San Juan 12:49 - Q'eqchi Bible

⁴⁹ “Xb'aan naq moko xin'aatinak ta injunes wib', a' b'an li Yuwa'b'ej li kitaqlank chaq we xinxchaq'rab'i k'aru tinye ut k'a' chi aj ix tin'aatinaq;

Li Santil hu

⁴⁹ Li cꞌaꞌru yo̱quin chixyebal, aꞌan tzꞌakal ya̱l xban nak moco injunes ta yo̱quin chi a̱tinac. Li Yucuaꞌbej li quitaklan chak cue, aꞌan li nayehoc cue cꞌaꞌru tinye.

San Juan 12:49 ပူးပေါင်းရင်းမြစ်များ

San Juan 14:10

Ma ink'a' nakapaab' naq laa'in wankin rik'in li Yuwa'b'ej ut li Yuwa'b'ej wank wik'in? Eb' li aatin li ninye eere, moko injunes ta wib' naq ninye; a' li Yuwa'b'ej li wank wik'in, a'an li nab'aanunk re li k'anjel.

San Juan 8:26

Naab'al raj naru tinye cherix li tinraqoq wi' aatin, ab'an li kitaqlank chaq we a'an paab'ajel; ut li k'aru kiwab'i chaq rik'in, a'an li ninye re li ruuchich'och'.

San Juan 5:30

“Laa'in maak'a' naru ninb'aanu injunes wib': a' yaal chanru nawab'i, ninraqok aatin, ut linraqb'a aatin a'an tiik xb'aan naq ink'a' ninsik' li wajom laa'in, a' b'an li rajom li kitaqlank chaq we.

San Juan 17:8

xb'aan naq eb' li aatin xak'eheb' we xink'e reheb', ut eb' a'an xe'xk'ul ut xe'xnaw chi tz'aqal yaal naq aawik'in xin'elk chaq, jo' ajwi' xe'xpaab' naq laa'at xattaqlank chaq we.

Deuteronomio 18:18

Laa'in tinwaklesi sa' xyanqeb' li ras riitz'in jun li propeet kama' laa'at; tink'eheb' li waatin sa' re, ut a'an taayehoq reheb' chixjunil li k'aru tinye laa'in.

San Juan 14:31

ab'anan tento tixnaw li ruuchich'och' naq ninra li Yuwa'b'ej ut ninb'aanu li xinxtaqla wi' chaq. Xaqlinqex anaqwan ut elqo arin.

San Juan 15:15

Ink'a' chik ninye moosej eere xb'aan naq li moosej ink'a' naxnaw li naxb'aanu laj eechal re; wamiiw b'an chik ninye eere xb'aan naq chixjunil li xwab'i chaq rik'in linYuwa', xlajink'ut cheru.

San Juan 8:42

Kixye li Jesus reheb': —Wi ta a' li Yos leeYuwa', nikineera raj, xb'aan naq rik'in li Yos kin'elk ut kinchalk chaq. Ink'a' kinchalk injunes wib'; a' li Yos, a'an li kitaqlank chaq we.

San Juan 3:32

na'aatinak chirix li rilom ut rab'ihom, ab'an maa'ani nak'ulub'ank re li raatin.

San Juan 3:11

Relik chi yaal ninye aawe: laa'o nokoo'aatinak chirix li k'aru naqanaw, ut naqanumsi resil li tz'aqal qilom; a'ut laa'ex ink'a' nekek'ulub'a li qaatin.

Apocalipsis 1:1

A'an a'in li kik'utb'esiik chiru li Jesukriist xb'aan li Yos re naq tixk'ut, chiruheb' laj k'anjel chiru, chixjunil li taak'ulmanq chi seeb'. Li Jesukriist kixtaqla chaq li x'ánjel re xk'eeb'al chixnaw laj Jwan li xmoos;

San Juan 5:19

Kixye ut li Jesus reheb': “Relik chi yaal ninye eere: li K'ajolb'ej maak'a' naru tixb'aanu xjunes rib'; ka'ajwi' li naril chi xb'aanunkil li Yuwa'b'ej, a'an li naxb'aanu li K'ajolb'ej. Li naxb'aanu li Yuwa'b'ej, a'an ajwi' naxb'aanu li K'ajolb'ej.

San Juan 6:68

Kichaq'ok laj Simón Pedro ut kixye: —Qaawa', ani aj ik'in tooxik? Aawik'in wank li aatin nak'ehok li junelik yu'am.

San Juan 7:16

Kichaq'ok li Jesus ut kixye reheb': —Li k'aru nink'ut laa'in moko we ta, re b'an li kitaqlank chaq we.

San Juan 8:28

Jo'kan naq li Jesus kixye reheb': —Akaq xetaqsi li K'ajolb'ej, toja' naq teenaw naq Laa'inin ut maak'a' ninb'aanu injunes wib', ninye b'an li k'aru kixk'ut chiwu li Yuwa'b'ej.

San Juan 14:24

Ani ink'a' nikinxra ink'a' naxk'e xch'ool chirixeb' li waatin, ut li aatin nekerab'i moko we ta, re b'an li Yuwa'b'ej li kitaqlank chaq we.