San Juan 13:8 - Q'eqchi Bible

⁸ Ut laj Pedro kixye re: —Maajoq'e taach'aj li woq. Kisumeek xb'aan li Jesus: —Wi ink'a' tinch'aj laawoq, ink'a' tattz'aqonq wik'in.

Li Santil hu

⁸ Laj Pedro quixye re: —Ka̱cuaꞌ, ma̱ jokꞌe tinqꞌue li cuok re ta̱chꞌaj, chan. Li Jesús quixye re: —Cui la̱at incꞌaꞌ ta̱qꞌue la̱ cuok re tinchꞌaj, la̱at ma̱cuaꞌat intzolom, chan.

San Juan 13:8 ပူးပေါင်းရင်းမြစ်များ

Tito 3:5

a'an kooxkol maawa' xb'aan ta xtiikilal li k'anjel uxb'il qab'aan, sa' xk'ab'a' b'an li xnimal ruxtaan, rik'in li kub'iha' li naxyoob'tesi ut narak'ob'resi li qayu'am, rik'in li Santil Musiq'ej

Hechos 22:16

Ut anaqwan, k'a' naq nakab'ay aawib'? Waklin ut chikub'eeq laaha'! Chayaab'a xk'ab'a' li Qaawa' ut ch'ajeb' laamaak».

Hebreos 10:22

Jiloqo b'i' chi xk'atq chi anchal qach'ool, chi anchal qapaab'aal, ch'ajob'resinb'ilaq li qach'ool chiru li ink'a' us ut ch'ajb'ilaqo rik'in saq ru ha'.

Efesios 5:26

re xsantob'resinkil: kixch'ajob'resi rik'in li ha' ut li raatin,

1 Corintios 6:11

Jo'ka'in naq xe'wank junjunq sa' eeyanq. Ab'anan xexch'ajob'resiik, xexsantob'resiik ut tiikob'resinb'il chik leech'ool sa' xk'ab'a' li Qaawa' Jesukriist ut rik'in xMusiq' li qaYos.

Ezequiel 36:25

Texinkirkisi chi chaab'il ha', ut ch'ajob'resinb'il chik texkanaaq; twisi eerik'in chixjunil leemaa'usilal ut texinch'ajob'resi re naq ink'a' chik teeloq'oniheb' li jalanil yos.

Apocalipsis 7:14

Kinchaq'ok chiru: “Wa', laa'at nakatnawok re”, chankin re. Ut a'an kixye: “A'aneb' a'in li xe'chalk chaq sa' li xnimal rahilal; xe'xpuch' li raq'eb' ut xe'xsaqob'resi sa' li xkik'el li Karneer.

Apocalipsis 1:5

ut sa' xk'ab'a' li Jesukriist, laj ch'olob'anel xyaalal, li paab'ajel, li xb'een li kiwakliik chi yo'yo sa' xyanqeb' li kamenaq, li nim xwankil sa' xb'eeneb' chixjunil li awab'ej re li ruuchich'och'. A'an narahok qe ut kooxch'ajob'resi chiru li qamaak rik'in li xkik'el.

Colosenses 2:23

Chanchan wi' chaab'il na'leb' li neke'xye, ut xb'aan a'an eb' li tenamit neke'xb'aanu rib' cho'q aj paab'aneleb', neke'xkub'si rib'eb' ut neke'xrahob'tesi li tz'ejwalej. Ab'an chixjunil a'in maak'a' na'ok wi', ka'ajwi' nak'anjelak re xnimob'resinkil li q'etq'etil.

Colosenses 2:18

Maa'ani chimaq'oq cheru leemaatan rik'in xpak'b'al xkub'sinkileb' rib', jo'wi' rik'in xloq'oninkileb' li ánjel. Yal neke'xye naq neke'ilok moy u ut neke'xnimob'resi rib' chi maak'a' xyaalal xb'aan li ruuchich'och'il na'leb'.

San Juan 3:5

Kichaq'ok li Jesus ut kixye: —Relik chi yaal ninye aawe: ani ink'a' taayo'laaq rik'in ha' ut Musiq'ej moko truuq ta taa'ok sa' li xnimajwal awab'ejihom li Yos.

