San Juan 14:11 - Q'eqchi Bible

¹¹ Paab'omaq naq laa'in wankin rik'in li Yuwa'b'ej ut li Yuwa'b'ej wank wik'in. Wi ink'a', paab'omaq sa' xk'ab'a'eb' li xninqal ru inb'aanuhom.

Li Santil hu

¹¹ Chepa̱b nak la̱in cuanquin riqꞌuin li Yucuaꞌbej ut aꞌan cuan cuiqꞌuin. Junaj ku chi kibil kib. Cui incꞌaꞌ niquine̱pa̱b xban li cꞌaꞌru ninye, chine̱pa̱bak xbaneb li milagro li yo̱quin chixba̱nunquil.

San Juan 14:11 ပူးပေါင်းရင်းမြစ်များ

San Juan 10:38

Ab'anan, wi ninb'aanu, us ta ink'a' nikineepaab' laa'in, paab'omaq li k'anjel ninb'aanu. Chi jo'kan teek'e reetal ut teenaw chi junajwa naq li Yuwa'b'ej wank wik'in ut laa'in wankin rik'in li Yuwa'b'ej.

San Juan 5:36

Ab'an laa'in wank k'aru na'aatinak chiwix q'axal nim xwankil chiru laj Jwan, a' li xnimal k'anjel li kixk'e chinb'aanu li Yuwa'b'ej. Xb'aan naq li k'anjel yookin chi xb'aanunkil na'aatinak chiwix ut naxye naq li Yuwa'b'ej kitaqlank chaq we.

San Juan 10:25

Kichaq'ok li Jesus ut kixye: —Ak xinye eere, ab'an ink'a' nekepaab'. Li k'anjel nalajinb'aanu sa' xk'ab'a' linYuwa', a'an na'aatinak chiwix;

San Juan 14:10

Ma ink'a' nakapaab' naq laa'in wankin rik'in li Yuwa'b'ej ut li Yuwa'b'ej wank wik'in? Eb' li aatin li ninye eere, moko injunes ta wib' naq ninye; a' li Yuwa'b'ej li wank wik'in, a'an li nab'aanunk re li k'anjel.

Hechos 2:22

“Ex aj Israel, ab'ihomaq li aatin a'in: Li Jesus aj Nazaret a'an jun li winq xaqab'anb'il xwankil xb'aan li Yos sa' eeyanq rik'in sachb'ach'oolej, xninqal ru b'aanuhom ut eetalil li kixb'aanu li Yos sa' eeyanq sa' xk'ab'a' a'an, jo' nekenaw ajwi' laa'ex.

Hebreos 2:4

Ut li Yos kixk'ut naq tz'aqal yaal a'an rik'ineb' eetalil ut sachb'ach'oolej, rik'in k'iila paay chi xninqal ru xb'aanuhom, jo'wi' rik'in xjek'inkil li xsimaatan li Santil Musiq'ej, a' yaal chanru rajom xch'ool.

San Juan 10:32

Ut li Jesus kixye reheb': —Naab'al li chaab'il b'aanuhom li neke'chalk rik'in li Yuwa'b'ej xlajink'ut cheru. B'ar wank reheb' a'an li teeraj wi' inkutinkil chi pek?

San Juan 14:20

Sa' li kutan a'an teenaw naq laa'in wankin rik'in linYuwa', ut laa'ex wankex wik'in ut laa'in eerik'in.