San Juan 12:43 - Q'eqchi Bible

⁴³ xb'aan naq a' chik li loq'al li neke'xk'e eb' li tenamit ke'xra chiru li loq'al nachalk rik'in li Yos.

Li Santil hu

⁴³ Aꞌ chic li lokꞌal li nequeꞌxqꞌue li tenamit queꞌxqꞌue xcuanquil. Ut incꞌaꞌ queꞌxqꞌue xcuanquil li lokꞌal li naxqꞌue li Dios.

San Juan 12:43 ပူးပေါင်းရင်းမြစ်များ

San Juan 5:44

Chanru naq wanq eepaab'aal laa'ex li nekek'ul eeloq'al cherib'il eerib' ut ink'a' nekesik' li loq'al nachalk rik'in li jun chi Yos?

San Juan 5:41

“Laa'in ink'a' ninsik' inloq'al rik'ineb' li winq;

San Lucas 16:15

Ut li Jesus kixye reheb': “Laa'ex tiik leech'ool chiruheb' li tenamit naq nekeb'aanu eerib'. Ab'an li Yos naxnaw leech'ool, xb'aan naq li k'aru wank xloq'al chiruheb' li winq, a'an tz'eqb'eetal chiru li Yos.

1 Ts 2:6

Ink'a' xqasik' qaloq'al rik'ineb' li tenamit, chi moko eerik'in laa'ex malaj rik'in anihaq chik.

2 Corintios 10:18

Moko li naxye rib' naq chaab'il, a'an taak'ule'q; a' b'an li nanimaak xloq'al xb'aan li Qaawa'.

San Mateo 6:2

“Jo'kan utan, naq taatenq'a junaq li wank sa' aajel ru, maayaab'asi tronpeet chawu jo' neke'xb'aanu eb' laj ka'pak'al u sa'eb' li ch'utleb'aal kab'l ut sa' b'e re naq te'oxloq'iiq xb'aaneb' li tenamit. Relik chi yaal ninye eere naq ak xe'xk'ul li xq'ajkamunkileb'.

1 Corintios 4:5

Jo'kan naq mexraqok aatin chi maji' xq'ehil, toj reetal tol'elq li Qaawa'. A'an taakutanob'resinq re li k'a'aq re ru muqmu chaq sa' li aak'ab' ut tixk'utb'esi li na'alaak sa' xch'ool chixjunileb'. Toja' naq li junjunq tixk'ul xloq'al rik'in li Yos.

San Juan 12:26

Wi ani naraj k'anjelak chiwu, chinxtaaqehaq, ut b'ar wanqin laa'in, aran ajwi' wanq laj k'anjel chiwu. Wi ani taak'anjelaq chiwu, taak'ehe'q xloq'al xb'aan li Yuwa'b'ej.

San Juan 8:54

Kichaq'ok li Jesus ut kixye: —Wi ta laa'in ninnima inloq'al injunes wib', linloq'al maak'a' na'ok wi'. A' b'an linYuwa' naxnimob'resi inloq'al, a' li nekeye laa'ex: «A'an li qaYos»,

San Lucas 19:17

«Us, at chaab'il moos -chu'uxk re-. Tiik aach'ool naq xatwank rik'in li b'a'b'ay; chiwanq b'i' aawankil sa' xb'een lajeeb' chi tenamit».

1 Samuel 2:30

Jo'kan naq li Qaawa', xYos laj Israel, naxye chi jo'ka'in: «Us ta ak xinye naq laajunkab'al ut li xjunkab'al laayuwa' junelik raj wanqeb' chiwu, ab'an anaqwan moko jo'kan ta chik tinb'aanu. Jo'k'ihaleb' li neke'oxloq'ink we, twoxloq'iheb', a'ut li neke'tz'eqtaanank we, tz'eqtaananb'ilaqeb' inb'aan.

1 Pedro 3:4

Chiwanq b'an leech'ina'usal sa' xchamal leech'ool, a' li wank sa' q'unil ut tuqtuukil ch'oolejil li ink'a' na'oso'k; a'an q'axal loq' chiru li Yos.

Romanos 2:7

li Yos tixk'e junelik yu'am reheb' li ninqeb' xkuyum chi xb'aanunkil li us, jo'k'ihaleb' li neke'xsik' li loq'al, li chaab'ilal ut li yu'am ink'a' nalajk na'oso'k.

Salmos 22:29

Xb'aan naq li Qaawa' a'an awab'ej, a'an na'awab'ejink reheb' li tenamit.

1 Samuel 15:30

Kichaq'ok laj Saúl ut kixye: “Xinmaakob'k, ab'an nintz'aama usilal chawu: k'e inloq'al cho'q awab'ej chiruheb' li xcheekal winqul lintenamit ut chiruheb' chixjunil laj Israel. Kim chiwix chi xloq'oninkil li Qaawa' laaYos”.

Proverbios 29:25

Li naxiwak chiruheb' li winq, a'an naxsach rib'; ab'an li k'ojk'o xch'ool rik'in li Qaawa', maak'a' rahilal tixk'ul.

San Juan 7:18

Ani na'aatinak yal xjunes rib', a'an naxsik' naq taak'eemanq xloq'al; ab'an li naxsik' xloq'al li kitaqlank chaq re, a'an paab'ajel ut maak'a' b'alaq'ik rik'in.

Romanos 2:29

Li tz'aqal aj judiiy ak a'an ajwi' chaq sa' li xch'ool, ut li tz'aqal sirkunsisyon a'an li na'uxk sa' li ch'oolej, a' li uxb'il xb'aan li Musiq'ej ut ink'a' yal xb'aan xpaab'ankil junaq chaq'rab'. Li tz'aqal aj judiiy a'an li nanimaak ru xb'aan li Yos ut ink'a' xb'aaneb' li tenamit.