San Mateo 26:33

Toja' naq laj Pedro kixye re: —Us ta chixjunileb' te'luktaaq xch'ool sa' aak'ab'a', ab'an laa'in maa-jaruj taaluktaaq inch'ool.

San Mateo 21:29

Ut a'an kixye: «Ink'a' nawaj». Ab'an moqon chik kiyot'e'k xch'ool ut koho.

Zacarías 13:1

“Sa' li kutan a'an taawanq jun yu'amha', cho'q reheb' li ralal xk'ajol laj David ut cho'q reheb' li wankeb' Jerusalén, re naq te'xch'aj li xmaakeb' ut li xmaa'usilaleb'.

Isaías 4:4

Naq li Qaawa' taarisi li xmaa'usilaleb' laj Sión ut tixkuy xmaakeb' li ke'kamsink aran Jerusalén, naq akaq xch'ajob'resi xsa' li tenamit rik'in li xloq'laj musiq' ut li xxamlel li xjosq'il,

San Mateo 26:35

Kichaq'ok laj Pedro ut kixye: —Us ta tento tinkamq wochb'eenat, ab'an maajaruj tinmuq naq ninnaw aawu. Jo'kan ajwi' ke'xye chixjunileb' li xtzolom.

San Mateo 16:22

Toja' naq aj Pedro kirisi xjunes li Jesus ut ki'ok chi xq'usb'al: —Maajaruj ta xaq, at Qaawa'! Ink'a' taxaq taak'ul chi jo'kan, chan re.

Génesis 42:38

Kichaq'ok laj Jakob ut kixye: “Ink'a' taaxik li walal cherix, xb'aan naq kamenaq chik li ras ut ka'aj chik a'in xkanaak. Mare k'aru tixk'ul sa' b'e naq yooqex chi xik, ut chi jo'kan tineetaqla sa' xna'ajeb' li kamenaq chi ra sa' inch'ool sa' lintiixilal”.

San Juan 13:6

Naq kiwulak wan wi' laj Simón Pedro, a'an kixye re: —Qaawa', ma laa'at tatch'ajoq re li woq?

Deuteronomio 12:12

Aran taasaho'q eech'ool chiru li Qaawa' eerochb'eeneb' leeralal eek'ajol, eb' laj k'anjel cheru jo' winq ut ixq, jo' ajwi' eb' laj Leví li wankeb' sa' eeyanq, xb'aan naq ink'a' xk'ulumeb' li xna'ajeb'.

2 Samuel 20:1

Sa' li tenamit Kilkal kiwank jun li winq ink'a' us xna'leb', aj Sebá xk'ab'a', ralal laj Bikrí, aj Benjamín. A'an kixyaab'asi li xukub' ut kixye: “Laa'o maak'a' wank qe rik'in laj David chi moko wank qeechanihom rik'in li ralal laj Jesé. Ex aj Israel, xikaqo chiqajunilo sa' li qochoch!”, chan.

1 Reyes 12:16

Naq chixjunileb' laj Israel ke'xk'e reetal naq li awab'ej ink'a' kiraj rab'inkileb', ke'xye a'in: “Maak'a' wank qe rik'in laj David! Maak'a' qeechanihom rik'in li ralal laj Jesé! Ex Israel, ayuqex sa' leerochoch chejunjunqal! Ut laa'at, a David, chawil laajunkab'al!”. Toja' naq eb' laj Israel koheb' sa' li xna'ajeb'.

Salmos 51:2

naq kiq'use'k xb'aan laj Natán li propeet, xb'aan naq kixmux rib' rik'in lix Betsabé.

Salmos 51:7

Chak'e reetal naq sa' maak xinyo'laak, ak aj maakin ajwi' chaq naq xinsiyaak rik'in linna'.

San Juan 13:9

Kixye laj Simón Pedro: —Qaawa', moko ka'aj ta wi' li woq taach'aj, taach'aj aj b'an wi' eb' li wuq' ut linjolom.