San Juan 13:34 - Q'eqchi Bible

³⁴ Jun ak' chaq'rab' nink'e eere: naq chera eerib' cherib'il eerib'. Jo' naq xexinra laa'in, jo'kan ajwi' naq chera eerib' cherib'il eerib'.

Li Santil hu

³⁴ Jun li acꞌ chakꞌrab tinqꞌue e̱re anakcuan nak cherahak e̱rib che̱ribil e̱rib. Joꞌ nak nequexinra la̱in, joꞌcan ajcuiꞌ nak te̱ra e̱rib la̱ex che̱ribil e̱rib.

San Juan 13:34 ပူးပေါင်းရင်းမြစ်များ

Efesios 5:2

ut chexwanq sa' li rahok kama' naq kexra li Kriist ut kixq'axtesi rib' sa' qak'ab'a' jo' chaab'il mayej ut loq'laj yeechi'om, sununk xb'ook chiru li Yos.

Levítico 19:18

“Mat-eeqajunk raaxiik' chi moko chak'e sa' aach'ool li rahilal xb'aanuhomeb' laawech tenamitul. Chara laawas aawiitz'in, jo' naq nakara aawib' laa'at. Laa'in li Qaawa'.

San Juan 15:17

A'an a'in li nekexinchaq'rab'i wi', naq chera eerib' cherib'il eerib'.

1 Pedro 1:22

Eech'ajob'resihom leeraanm rik'in xpaab'ankil li yaal, re naq teera eerib' jo' eeras eeriitz'in eerib', chi ink'a' yal pak'b'il. Q'axal b'i' naq cherahaq eerib' chi saqaq ru leech'ool,

Gálatas 6:2

Chetenq'a eerib' cherib'il eerib' chi xk'amb'al leeriiq, ut teepaab' chi jo'kan li xchaq'rab' li Kriist.

1 Juan 3:23

Ut a'an a'in li xchaq'rab': naq choopaab'anq sa' xk'ab'a' li Jesukriist li Ralal ut chiqara qib' chiqib'il qib', jo' chanru naq kooxchaq'rab'i.

1 Juan 4:21

Ut a'an a'in li chaq'rab' qak'ulum rik'in: li narahok re li Yos chixrahaq ajwi' li ras riitz'in.

Santiago 2:8

Us nekeb'aanu wi relik chi yaal nekepaab' li Chaq'rab' nim xwankil jo' naxye li Santil Hu: “Taara laawas aawiitz'in jo' naq nakara aawib' laa'at”.

1 Ts 3:12

Ut li Qaawa' chixk'e taxaq eere naq chik'iiq ut chinumtaaq li rahok eerik'in cherib'il eerib' ut rik'in chixjunileb' leeras eeriitz'in, jo' ajwi' naq nekexqara laa'o,

Romanos 12:10

Jo' tz'aqal eeras eeriitz'in naq chera eerib' cherib'il eerib'; chek'oxla naq q'axal ka'loq' oxloq'eb' leekomon.

2 Juan 1:5

Ut anaqwan nintz'aama chawu, at Qana' (ink'a' yookin chi tz'iib'ak aawik'in chirix jun li ak' chaq'rab', chirix b'an li chaq'rab' li wank qik'in chalen chaq sa' xtiklajik), naq chiqara qib' chiqib'il qib'.

Gálatas 6:10

Jo'kan utan, naq toj naxk'e rib' chiqu, qab'aanuhaq li usilal reheb' chixjunil, ab'anan q'axal chik tqab'aanu reheb' li qech aj paab'anelil.

1 Juan 3:11

Xb'aan naq a'an a'in li esilal xerab'i laa'ex chalen chaq sa' xtiklajik: naq chiqara qib' chiqib'il qib'.

Levítico 19:34

Laj ab'l tenamit li wank sa' eeyanq, cherilaq jo' junaq leerech tenamitul. Cheraheb' jo' naq nekera eerib' laa'ex, xb'aan naq laa'ex ajwi' kex'ab'lo'k chaq aran Ejiipt.

Hebreos 13:1

Chiwanq junelik li rahok ib' sa' eeyanq jo' eeras eeriitz'in eerib'.

2 Ts 1:3

Ex qas qiitz'in, junelik teneb'anb'il sa' qab'een naq toob'anyoxinq re li Yos cherix laa'ex, jo' xk'ulub', xb'aan naq q'axal yo chi k'iik leepaab'aal ut numtajenaq chik nekera eerib' rik'ineb' chixjunil ut chejunjunqal.

Gálatas 5:22

A'ut li naruuchin li Musiq'ej a'an li rahok, sahil ch'oolej, tuqtuukilal, kuyuk, chaab'ilal, usilal, paab'ank,

2 Pedro 1:7

li xloq'oninkil li Yos rik'in wank jo' eeras eeriitz'in eerib', li wank jo' eeras eeriitz'in eerib' rik'in li rahok.

Colosenses 1:4

xb'aan naq xqab'i resil naq nekepaab' li Kristo Jesus ut nekera chixjunileb' laj santil paab'anel

Gálatas 5:6

Xb'aan naq rik'in li Kristo Jesus maak'a' na'ok wi' xk'ulb'al li sirkunsisyon malaj ink'a', ka'aj b'an wi' li paab'aal li naxk'ut rib' rik'in li rahok.

San Juan 17:21

re naq junaqeb' ta chixjunileb'. Jo' naq laa'at, at inYuwa', wankat wik'in ut laa'in aawik'in, jo'kan ajwi' junaqeb' ta a'an qik'in re naq tixpaab' li ruuchich'och' naq laa'at xattaqlank chaq we.

Salmos 119:63

Inkomoneb' chixjunileb' li neke'paab'ank aawe ut neke'xk'anjela, neke'xyu'ami laawaatin.

Salmos 16:3

A'ut eb' a'an naxik xch'ooleb' chirixeb' li yos li wankeb' sa' ruuchich'och', k'ojk'ookeb' li raanm rik'in xwankilaleb'.

San Mateo 5:44

A'ut laa'in ninye eere: Cherahaqeb' li xik' neke'ilok eere ut chextijoq chirixeb' li neke'rahob'tesink eere,

Romanos 13:8

Maak'a'aq eek'as rik'in anihaq, ka'ajaq wi' li xraab'al eerib' cherib'il eerib'. Xb'aan naq ani naxra li ras riitz'in naxb'aanu chi tz'aqal li naxye li Chaq'rab'.

Romanos 13:10

Li rahok ink'a' naxb'aanu raasa re li ras riitz'in. Jo'kan naq li rahok a'an li xtz'aqlojik ru li Chaq'rab'.