San Juan 13:18 - Q'eqchi Bible

¹⁸ “Ink'a' nin'aatinak cherix chejunilex. Laa'in ninnaw chi us ani li kinsik'eb' chaq ru; ab'anan tento taatz'aqloq ru li Santil Hu: «Li nawa'ok re linwa xtaqsi li roq ruq' sa' inb'een».

Li Santil hu

¹⁸ Incꞌaꞌ yo̱quin chi a̱tinac che̱rix che̱junilex. La̱in ninnau chanru le̱ naꞌleb xban nak la̱in xinsicꞌoc e̱ru. Abanan tento nak ta̱tzꞌaklok ru li tzꞌi̱banbil saꞌ li Santil Hu li naxye chi joꞌcaꞌin: Li jun li nacuaꞌac cuochben, aꞌan li ta̱tzꞌekta̱na̱nk cue.

San Juan 13:18 ပူးပေါင်းရင်းမြစ်များ

Salmos 41:9

“Wank chik rub'el xwankil li xb'alb'a; jiljo anaqwan, ink'a' chik taawakliiq”, chankeb'.

San Mateo 26:23

Kixsumeheb' ut kixye: —A' li xtz'a li ruq' wochb'een sa' li pulaat, a'an li taaq'axtesinq we.

San Juan 17:12

Naq toj wankin rik'ineb', rik'in xwankil laak'ab'a' xwileb' chaq li xak'eheb' we. Laa'in xink'aak'alenk reheb' ut maajun xsachk chiwu, ka'ajwi' li ak teneb'anb'il sa' xb'een li sachk, re naq chitz'aqloq ru li Santil Hu.

San Marcos 14:20

Kixye reheb': —Jun eere laa'ex li Kab'laju, a' li naxtz'a li xwa wochb'een sa' linpulaat.

San Juan 13:26

Kichaq'ok li Jesus ut kixye: —A' li tink'e wi' jun hab'ok chi tz'ab'il wa. Kixchap ut li wa, kixtz'a ut kixk'e re laj Judas, ralal laj Simón Iskariote.

San Juan 6:70

Li Jesus kixsumeheb': —Ma ink'a' tab'i' laa'in xinsik'ok eeru laa'ex li Kab'laju? Ut jun eere laa'ex, a'an aj tza.

San Juan 15:19

Wi ta rehex li ruuchich'och', texxra raj li ruuchich'och' jo' naq naxra li re. Ab'anan moko rehex ta li ruuchich'och', laa'in b'an xinsik'ok eeru ut xexwisi chisa': jo'kan naq xik' nekexril li ruuchich'och'.

Hebreos 4:13

Maa'ani muqmu chiru a'an, chixjunil b'an k'utk'u ut saqenk chiru li Yos li toxqaye wi' qayehom qab'aanuhom.

San Juan 15:16

“Moko laa'ex ta xexsik'ok wu; laa'in b'an xinsik'ok eeru ut xexinxaqab' re texxik ut chi'uuchinq leepaab'aal, ut li taaruuchin leepaab'aal wanq chi junelik. Chi jo'kan chixjunil li teetz'aama chiru li Yuwa'b'ej sa' ink'ab'a', taak'eemanq eere.

San Mateo 10:36

ut eb' li xik' te'iloq re li junjunq, a'anaqeb' ajwi' li wankeb' sa' li rochoch.

Apocalipsis 2:23

Tinq'axtesiheb' li ralal xk'ajol chi kamk. Chi jo'kan chixjunileb' li Iklees te'xnaw naq laa'in li nintz'ili li xch'ooleb' ut li xk'a'uxeb'. Tink'e eere chejunjunqal jo' chanru leeb'aanuhom.

San Juan 21:17

Kixpatz' wi' chik re rox sut: —At Simón, ralalat laj Jwan, ma nikinaara? Kiraho'k xch'ool laj Pedro naq ox sut kipatz'e'k re: «Ma nikinaara?». Ut kichaq'ok: —Qaawa', laa'at nakanaw chixjunil. Laa'at xak'e reetal naq nakatinra, chan. Kixye li Jesus re: —Chach'oolaniheb' linkarneer.

2 Corintios 4:5

Ink'a' yooko chi xpuktesinkil qesil laa'o, a' b'an resil li Kristo Jesus, li Qaawa'; laa'o yal eemoos sa' xk'ab'a' li Jesus.

Jeremías 41:2

laj Ismael, ralal laj Natanías, rochb'eeneb' li lajeeb', ke'wakliik ut ke'xkamsi laj Kedalías, ralal laj Ajikán ut ri laj Safán, li kixaqab'aak chi xjolominkileb' laj Judá xb'aan li awab'ej re Babilonia.

San Mateo 26:21

Ut naq yookeb' chi wa'ak, kixye reheb': —Relik chi yaal ninye eere naq jun eere taaq'axtesinq we.

San Marcos 14:17

Naq ki'ewuuk, kiwulak li Jesus aran rochb'eeneb' li Kab'laju.

San Marcos 14:18

Ut naq hilhookeb' sa' meex chi wa'ak, kixye reheb': —Relik chi yaal ninye eere naq jun eere taaq'axtesinq we, a' li nawa'ak wik'in.

San Lucas 22:21

Waye' wik'in sa' xb'een li meex li ruq' li taaq'axtesinq we.

San Juan 13:21

Naq ak xye a'in, li Jesus sachaamil xch'ool kikanaak, ut ki'aatinak chi yaal: —Relik chi yaal ninye eere naq jun eere taaq'axtesinq we, chan.

San Juan 13:22

Eb' li xtzolom ke'xka'ya rib' chirib'ileb' rib', xb'aan naq ink'a' neke'xnaw ani li naxye.

San Juan 15:25

Jo'ka'in xk'ulmank re naq chitz'aqloq ru li aatin tz'iib'anb'il sa' li xChaq'rab'eb' a'an: «Xik' xine'ril chi maak'a' inmaak».

San Juan 18:32

A'an kik'ulmank re naq chitz'aqloq ru li yeeb'il chaq xb'aan li Jesus, naq kixch'olob' chanru naq taakamq.

San Juan 19:24

Jo'kan naq ke'xye chirib'ileb' rib': —Miqajachi, qab'uuliiq b'an rix re rilb'al ani taakanaaq wi'. Chi jo'kan kitz'aqlok ru li tz'iib'anb'il sa' li Santil Hu: “Xe'xjek'i li waq' chirib'ileb' rib', xe'xb'uuli rix lint'ikr”. A'eb' laj puub' ke'b'aanunk re a'an.

San Juan 19:36

Chixjunil a'in kik'ulmank re naq chitz'aqloq ru li naxye li Santil Hu: “Ink'a' taatoqmanq junaq xb'aqel”.

Hechos 1:2

toj sa' li kutan naq kik'ame'k sa' choxa, naq ak kixchaq'rab'iheb', rik'in Santil Musiq'ej, eb' li apóstol sik'b'ileb' ru xb'aan.

Hechos 1:16

“Ex was wiitz'in, tento xtz'aqlok ru li b'arwan ak yeeb'il chaq sa' li Santil Hu xb'aan li Santil Musiq'ej. A'in ki'aatinak chi xtz'uumal re laj David chirix laj Judas, a' li kik'amok xb'eheb' li ke'chapok re li Jesus.