San Juan 13:31 - Q'eqchi Bible

³¹ Naq ak x'elk laj Judas, kixye li Jesus: —Anaqwan xnimaak xloq'al li K'ajolb'ej ut li Yos xnimaak xloq'al rik'in.

Li Santil hu

³¹ Nak laj Judas ac x-el saꞌ xya̱nkeb, li Jesús quixye: —Anakcuan xcuulac xkꞌehil nak ta̱cꞌutbesi̱k lin lokꞌal la̱in li Cꞌajolbej ut ta̱cꞌutu̱nk ajcuiꞌ lix lokꞌal li Dios riqꞌuin li cꞌaꞌru tincꞌul la̱in.

San Juan 13:31 ပူးပေါင်းရင်းမြစ်များ

1 Pedro 4:11

Ani wank xmaatan chi aatinak, chixyehaq Raatin li Yos; wi wank ani xk'ulum junaq k'anjel, chixb'aanuuq rik'in li xwankilal nak'ehe'k re xb'aan li Yos, re naq oxloq'oninb'ilaq li Yos rik'in chixjunil sa' xk'ab'a' li Jesukriist. A'an laj eechal re li loq'al ut li wankilal chi junelik q'e kutan. Jo'kan taxaq.

San Juan 14:13

Ut chixjunil li teetz'aama sa' ink'ab'a', laa'in tinb'aanunq re, re naq li Yuwa'b'ej taanimaaq xloq'al rik'in li K'ajolb'ej.

San Juan 7:39

Kixye a'in chirix li Musiq'ej li te'xk'ul eb' li te'paab'anq re: sa' li kutan a'an toj maak'a' li Musiq'ej xb'aan naq li Jesus toj maji' nanimaak xloq'al.

1 Pedro 1:21

Sa' xk'ab'a' li Kriist nekepaab' li Yos, li kiwaklesink re chi yo'yo sa' xyanqeb' li kamenaq ut kixk'e xnimal xloq'al: ut chi jo'kan leepaab'aal ut leeroyb'enihom xaqxookeb' rik'in li Yos.

Efesios 3:10

Chi jo'kan, sa' xk'ab'a' li Iklees, nak'eemank chi nawe'k anaqwan li xnimal xk'a'uxl li Yos chiruheb' li wankeb' xwankil ut neke'taqlank sa' li choxa,

Hechos 3:13

Li xYos laj Abrahán, laj Isahak ut laj Jakob, li xYos eb' li qana' qayuwa' xnima xloq'al li Jesus li xmoos. Laa'ex xexq'axtesink re a'an ut xetz'eqtaana chiru laj Pilaat naq kiraj rach'ab'ankil.

Hechos 2:36

“Che'xnawaq b'i' chixjunileb' li ralal xk'ajol laj Israel naq li Jesus a'in li xek'e laa'ex chiru krus, a'an kixaqab'aak xb'aan li Yos cho'q Qaawa' ut Kriist”.

San Juan 16:14

A'an tixk'e inloq'al xb'aan naq tixk'ul li k'aru we ut tolxye resil eere.

San Juan 12:23

Li Jesus kixsumeheb' ut kixye: —Xwulak xhonal naq taanimaaq xloq'al li K'ajolb'ej.

San Juan 11:4

Naq kirab'i a'in, li Jesus kixye: —Li yajel a'in moko re ta kamk, re b'an xnimal xloq'al li Yos, re naq taanimaaq xloq'al li Ralal li Yos xb'aan a'an.

Filipenses 2:11

ut li junjunq tixch'olob' rik'in xtz'uumal re naq li Jesukriist a'an li Qaawa', re li xnimal xloq'al li Yos Yuwa'b'ej.

Efesios 2:7

re xk'utb'al xnimal li rusilal sa'eb' li kutan chaalel: naq numtajenaq nim li qaraab'al rik'in li Kristo Jesus!

Efesios 1:12

re naq chinimaaq xloq'al qab'aan laa'o li ak junxil xaqxo chaq li qoyb'enihom rik'in li Kriist.

2 Corintios 3:18

Chiqajunilo laa'o li naqajalam'uuchi xloq'al li Qaawa' jo' sa' junaq lem chi maak'a' xtz'apb'al li xnaq' qu, yooko chi jalano'k jo' tz'aqal A'an: rajlal yo chi k'ihank li qaloq'al; ut a'in naxb'aanu li Qaawa' xb'aan naq a'an Musiq'ej.

San Juan 12:28

At inYuwa', chanima xloq'al laak'ab'a'”. Toja' naq kichalk jun xyaab' kuxej sa' choxa: “Ak xinnima xloq'al ut tinnima wi' chik”, chan.

San Lucas 12:50

Wank jun kub'iha' li tento tink'ul ut makach'in naq nayot'e'k inch'ool toj reetal toxtz'aqloq ru!

San Mateo 8:20

Li Jesus kixye re: —Eb' li yak wankeb' xjob' sa' pek ut eb' li xul li neke'rupupik chiru choxa wankeb' xsuk, ab'an li K'ajolb'ej maak'a' wank re b'arwi' tixsotob' li xjolom.

1 Pedro 2:12

Chaab'ilaq taxaq leeyu'am sa' xyanqeb' li tenamit li ink'a' neke'paab'ank, re naq eb' li neke'q'ab'ank eere jo' aj maakex, rik'in rilb'al leechaab'il b'aanuhom te'xnima xloq'al li Yos sa' xkutankil li Ula'aniik.