San Juan 12:48 - Q'eqchi Bible

⁴⁸ Ani natz'eqtaanank we ut ink'a' naxk'ulub'an eb' li waatin, wank ani taaraqoq aatin sa' xb'een: li Aatin xinye, a'an li taaraqoq aatin sa' xb'een sa' roso'jikeb' li kutan.

Li Santil hu

⁴⁸ Tento nak ta̱rakekꞌ a̱tin saꞌ xbe̱neb li nequeꞌtzꞌekta̱nan cue, li incꞌaꞌ nequeꞌpa̱ban re li cꞌaꞌru ninye. Li a̱tin li xinye, aꞌan ajcuiꞌ li ta̱qꞌuehok reheb chixtojbal rix lix ma̱queb saꞌ rosoꞌjiqueb li cutan.

San Juan 12:48 ပူးပေါင်းရင်းမြစ်များ

San Lucas 10:16

“Ani taa'ab'inq eere, laa'in tinrab'i; ut ani taatz'eqtaananq eere, laa'in tinxtz'eqtaana; ut li taatz'eqtaananq we, tixtz'eqtaana ajwi' li kitaqlank chaq we”.

Romanos 2:16

Chixjunil a'in taak'utunq chi us sa' li kutan taaraqoq wi' aatin li Yos sa' xk'ab'a' li Jesukriist chirix li k'aru muqmu sa' xch'ooleb' chixjunileb'. A'an a'in li Chaab'il Esilal ink'ulum laa'in.

2 Ts 1:8

rik'in raq'xam, ut taa'eeqajunq sa' xb'eeneb' li ink'a' neke'xnaw ru li Yos, eb' li ink'a' neke'xpaab' li xChaab'il Esil li Qaawa' Jesus.

San Juan 11:24

Kichaq'ok lix Marta: —Ninnaw naq taawakliiq wi' chik sa' xwaklijikeb' chi yo'yo li kamenaq, sa' roso'jikeb' li kutan, chan.

Hebreos 12:25

K'ehomaq reetal, meetz'eqtaana li yo chi aatinak qik'in, xb'aan naq wi ink'a' ke'kole'k li ke'xtz'eqtaana laj ch'olob'ahom yaal arin sa' ruuchich'och', ma toja' ta chik laa'o wi taaqatz'eqtaana li na'aatinak chaq toj sa' choxa?

Isaías 53:3

A'an tz'eqtaananb'il ut xik' ilb'il xb'aaneb' li poyanam, a'an jun li winq junes ra naril ut k'aynaq chi k'uluk rahilal; chanchan junaq li maajun naraj ilok re, majewanb'il chi moko xqak'e sa' xnaq' qu.

Hebreos 2:3

chan put ru naq tookole'q laa'o, wi tqatz'eqtaana li xnimal kolb'a ib' a'in? A'an kiyehe'k resil sa' xtiklajik xb'aan li Qaawa', ut moqon chik kich'olob'aak chiqu xb'aaneb' li ke'ab'ink chaq re.

San Juan 5:45

“Meek'oxla naq laa'in tinjitoq eere chiru li Yuwa'b'ej: a' laj Moisés taajitoq eere, li kaw wi' eech'ool chi oyb'enink.

San Mateo 21:42

Kixye li Jesus reheb': —Ma maajun wa eerilom sa' li Santil Hu: «Li pek li ke'xtz'eqtaana eb' laj kab'lanel, a'an li kikanaak cho'q xnimal ru pek sa' li kab'l. A' li Qaawa' kib'aanunk re a'in, ut a'an sachb'ach'oolej chiqu»?

1 Samuel 10:19

A'ut anaqwan laa'ex xetz'eqtaana leeYos, li kikolok eere chiru chixjunil leerahilal ut ch'a'ajkilal, ut xeye re: «K'e qe junaq awab'ej», chankex. Jo'kan b'i', k'utomaq eerib' chiru li Qaawa', chi teepal ut chi junqkab'alil”.

2 Corintios 4:3

Ut wi toj tz'aptz'o ru li Chaab'il Esilal naqapuktesi laa'o, tz'aptz'o ru cho'q reheb' li yookeb' chi sachk,

San Lucas 20:17

A'ut li Jesus kixka'yaheb' ut kixye: —K'aru xyaalal a'in li tz'iib'anb'il sa' Santil Hu: «Li pek li ke'xtz'eqtaana eb' laj kab'lanel, a'an li kikanaak cho'q xnimal ru pek sa' li kab'l»?

San Lucas 17:25

Ab'anan, xb'enwa tento naq tixk'ul naab'al rahilal ut taatz'eqtaanaaq xb'aaneb' li tenamit a'in.

San Lucas 9:26

Xb'aan naq ani taaxutaanaq sa' ink'ab'a' ut xb'aaneb' li waatin, taaxutaanaq ajwi' li K'ajolb'ej xb'aan a'an, naq tol'elq sa' li xnimal xloq'al jo'wi' sa' xnimal xloq'al li xYuwa' ut eb' li xsantil ánjel.

