San Juan 14:12 - Q'eqchi Bible

¹² Relik chi yaal ninye eere: ani napaab'ank we, a'an ajwi' tixb'aanu li xninqal b'aanuhom li ninb'aanu laa'in, ut q'axal ninqeb' chik chiruheb' a'in tixb'aanu, xb'aan naq xik we rik'in li Yuwa'b'ej.

Li Santil hu

¹² Relic chi ya̱l ninye e̱re, li ani napa̱ban cue la̱in, aꞌan tixba̱nu li cꞌanjel ninba̱nu la̱in. Ut kꞌaxal cuiꞌchic nabal li tixba̱nu chiru li xinba̱nu la̱in xban nak la̱in xic cue riqꞌuin li Yucuaꞌbej.

San Juan 14:12 ပူးပေါင်းရင်းမြစ်များ

San Mateo 21:21

Kichaq'ok li Jesus ut kixye reheb': —Relik chi yaal ninye eere: wi wanq leepaab'aal ut ink'a' taawiib'anq leech'ool, moko ka'aj ta wi' li xinb'aanu laa'in re li xche'el li iig teeb'aanu laa'ex, taaruuq aj b'an wi' teeye re li tzuul a'in: «Elen ut kut aawib' sa' palaw», ut taa'uxmanq raj.

San Marcos 16:17

A'aneb' a'in li eetalil li taak'utunq rik'ineb' li te'paab'anq: sa' ink'ab'a' te'isinq maa'us aj musiq'ej, te'aatinaq sa' jalan aatinob'aal,

Hechos 16:18

Chiru naab'al kutan kixb'aanu a'an, toj reetal kititz'k laj Pablo, kixsutq'isi rib' ut kixye re li musiq'ej: —Sa' xk'ab'a' li Jesukriist ninye aawe: Elen rik'in li ixq a'an! Ut sa' ajwi' li honal a'an ki'elk.

Hechos 9:34

Ut laj Pedro kixye re: —At Eneas, li Jesukriist nak'irtasink aawe. Waklin ut yiib' laawarib'aal, chan. Tikto kiwakliik laj Eneas.

Hechos 19:12

ka'ajwi' neke'xnumsi sa' xb'eeneb' li yaj li t'ikr malaj li sut naroksi laj Pablo, neke'k'iraak eb' li yaj, ut eb' li maa'us aj musiq'ej nalaje'elk rik'ineb'.

Hechos 9:40

Toja' naq laj Pedro kirisiheb' chixjunil, kixwiq'ib' rib' ut kitijok. Chirix chik a'an kixsutq'isi rib' wan wi' li kamenaq ut kixye: —At Tabitá, waklin! A'an kixte li ru ut, naq kiril laj Pedro, kik'ojlaak.

Hechos 8:7

Naab'aleb' eechaninb'ileb' xb'aaneb' li tz'ajn aj musiq'ej neke'xjap re chi kaw naq eb' laj tza neke'elk rik'ineb'; naab'aleb' ajwi' li sik ut yeq roqeb' ke'k'irtasiik.

Hechos 5:15

neke'xk'ameb' li yaj sa'atqeb' li xaalib'e ut neke'xk'eheb' sa' ch'aat jo'wi' sa' kok' warib'aal re naq, jo'q'e taanume'q laj Pedro, ka'aj taxaq li xmu chimuheelanq re junjunqaq.

Hechos 2:41

Toja' naq eb' li ke'xk'ul li raatin laj Pedro sa' xch'ooleb' ke'kub'siik xha', ut sa' li kutan a'an oxib' mil tana ke'ok sa' xyanqeb' laj paab'anel.

Hechos 4:4

Ab'anan naab'aleb' li ke'ab'ink re li Aatin, ke'xpaab', ut kitamk li komonil: oob' mil tana li xk'ihaleb' li winq.

San Juan 16:7

Ab'anan a' li yaal ninye eere: us cho'q eere naq tinxik, xb'aan naq wi ink'a' tinxik, moko taachalq ta eerik'in laj K'ojob'anel ch'ool; ut wi tinxik, tintaqla chaq a'an eerik'in.

Hechos 2:33

A'in kitaqsiik xb'aan xnim uq' li Yos, kixk'ul rik'in li Yuwa'b'ej li Santil Musiq'ej yeechi'inb'il xb'aan ut kixhoy, jo' yookex chi rilb'al ut chi rab'inkil.

San Juan 7:39

Kixye a'in chirix li Musiq'ej li te'xk'ul eb' li te'paab'anq re: sa' li kutan a'an toj maak'a' li Musiq'ej xb'aan naq li Jesus toj maji' nanimaak xloq'al.

San Juan 7:33

Kixye ut li Jesus: —Toj tinwanq chik kach'inaq eerik'in, toja' naq tinxik rik'in li kitaqlank chaq we.

Romanos 15:19

rik'in xninqal ru eetalil ut sachb'ach'oolej ut rik'in xnimal xwankil li xMusiq' li Yos. Xinraqe'k xpuktesinkil li xChaab'il Esil li Kriist: xintikib' chaq Jerusalén, xinsuti chixjunil li na'ajej toj reetal xinwulak Iliria.

Hechos 6:7

Li Raatin li Yos yo chi puktaak; li xk'ihaleb' laj paab'anel k'ajo' naq yo chi k'ihank aran Jerusalén. Jo'kan ajwi' naab'aleb' laj tij ke'xk'ul xch'ool li paab'ank.

Hechos 4:16

—K'aru taaqab'aanu reheb' li winq a'in? -chankeb'-. Ch'olch'o chiruheb' chixjunil laj Jerusalén naq eb' a'in xe'xb'aanu chi kutankil jun xnimal eetalil, ut laa'o ink'a' naru tqaye naq moko yaal ta.

San Juan 14:28

Xerab'i naq xinye eere: «Xik we ut tinchalq wi' chik eerik'in». Wi ta nikineera, nasaho'k raj sa' eech'ool naq tinxik rik'in li Yuwa'b'ej, xb'aan naq li Yuwa'b'ej nim xwankil chiwu.

Hechos 10:46

xb'aan naq neke'rab'i chi aatinak sa' jalanil aatinob'aal ut chi xnimankil ru li Yos.

Hechos 4:33

Ut eb' li apóstol neke'xpuktesi resil li xwaklijik chi yo'yo li Qaawa' Jesus rik'in xnimal wankil, ut q'axal sa ilb'ileb' chixjunileb'.

San Marcos 11:13

Kiril chi najt jun toon chi iig wank xxaq, ut koho chi rilb'al ma tixtaw tana junaq li ru. Kiwulak chi xk'atq, ab'anan maak'a' kixtaw, ka'ajwi' li xxaq, xb'aan naq moko xq'ehil ta chi uuchink.

San Juan 4:37

Xb'aan naq rik'in a'in natz'aqlok ru li aatin: «Jun na'awok ut jalan chik naq'olok».

San Juan 5:20

Xb'aan naq li Yuwa'b'ej naxra li K'ajolb'ej ut naxk'ut chiru chixjunil li naxb'aanu. Ut toj wank q'axal chik xninqal ru b'aanuhom chiruheb' a'in tixk'ut chiru, re naq taasachq eech'ool chi rilb'al.