinye eere.

San Juan 15:26

“Naq taachalq laj K'ojob'anel ch'ool li toxintaqla chaq, a' li Musiq'ej re li yaal li nachalk rik'in li Yuwa'b'ej, a'an taa'aatinaq chiwix.

Romanos 15:13

A' taxaq li Yos li nak'ehok xnimal qoyb'enihom chinujob'resinq eere rik'in chixjunil li sahil ch'oolej ut tuqtuukilal sa' leepaab'aal, re naq numtajenaqaq leeroyb'enihom xb'aan xwankil li Santil Musiq'ej.

Gálatas 5:22

A'ut li naruuchin li Musiq'ej a'an li rahok, sahil ch'oolej, tuqtuukilal, kuyuk, chaab'ilal, usilal, paab'ank,

Romanos 14:17

Li xnimajwal awab'ejihom li Yos moko wa uk'a' ta, tiikilal b'an, tuqtuukil usilal ut sahil ch'oolej xb'aan li Santil Musiq'ej.

Hechos 9:31

Sa'eb' li kutan a'an li Iklees wank sa' tuqtuukilal sa' chixjunil Judea, Galilea ut Samaria; yo chi kawuuk jo'wi' chi k'iik rik'in xpaab'ankil li Qaawa'. K'ajo' naq yookeb' chi tamk laj paab'anel rik'in li xk'ojob'ankil xch'ooleb' xb'aan li Santil Musiq'ej.

1 Juan 2:1

Ex inkok'al, nintz'iib'a a'in eerik'in re naq mexmaakob'k; ab'an wi wanq junaq taamaakob'q, wank jun aj aatinanel chiqix chiru li Yuwa'b'ej, a' li Jesukriist, li tiik xch'ool.

San Juan 4:14

a'ut li taa'uk'uq re li ha' tink'e laa'in, maajoq'e chik taachaqiq re: li ha' tink'e laa'in wanq rik'in jo' jun yu'amha' nab'ululnak re li junelik yu'am.

San Mateo 28:20

ut k'utumaq chiruheb' xpaab'ankil chixjunil li xexintaqla wi'. Chenawaq naq laa'in wanqin eerik'in chixjunil li kutan toj sa' roso'jik li ruuchich'och'.

Filipenses 2:1

K'ojk'o linch'ool naq li Kriist xb'oqok eere chi waklesink ch'oolej ut li xrahom nekextaqla chi xk'ojob'ankil xch'ooleb' leeras eeriitz'in; wotz nekextz'aqonk rik'in jun chi Musiq'ej, aj uxtaanex ut chaab'il leeraanm.

Romanos 5:5

ut li oyb'enink ink'a' nab'alaq'ik xb'aan naq ak hoyb'il sa' li qach'ool li xrahom li Yos xb'aan li Santil Musiq'ej k'eeb'il chaq qe.

Hechos 13:52

Ut eb' laj paab'anel ke'kanaak chi nujenaqeb' rik'in Santil Musiq'ej, k'ajo' xsahilaleb' sa' xch'ool.

San Juan 17:15

Ink'a' nintz'aama naq chawisiheb' sa' ruuchich'och', nintz'aama b'an naq chakoleb' chiru li maa'us.

San Juan 14:18

“Ink'a' texinkanab' eejunes jo' maak'a' leena' leeyuwa': tinchalq wi' chik eerik'in.

Hebreos 7:25

Chi jo'kan naru ajwi' tixkoleb' chi tz'aqal re ru eb' li neke'jilok chi xk'atq li Yos sa' li xk'ab'a', xb'aan naq yo'yo chi junelik re aatinak chirixeb'.

Romanos 8:34

Ani taak'ehoq sa' tojb'amaak? Ma li Kristo Jesus li kikamk, ab'an kiwakliik wi' chik chi yo'yo? Anaqwan a'an wank sa' xnim uq' li Yos ut na'aatinak chaq chiqix.

San Juan 14:14

Wi wank k'aru teetz'aama sa' ink'ab'a', laa'in tinb'aanunq re.

San Juan 17:20

“Moko ka'aj ta wi' chirixeb' a'in nintijok, nintijok aj b'an wi' chirixeb' li te'paab'anq we sa' xk'ab'a' li raatineb' a'an,

San Juan 16:22

Jo'kan ajwi' laa'ex ra sa' eech'ool anaqwan, ab'anan tolwil wi' chik eeru ut taasaho'q leech'ool, ut li xsahil eech'ool maa'ani truuq taamaq'oq cheru.

2 Ts 2:16

A'aj tawi' li Qaawa' Jesukriist ut li Yos li qaYuwa', li xrahok qe ut, xb'aan xnimal rusilal, xk'e qe jun xk'ojob'ankil qach'ool li ink'a' nalajk na'oso'k jo'wi' xnimal xsahil li qaanm chi oyb'enink,

San Juan 7:39

Kixye a'in chirix li Musiq'ej li te'xk'ul eb' li te'paab'anq re: sa' li kutan a'an toj maak'a' li Musiq'ej xb'aan naq li Jesus toj maji' nanimaak xloq'al.

Hechos 1:4

Ut sa' jun li kutan, naq yo chi wa'ak rochb'eeneb' sa' meex, kixchaq'rab'iheb' chi jo'ka'in: —Mex'elk Jerusalén, cheroyb'eni b'an li xyeechi'om li Yuwa'b'ej li xerab'i wik'in.

1 Juan 2:27

Ab'an toj wank eerik'in li Santil Musiq'ej li xexxsantob'resi wi' li Jesus ut ink'a' na'ajmank ru naq ani taatzoloq eere, xb'aan naq li Musiq'ej li santob'resinb'ilex wi', a'an natzolok eere chirix chixjunil, ut a'an yaal, maawa' tik'ti'. Jo'kan naq wanqex junelik rik'in li Jesus jo' chanru tzolb'ilex wi' xb'aan.

2 Juan 1:2

Nekeb'inra sa' xk'ab'a' li yaal li nawank qik'in ut taawanq qik'in chi junelik.