San Lucas 9:22

Kixye reheb': —Li K'ajolb'ej tento tixk'ul naab'al li rahilal, tento taatz'eqtaanaaq xb'aaneb' li cheekel winq, li xb'eenileb' aj tij ut eb' laj tz'iib'; taakamsiiq ut taawakliiq chi yo'yo sa' rox li kutan.

San Lucas 7:30

A'ut eb' laj pariseey ut eb' laj nahol Chaq'rab' ke'xsach xwankil li xnimal rajom li Yos sa' xb'eeneb', naq ink'a' ke'xk'ulub'an naq te'kub'siiq xha'eb'.

San Marcos 16:16

Ani taapaab'anq ut taakub'eeq xha', a'an taakole'q; a'ut li ink'a' taapaab'anq, taateneb'aaq tojb'amaak sa' xb'een.

San Marcos 12:10

“Ma ink'a' eerilom sa' li Santil Hu li jun raqal a'in: «Li pek li ke'xtz'eqtaana eb' laj kab'lanel, a'an li kikanaak cho'q xnimal ru pek sa' li kab'l.

San Mateo 25:31

“Naq taak'ulunq chaq li K'ajolb'ej sa' li xnimal xloq'al rochb'eenaqeb' chaq chixjunileb' li x'ánjel, toja' naq taak'ojlaaq sa' li xloq'laj k'ojarib'aal.

1 Samuel 8:7

ut li Qaawa' kixye re laj Samuel: “Paab' chixjunil li te'xye aawe li tenamit. Xb'aan naq moko laa'at xate'xtz'eqtaana, laa'in b'an xine'xtz'eqtaana, re naq ink'a' tintaqlanq sa' xb'eeneb'.

Hechos 3:23

Yalaq ani ink'a' taapaab'anq re li propeet a'an, isinb'ilaq chi junajwa sa' xyanqeb' li tenamit».

San Marcos 8:31

Li Jesus kixtikib' xtzolb'aleb' naq li K'ajolb'ej tento tixk'ul naab'al rahilal, tento taatz'eqtaanaaq xb'aaneb' li cheekel winq, li xb'eenileb' aj tij ut eb' laj tz'iib', taakamsiiq ut taawakliiq chi yo'yo sa' rox li kutan.

San Mateo 10:15

Relik chi yaal ninye eere: sa' xkutankil li raqb'a aatin kotzkooq b'ayaq li rahilal tixk'ul Sodoom ut Gomoor chiru li tixk'ul li tenamit a'an.

San Juan 6:39

Ut a'an a'in li rajom li kitaqlank chaq we: naq chixjunil li xk'ehom we ink'a' taasachq chiwu, tinwaklesi b'an chi yo'yo sa' roso'jikeb' li kutan.

San Juan 8:47

Li ani nachalk rik'in li Yos narab'i li naxye li Yos; ut laa'ex ink'a' nekerab'i xb'aan naq moko rehex ta li Yos.

Hechos 17:31

Xb'aan naq li Yos ak kixxaqab' li kutan tixraq wi' aatin sa' tiikilal sa' xb'een li ruuchich'och', sa' xk'ab'a' jun li winq xaqab'anb'il xb'aan. Kixk'ut ajwi' chiruheb' chixjunil naq tz'aqal yaal a'an, rik'in xwaklesinkil chi yo'yo li Jesus sa' xyanqeb' li kamenaq”.

Hebreos 4:12

Relik chi yaal naq yo'yo li Raatin li Yos ut kaw rib', jwal q'es chiru chixjunil li ch'iich' ka'pak'al xq'esnal. Nawulak toj sa' xyanq li aanmej rik'in li musiq'ej, toj sa'atq xtiqb'al li qab'aqel ut li sulutz; narajla jo'ch'inal jo'nimal li nareek'a ut naxk'oxla li ch'oolej.

Hebreos 10:25

Miqakanab' li qach'utam: wankeb' k'aynaqeb' xb'aanunkil chi jo'kan. Qawaklesihaq b'an qach'ool chiqib'il qib', ut q'axal chik anaqwan naq nekeril naq yo chaq chi nach'ok li Kutan.

1 Pedro 1:5

li xokxookex xb'aan xwankil li Yos, sa' xk'ab'a' leepaab'aal, cho'q re li kolb'a ib' li taak'utb'esiiq sa' roso'jikeb' li kutan.

2 Pedro 3:3

Chenawaq xyaalal a'in xb'enwa: naq sa' roso'jikeb' li kutan te'chalje'q winq tz'aqal aj eetz'uneleb', li te'xb'aanu li naxrahi li tz'ejwalej:

2 Pedro 3:7

A'ut li choxach'och' li wankeb' anaqwan k'uulanb'ileb' cho'q re li xam xb'aan ajwi' Raatin li Yos, ut xokxookeb' cho'q re xkutankil li raqb'a aatin naq te'sache'q li ink'a' neke'paab'ank.