San Juan 13:2 - Q'eqchi Bible

² Yookeb' chi wa'ak ewu, ut laj Tza ak xk'e sa' xk'a'uxl laj Judas Iskariote, ralal laj Simón, naq tixq'axtesi li Jesus.

Li Santil hu

² Li Jesús yo̱ chi cuaꞌac rochbeneb lix tzolom. Laj tza ac xqꞌue saꞌ xchꞌo̱l laj Judas li ralal laj Simón Iscariote nak tixkꞌaxtesi li Jesús saꞌ rukꞌeb li xicꞌ nequeꞌiloc re.

San Juan 13:2 ပူးပေါင်းရင်းမြစ်များ

Hechos 5:3

Kiyehe'k re xb'aan laj Pedro: —At Ananías, chanru naq laj tza xreechani laach'ool? K'a'ut naq xatik'ti'i li Santil Musiq'ej rik'in xjeb'b'al xtz'aq laach'och'?

Apocalipsis 17:17

Xb'aan naq li Yos xk'ehok sa' xch'ooleb' xb'aanunkil li naraj. Jo'kan naq junajaqeb' li xk'a'uxl chi xq'axtesinkil li xwankilaleb' re li josq' aj xul, toj toxtz'aqloq ru li xyehom li Yos.

Efesios 2:3

Sa' xyanqeb' a'an xoowank ajwi' chiqajunilo junxil: nawulak chiqu li naxrahi li qatz'ejwal, naqab'aanu li naraj li tz'ejwalej ut li ink'a' usil na'leb'; jo'kan naq xoowank chaq rub'el xjosq'il li Yos kama'eb' li junch'ol.

2 Corintios 8:16

B'anyox re li Yos naq xreek'asi xch'ool laj Tito cheraab'al jo' naq q'axal nekexinra laa'in:

San Lucas 22:31

Kixye ajwi' li Qaawa': —At Simón, at Simón! Chanawaq naq laj tza ak xpatz' chaq xwankil re naq texchiq'chiq'iiq kama' li triiw.

San Lucas 22:3

Toja' naq ki'ok laj tza rik'in laj Judas, aj Iskariote xk'ab'a', a'an jun reheb' li Kab'laju.

Nehemías 2:12

Chirix chik a'an kinwakliik chiru q'oqyink wochb'een wiib' oxib' chi winq, ab'an maajun reheb' kinye wi' li k'aru xyehom we li Yos tinb'aanu cho'q re Jerusalén; ut maajun xul kink'am chiwix, ka'ajwi' linkawaay.

Esdras 7:27

Toja' naq laj Esdras kitijok chi kama'in: “Usilaatinanb'il taxaq li Qaawa', xYos eb' li qana' qayuwa', li xtoch'ok xch'ool li awab'ej re naq tixk'e xloq'al li rochoch li Qaawa' aran Jerusalén.

San Juan 13:4

Jo'kan naq kixaqliik naq yo li wa'ak, kirisi li xb'atb'al rib', kixchap jun li t'ikr ut kixb'ak' chi xsa'.

San Mateo 10:4

laj Simón aj Kanahán ut laj Judas Iskariote, a' li kiq'axtesink re.

San Juan 13:11

Naxnaw chi us ani taaq'axtesinq re; jo'kan naq kixye: “Moko chejunil ta ch'ajb'ilex”.