San Juan 12:8 - Q'eqchi Bible

⁸ Xb'aan naq eb' li neb'a' junelik wanqeb' eerik'in, a'ut laa'in moko junelik ta wanqin eerik'in.

Li Santil hu

⁸ Li nebaꞌ junelic cua̱nkeb saꞌ e̱ya̱nk. Yalak jokꞌe naru te̱tenkꞌaheb. Abanan la̱in moco cua̱nkin ta chi junelic e̱riqꞌuin, chan li Jesús.

San Juan 12:8 ပူးပေါင်းရင်းမြစ်များ

Deuteronomio 15:11

Maajoq'e te'lajq eb' li neb'a' sa' li ruuchich'och' a'in. Jo'kan naq nink'e aawe li chaq'rab' a'in: Tento taaye' laawuq' re laawas ut laawiitz'in, chatenq'a laakomon neb'a' li wank sa' rajb'al ru sa' laatenamit.

San Marcos 14:7

Xb'aan naq eb' li neb'a' junelik wanqeb' eerik'in ut, naq teeraj, texruhanq chi rusilankileb'; a'ut laa'in moko junelik ta wanqin eerik'in.

San Juan 12:35

Kixye li Jesus reheb': —Toj jun k'amok chik taawanq li saqenk sa' eeyanq. Chexb'eeq naq toj wanq eesaqenk, re naq ink'a' tolexxtaw li aak'ab': ani nab'eek sa' li aak'ab', ink'a' naxnaw b'ar yo chi xik.

San Mateo 26:11

Xb'aan naq eb' li neb'a' junelik wanqeb' eerik'in, a'ut laa'in moko junelik ta wanqin eerik'in.

San Juan 13:33

“Ex walal ink'ajol, yal jun k'amok aj chik tinwanq eerik'in. Laa'ex tineesik'. Jo' xinye reheb' laj Judiiy, jo'kan ajwi' tinye eere anaqwan: B'arwi' xik we laa'in, ink'a' texruuq chi xik laa'ex.

San Juan 8:21

Li Jesus kixye wi' chik reheb': —Xik we laa'in. Laa'ex tineesik', ut texkamq sa' leemaak. B'ar wi' xik we laa'in, ink'a' truuq texxik laa'ex.

Cantares 5:6

Xinte li kab'l chiru linrahom, ab'an ak xkoho chik linrahom, maa'ani chik. Xinkanaak chi sachso linch'ool naq xwab'i chi aatinak. Xinsik', ab'an ink'a' xintaw; xinb'oq, ab'an ink'a' xinxsume.